ການແລ່ນເປັນການອອກກຳລັງກາຍທີ່ເຮັດໄດ້ງ່າຍແລະປະຫຍັດ ແຕ່ບາງເທື່ອເຕັກນິກການແລ່ນ ທີ່ບໍ່ຖືກຕ້ອງ ລວມເຖິງເກີບ ຫລືສະພາບຮ່າງກາຍທີ່ບໍ່ອຳນວຍກໍອາດເຮັດໃຫ້ເກີດການບາດເຈັບໄດ້ເຊັ່ນກັນ
ເຄັດລັບສຸຂະພາບມີ 5ວິທີປ້ອງກັນບໍ່ໃຫ້ເກີດອາການປວດເຂົ່າ ຂະນະແລ່ນມາຝາກ
- ຄວນອົບອຸ່ນຮ່າງກາຍແລະຢືດກ້າມເນື້ອໃຫ້ພຽງພໍ ໂດຍເລີ່ມຈາກການຍ່າງໄວຫລື ແລ່ນຫລາຍໆ ກ່ອນທີ່ຈະແລ່ນເຕັມທີ່ ລວມທັງຄວນຢືດກ້າມເນື້ອຮອບເຂົ່າ ແລະ ຂໍ້ຕີນທຸກເທື່ອ ເພື່ອໃຫ້ມີການປັບໂຕຂອງກ້າມຊີ້ນ ທີ່ໃຊ້ໃນການອອກກຳລັງກາຍ ເຊັ່ນ ການຫຍຽດເຄົ່າຊື່ ແລະ ຈັງກ້າມຊີ້ນຕົ້ນຂາຄ້າງໄວ້ 5ວິນາທີຕໍ່ເທື່ອ ເຮັດປະມານ 10 – 20ເທື່ອຕໍ່ມື້ ເປັນຕົ້ນ
- ເລືອກຊື້ເກີບແລ່ນໃຫ້ເໝາະສົມ ເກີບທີ່ໃຊ້ຄວນມີພື້ນກັນແຮງກະທົບທີ່ພຽງພໍແລະມີຄວາມກະຊັບພໍດີກັບຕີນ ເຊິ່ງຕາມຮ້ານຄ້າທີ່ຂາຍມັກຈະມີການແຍກປະເພດເກີບກິລາຊະນິດຕ່າງໆ ໄວ້ແລ້ວ
- ຄວນກວດເບິ່ງລັກສະນະຕີນວ່າຜິດປົກກະຕິຫລືບໍ່ ສ່ວນໃຫຍ່ທີ່ພົບຄື ພາວະຕີນແປຖ້າເຈົ້າມີຕີນແປ ເວລາ ແລ່ນດົນໆ ອາດເຮັດໃຫ້ເກີດອາການປວດເຂົ່າ ແລະ ຂໍ້ຕີນໄດ້
- ບໍ່ຄວນແລ່ນ ກ້າວຕີນຍາວເກີນໄປ ຫລື ຍົກເຄົ່າສູງເກີນໄປ ເພາະເຮັດໃຫ້ຂໍ້ເຂົ່າຕ້ອງງໍຫລາຍເກີນຄວາມຈຳເປັນ ອາດເຮັດໃຫ້ເກີດບັນຫາປວດເຂົ່າໄດ້ງ່າຍຂຶ້ນ
- ຄວນແລ່ນໂດຍລົງນ້ຳໜັກທີ່ສົ້ນຕີນ ການແລ່ນໂດຍລົງນ້ຳໜັກທີ່ປາຍຕີນດົນໆ ຈະເຮັດໃຫ້ເກີດແຮງດຶງຝ່າຕີນ ປວດກ້າມຊີ້ນຕີນ ແລະ ຍັງເກີດແນວແຮງທີ່ຜິດປົກກະຕິທີ່ຜ່ານຕໍ່ຂໍ້ເຂົ່າ ເຮັດໃຫ້ຕ້ອງງໍເຂົ່າຫລາຍຂຶ້ນ ຂະນະແລ່ນ ແລະ ອາດເຮັດໃຫ້ເກີດການປວດເຂົ່າທາງໜ້າໄດ້
ແຕ່ຖ້າຫາກມີພາວະຂໍ້ເສື່ອມຢ່າງຊັດເຈນ ຂໍແນະນຳໃຫ້ໃຊ້ການອອກກຳລັງກາຍດ້ວຍວິທີອື່ນໆ ເຊັ່ນ ລອຍນໍ້າ ໂຍຄະ ຫລື ຍ່າງໄວ ແທນການແລ່ນ