spot_img
Homeຂ່າວທ້ອງຖິ່ນອາກາດຍັງຈະຮ້ອນເອົ້າ ແລະ ຈະມີຝົນຕົກໃນຫຼາຍພື້ນທີ່ໃນໄລຍະວັນທີ 10-12 ພຶດສະພາ 2019

ອາກາດຍັງຈະຮ້ອນເອົ້າ ແລະ ຈະມີຝົນຕົກໃນຫຼາຍພື້ນທີ່ໃນໄລຍະວັນທີ 10-12 ພຶດສະພາ 2019

Published on

ກົມອຸຕຸນິຍົມ ແລະ ອຸທົກກະສາດຄາດຄະເນສະພາບອາກາດໃນໄລຍະວັນທີ 6-12 ພຶດສະພາ 2019 ຍ້ອນຄວາມກົດດັນຕໍ່າຂອງອາກາດຮ້ອນຍັງປົກຄຸມຢູ່ທຸກພາກຂອງປະເທດລາວດ້ວຍກຳລັງປານກາງ ສົມທົບກັບກະແສລົມຕາເວັນຕົກພັດປົກຄຸມພາກເໜືອ ແລະ ລົມຕາມເວັນຕົກສຽງໃຕ້ພັດປົກຄຸມພາກກາງຫາພາກໃຕ້ ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນຫາຮ້ອນເອົ້າ ລວມທັງມີໝອກປົກຄຸມໃນຕອນກາງເວັນ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ບາງທ້ອງຖິ່ນຂອງແຂວງພາກກາງຫາ ພາກໃຕ້ ພ້ອມນີ້ ກໍຈະມີລົມພັດແຮງເປັນບາງເວລາ  ຊຶ່ງວັນທີ 10-12 ພຶດສະພາ 2019 ຄວາມກົດດັນຕໍ່າຂອງອາກາດຮ້ອນຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດ ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນເອົ້າຢູ່ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງ ແລະມີລົມພັດແຮງໃນຕອນບ່າຍຫາຄໍ່າຢູ່ບາງທ້ອງຖິ່ນໃນແຕ່ລະພາກ.

ພາກເໜືອດ້ານຕາເວັນອອກ ໃນໄລຍະວັນທີ 6-9 ພຶດສະພາ 2019 ອາກາດເຢັນໃນຕອນກາງຄືນຫາຕອນເຊົ້າ ແລະ ໃນຕອນບ່າຍອາກາດຍັງຈະຮ້ອນ ລວມທັງມີລົມພັດແຮງຢູ່ບາງທ້ອງຖິ່ນຂອງແຂວງຊຽງຂວາງ ແລະ ໃນວັນທີ 10-12 ພຶດສະພາ 2019 ອາກາດຍັງສືບຕໍ່ຮ້ອນໃນຕອນບ່າຍ ແລະ ຈະມີຝົນຕົກຟ້າຮ້ອງຟ້າເຫຼືອມໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງ ຖິ່ນຂອງແຂວງຜົ້ງສາລີ ຫົວພັນ ແລະ ຊຽງຂວາງ.

ພາກເໜືອດ້ານຕາເວັນຕົກ ໄລຍະວັນທີ 6-9 ພຶດສະພາ 2019 ອາກາດຍັງຈະຮ້ອນເອົ້າຫາຮ້ອນເອົ້າຫຼາຍໃນຕອນບ່າຍ ແລະຈະມີໝອກປົກຄຸມໃນຕອນກາງເວັນ ແລະໃນວັນທີ 10-12 ພຶດສະພາ 2019 ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ແລະມີລົມພັດແຮງຢູ່ບາງທ້ອງຖິ່ນຂອງແຂວງຫຼວງນໍ້າທາ ອຸດົມໄຊ ບໍ່ແກ້ວ ຫຼວງພະບາງ ແລະ ໄຊຍະບູລີ.

ພາກກາງ ໄລຍະວັນທີ 6-9 ພຶດສະພາ 2019 ອາກາດຍັງຈະຮ້ອນເອົ້າຫາຮ້ອນເອົ້າຫຼາຍໃນຕອນບ່າຍ ແລະຈະມີໝອກປົກຄຸມໃນຕອນກາງເວັນ ແລະ ຈະມີຝົນຕົກຟ້າຮອງຟ້າເຫຼື້ອມໃນລະດັບຄ່ອຍຫາປານກາງ ແລະ ຈະມີລົມພັດແຮງຢູ່ບາງທ້ອງຖິ່ນຂອງແຂວງ ວຽງຈັນ ບໍລິຄຳໄຊ ຄຳມ່ວນ ແລະ ສະຫວັນນະເຂດ ແລະ ວັນທີ 10-12 ພຶດສະພາ 2019 ຈະມີຝົນຕົກຫຼາຍຂຶ້ນ ແລະ ຈະມີລົມພັດແຮງບາງຄັ້ງຄາວ.

ສະເພາະແຂວງໄຊສົມບູນ ເຂດຫຼັກ 20 ເມືອງວຽງທອງ ແລະ ເມືອງນາກາຍ ໄລຍະວັນທີ 6-9 ພຶດສະພາ 2019 ອາກາດຈະເຢັນໃນຕອນກາງຄືນຫາຕອນເຊົ້າ ແລະ ອາກາດຮ້ອນໃນຕອນບ່າຍ ຈະມີຝົນຕົກໃນລະດັບຄ່ອຍ ແລະມີລົມພັດແຮງບາງຄັ້ງຄາວຢູ່ບາງບໍລິເວນ  ແລະ ວັນທີ 10-12 ພຶດສະພາ 2019 ຝົນກໍຍັງສືບຕໍ່ຕົກຄືເກົ່າ.

ພາກໃຕ້ ໄລຍະວັນທີ 6-9 ພຶດສະພາ 2019 ອາກາດຍັງຈະຮ້ອນເອົ້າຫາຮ້ອນເອົ້າຫຼາຍໃນຕອນບ່າຍ ແລະມີໝອກປົກຄຸມ ໃນຕອນກາງເວັນຈະມີຝົນຕົກຟ້າຮອງຟ້າເຫຼື້ອມໃນລະດັບຄ່ອຍຫາປານກາງ ແລະມີລົມພັດແຮງຢູ່ບາງທ້ອງຖິ່ນຂອງແຂວງເຊກອງ ​ສາລະວັນ ຈຳປາສັກ ແລະ ອັດຕະປື ແລະ ວັນທີ 10-12 ພຶດສະພາ 2019 ຈະມີຝົນຕົກກະຈາຍພ້ອມມີລົມພັດແຮງຢູ່ບາງທ້ອງຖິ່ນຕື່ມອີກ.

ສະເພາະເຂດພູພຽງບໍລະເວນ ໄລຍະວັນທີ 6-9 ພຶດສະພາ 2019 ອາກາດຈະເຢັນໃນຕອນເຊົ້າ ແລະ ຈະມີຝົນຕົກໃນລະດັບຄ່ອຍ ແລະມີລົມພັດແຮງບາງຄັ້ງຄາວຢູ່ບາງບໍລິເວນ ແລະ ວັນທີ 10-12 ພຶດສະພາ 2019 ຈະມີຝົນຕົກກະຈາຍເປັນບາງໂອກາດຢູ່ບາງບໍລິເວນ.

ນະຄອນຫຼວງວຽງຈັນ ໄລຍະວັນທີ 6-9 ພຶດສະພາ 2019 ອາກາດຍັງຈະຮ້ອນຫາຮ້ອນເອົ້າ ແລະ ມີໝອກປົກຄຸມຢູ່ທົ່ວໄປ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ບາງບໍລິເວນ ແລະມີລົມພັດແຮງບາງຄັ້ງຄາວໃນຕອນບ່າຍຫາຕອນກາງຄືນ ແລະ ວັນທີ 10-12 ພຶດສະພາ 2019 ອາກາດຍັງຈະສືບຕໍ່ຮ້ອນ ແລະ ຈະມິຝົນຕົກຟ້າຮ້ອງ ແລະ ມີລົມພັດແຮງບາງຄັ້ງຄາວຢູ່ບາງບໍລິເວນໃນຕອນບ່າຍຫາກາງຄືນ.

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ:​ ກົມອຸຕຸນິຍົມ ແລະ ອຸທົກກະສາດ

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...