spot_img
Homeຂ່າວທ້ອງຖິ່ນຟອນເພັດຊະລາດ ແລະ ນຳສະເໜີກ່ຽວກັບມາດຕະຖານເວັບໄຊ ຂອງລັດຖະບານ

ຟອນເພັດຊະລາດ ແລະ ນຳສະເໜີກ່ຽວກັບມາດຕະຖານເວັບໄຊ ຂອງລັດຖະບານ

Published on

ສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ນຳສະເໜີ ກ່ຽວກັມາດຕະຖານເວັບໄຊ (website) ໃນການປັບປຸງຟອນເພັດຊະລາດຂອງລັດຖະບານ.

ກອງປະຊຸມສຳມະນາການນຳສະເໜີ ກ່ຽວກັບມາດຕະຖານເວັບໄຊ ໄດ້ຈັດຂື້ນທີ່ນະຄອນຫຼວງວຽງວັນ ໃນວັນທີ 29 ມີນາ 2019. ການສຳມະນາຄັ້ງນີ້, ພາຍໃຕ້ການເປັນປະທານຂອງທ່ານ ທະວີສັກ ມະໂນທັມ ຫົວໜ້າສູນບໍລິຫານລັດ ດ້ວຍເອເລັກໂຕຣນິກ, ໂດຍມີບັນດາຜູ້ຕາງໜ້າຈາກບັນດາກະຊວງ ແລະ ຫ້ອງການລັດຕ່າງໆ 60 ກວ່າຄົນເຂົ້າຮ່ວມ.

ທ່ານ ທະວີສັກ ມະໂນທັມ ກ່າວວ່າ: ຈຸດປະສົງໃນການສຳມະນາຄັ້ງນີ້, ແມ່ນເພື່ອນໍາສະເໜີກ່ຽວກັບຄວາມເປັນມາໃນການພັດທະນາ ຟອນພາສາລາວເພັດຊະລາດ, ບັນດາມາດຕະຖານຕົວອັກສອນ ແລະ ການພີມພາສາລາວ ລວມເຖິງການນຳສະເໜີ ບັນດາເຄື່ອງມື ແລະ ເຕັກນິກຂອງການສ້າງຟອນພາສາລາວ, ການພັດທະນາລະບົບການແປພາສາໄມໂຄຣຊອບ (Microsoft Translator Hub) ເພື່ອໃຫ້ພາສາລາວ ເຂົ້າໄປຢູ່ໃນລະບົບການແປຂອງໄມໂຄຣຊອບ, ມາດຕະຖານເວັບໄຊ ຂອງພາກລັດຖະບານ ແລະ ຮູບແບບເວັບໄຊຂອງລັດຖະບານ ທີ່ທາງກະຊວງໄປສະນີ, ໂທລະຄົມມະນາ ຄົມ ແລະ ການສື່ສານໄດ້ຮ່ວມກັນພັດທະນາກັບ ບໍລິສັດ ໄຊເບີເຣຍ ທີ່ມີຄວາມສະຖຽນ ແລະ ປອດໄພ.

ການສຳມະນາໃນຄັ້ງນີ້, ບັນດານັກສຳມະນາກອນ ໄດ້ປະກອບຄຳຄິດຄຳເຫັນໃສ່ຮ່າງມາດຕະຖານຕົວໜັງສື ແລະ ເວັບໄຊຂອງພາກລັດ, ເຊິ່ງຈະເປັນຜົນປະໂຫຍດສູງສຸດ ໃນການກໍານົດແຜນພັດທະນາຟອນພາສາລາວ ກໍຄື ມາດຕະຖານເວັບໄຊຂອງພາກລັດ ໃຫ້ສົມບູນ ແລະ ມີປະສິດທິພາບ ລວມທັງສະໜອງໄດ້ທຸກຄວາມຕ້ອງການ ຂອງການນຳໃຊ້ໃນຕໍ່ໜ້າ.

ຂຽນໂດຍ: ແຟນຊິສ ສະຫວັນຄຳ

ບົດຄວາມຫຼ້າສຸດ

ການສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ພ້ອມຂົວຂ້າມນໍ້າຂອງ 1 ແຫ່ງ

ສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ແຫຼ່ງຂ່າວຈາກ ແຂວງຫຼວພະບາງ ໃຫ້ຮູ້ວ່າ: ພິທີເຊັນສັນຍາໃນການສຳຫຼວດ-ອອກແບບ, ຄິດໄລ່ປະເມີນມູນຄ່າໂຄງການ, ຂຽນບົດວິພາກເສດຖະກິດ-ເຕັກນິກ, ສຶກສາຜົນກະທົບສິ່ງແວດລ້ອມ-ສັງຄົມ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ...

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...

ລາວກຽມພ້ອມພັດທະນາ ແບບຈຳລອງປັນຍາປະດິດ ເພື່ອໃຫ້ AI ປະມວນຜົນພາສາລາວໄດ້ຢ່າງຖືກຕ້ອງ

ເພື່ອພັດທະນາກໍ່ສ້າງແບບຈໍາລອງປັນຍາປະດິດຂະໜາດໃຫຍ່ ສໍາລັບ ສປປ ລາວ ແລະ ກໍ່ສ້າງຖານຂໍ້ມູນພາສາລາວໃຫ້ຄົບຖ້ວນ, ຖືກຕ້ອງ, ຊັດເຈນ ແລະ ສາມາດນໍາໃຊ້ເປັນພື້ນຖານສໍາລັບ AI ແລະ ການນໍາໃຊ້ດີຈີຕອນໃນ ສປປ...