ຖືວ່າເປັນການປະສົບຜົນສຳເລັດຄັ້ງຫຍິ່ງໃຫຍ່ສຳລັບງານ Laorealestate.la Expo ທີ່ໄດ້ຈັດຂຶ້ນເປັນຄັ້ງທຳອິດ, ໂດຍມີນັກລົງທຶນຫຼາຍກວ່າ 3,000 ຄົນທັງພາຍໃນ ແລະ ຕ່າງປະເທດເຂົ້າຮ່ວມງານ. ເຊິ່ງງານເອງແມ່ນໄດ້ຈັດຂຶ້ນທີ່ດອນຈັນໃນວັນທີ 1 ແລະ 2 ມີນາ ປີ 2019 ທີ່ຜ່ານມານີ້. ພາຍໃນທັງສອງວັນຂອງງານແມ່ນໄດ້ສ້າງລາຍໄດ້ຫຼາຍກວ່າ 10 ລ້ານໂດລ້າ ໂດຍອ້າງອີງຈາກການຂາຍ ແລະ ທາງການເງິນ. ງານແມ່ນຈັດຂຶ້ນໂດຍ Yula.la ເວັບໄຊທ໌ແຫຼ່ງຕະຫຼາດອອນລາຍຊັ້ນນຳຂອງລາວ ຮ່ວມກັບ ສຄອຊ, ພາຍໃນງານປະກອບມີ ນັກພັດທະນາດ້ານອະສັງຫາລິມະຊັບ, ທະນາຄານ ແລະ ທຸລະກິດທີ່ກ່ຽວຂ້ອງຫຼາຍກວ່າ 50 ບໍລິສັດເຂົ້າຮ່ວມສະແດງໃນງານ. ນອກນັ້ນ, ຍັງມີການຈັດສຳມະນາດ້ານອະສັງຫາທີ່ຈະມາແນະນຳດ້ານການລົງທຶນ ແລະ ອຸດສາຫະກຳທີ່ກ່ຽວຂ້ອງ. ຢ່າລືມຕິດຕາມໃຫ້ດີສຳລັບງານ Laorealestate.la Expo ໃນຄັ້ງຕໍ່ໄປທີ່ຈະຈັດຂຶ້ນໃນໄວໆນີ້.