ສຳນັກຂ່າວ AFP ລາຍງານຈາກເຂດບໍລິຫານພິເສດຮ່ອງກົງຂອງຈີນ ເມື່ອວັນທີ 19 ມີນາ 2019 ວ່າ ຕາມແຜນຂໍ້ສະເໜີຂອງທາງການຮ່ອງກົງ ຈະມີການຖົມທະເລລວມເນື້ອທີ່ 6,251.6 ໄລ່ ບໍລິເວນໃກ້ເກາະລັນເຕົາ ເຊິ່ງເປັນເກາະໃຫຍ່ທີ່ສຸດຂອງຮ່ອງກົງ ໂຄງການນີ້ຈະຊ່ວຍແກ້ໄຂບັນຫາພາວະຂາດແຄນທີ່ຢູ່ອາໄສຂອງຮ່ອງກົງ.
ທາງຮ່ອງກົງຄາດວ່າຈະເລີ່ມລົງມືຖົມທະເລ ໃນອີກ 6 ປີຕໍ່ໜ້າ ແລະ ປະຊາຊົນສາມາດເຂົ້າໄປຢູ່ອາໄສໄດ້ໃນປີ 2032
ເກາະທຽມເມືອງໃໝ່ ເຊິ່ງເປັນໂຄງການທີ່ແພງທີ່ສຸດຂອງຮ່ອງກົງຈົນເຖິງປັດຈຸບັນ ຈະມີຄ່າໃຊ້ຈ່າຍຫຼາຍກວ່າ 4 ເທົ່າຂອງມູນຄ່າການກໍ່ສ້າງສະໜາມບິນຮ່ອງກົງ ແລະ ຫຼາຍກວ່າໂຄງການເມືອງຕົ້ນປາມ “ປາມ ຈູເມຣາ” ຂອງເມືອງດູໄບ ໃນສະຫະລັດອາຫຼັບເອມິເຣດ.
ຢ່າງໃດກໍ່ຕາມ, ທ່ານ ເອັດດີ ຈູ ສະມາຊິກສະພານິຕິບັນຍັດຮ່ອງກົງຂອງກຸ່ມພັກໄຝ່ປະຊາທິປະໄຕປະເມີນວ່າຄ່າໃຊ້ຈ່າຍໃນໂຄງການເມືອງໃໝ່ ງົບອາດບານປາຍເຖິງ 112.000 ລ້ານໂດລາ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews