ສຳນັກຂ່າວ ຊິນຫົວນິວ ລາຍງານເມື່ອວັນທີ 18 ມີນາ 2019ວ່າ ທ້າວ ຈ້າວ ເຕີ໋ລີ່ ຊາຍຊາວຈີນຈາກເມືອງ ຕົງກວນ ມົນທົນກວາງຕຸງ ຂອງຈີນ ໄດ້ສ້າງ “ລົດຈັກບິນ” ສຳເລັດ.

ທ້າວ ຈ້າວ ໄວອາຍຸ 40 ປີ ໄດ້ລອງຜິດລອງຖືກຫຼາຍກວ່າ 1.500 ຄັ້ງ ຈົນສາມາດສ້າງສິ່ງປະດິດຄ້າຍ ໂດຣນ ທີ່ມີໄລຍະການບິນຕໍ່າ, ມີນ້ຳໜັກ 256 ກິໂລກຣາມ ແລະ ສູງຂຶ້ນຈາກພື້ນດິນ 3.000 ແມັດ ດ້ວຍຄວາມໄວສູງສຸດ 72 ກິໂລແມັດຕໍ່ຊົ່ວໂມງ.

ລາຍງານລະບຸວ່າ ລົດຈັກບິນໄດ້ຂອງທ້າວ ຈ້າວ ສາມາດບິນເຂົ້າສູ່ຈຸດເກີດເຫດຕ່າງໆໄດ້ຢ່າງວ່ອງໄວ ບິນກາງອາກາດ ແລະ ຈອດທີ່ພື້ນດິນ ຫຼື ຈະຂັບຄວບຄຸມການບິນໂດຍປາສະຈາກນັກບິນກໍ່ໄດ້.

https://www.facebook.com/XinhuaNewsAgency.th/videos/2281665285455985/?v=2281665285455985

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ສຳນັກຂ່າວ ຊິນຫົວນິວ