ເພາະອາກາດທີ່ຮ້ອນອົບເອົ້າ ຈຶ່ງເຮັດໃຫ້ຫລາຍຄົນເລືອກທີ່ຈະຕິດຕັ້ງເຄື່ອງປັບອາກາດໄວ້ໃນເຮືອນ ເຊິ່ງລວມເຖິງບໍລິສັດຫ້າງຮ້ານຕ່າງໆ ທີ່ເຮັດໃຫ້ຊີວິດຂອງຄົນໃນສັງຄົມ ຕ້ອງສູບລົມຫາຍໃຈ ແລະ ນັ່ງຢູ່ໃນຫ້ອງແອ ທີ່ໃຫ້ຄວາມເຢັນສະບາຍກາຍ ແຕ່ວ່າ ຄວາມເຢັນທີ່ບໍ່ໄດ້ມາຈາກທຳມະຊາດນີ້ ສາມາດເຮັດໃຫ້ປ່ວຍໜັກໄດ້ເຊັ່ນກັນ
ອາກາດເຢັນສະບາຍຈາກຫ້ອງແອເຮັດໃຫ້ສາວໆ ຫ້ອງການໄດ້ແຕ່ງໂຕກັນເຕັມທີ່ກໍ່ແມ່ນ ແຕ່ວ່າ ລົມເຢັນໆ ຊວນໃຫ້ສະບາຍໃຈນີ້ ນອກຈາກຈະເຮັດໃຫ້ຜິວພັນຕ້ອງແຫ້ງ ເຊິ່ງເປັນທີ່ມາຂອງຮອຍແຫ່ວແລ້ວ ຍັງເຮັດໃຫ້ເຮົາໄດ້ຍິນສຽງໄອ ຈາມ ແລະ ເຈັບຄໍ ເລື້ອຍຂຶ້ນນໍາອີກ ເຊິ່ງອາການທີ່ເວົ້ານີ້ ເປັນສ່ວນຫນຶ່ງຂອງ ພະຍາດທາງເດີນຫາຍໃຈ ທີ່ມັກມີຕົ້ນຕໍມາຈາກການເຮັດວຽກງານຢູ່ພາຍໃນຫ້ອງແອ
ດ້ານໃນໂພງດັງຂອງຄົນເຮົາມີເສັ້ນເລືອດແດງຂະໜາດນ້ອຍ ເປັນຝາບາງໆ ມີຈຳນວນຫລາຍ ເຊິ່ງມີຫນ້າທີ່ປັບອາກາດ ທີ່ເຢັນ ຫລື ແຫ້ງຈາກພາຍນອກໃຫ້ມີຄວາມອົບອຸ່ນ ແລະ ມີຄວາມຊຸ່ນສູງຂຶ້ນ ແຕ່ໃນສະພາບອາກາດທີ່ຂ້ອນຂ້າງເຢັນ ເຊລຕ່າງໆ ເຊັ່ນ ເຊລເຍື່ອ ໂພງດັງ ຄໍ ຫລອດລົມ ແລະ ອື່ນໆ ຈະແຫ້ງລົງກວ່າເກົ່າ ເຮັດໃຫ້ບໍ່ມີເມືອກ ມາປ້ອງກັນເຊລຈາກເຊື້ອພະຍາດ ເຊື້ອພະຍາດຈຶ່ງສຳຜັດກັບເຊລໂດຍກົງ ໃນຂະນະທີ່ອາກາດເຢັນເພາະເຄື່ອງປັບອາກາດ ແລະ ບໍ່ມີການຖ່າຍເທພາຍໃນຫ້ອງ ເຊື້ອໄວຣັສ ຈຶ່ງຈະເລີນເຕີບໂຕໄດ້ດີ ຂະນະທີ່ເມັດເລືອດຂາວທີ່ເຮັດຫນ້າທີ່ດັກຈັບເຊື້ອພະຍາດໃນຮ່າງກາຍເຮັດວຽກໄດ້ຫລຸດລົງ ສົ່ງຜົນໃຫ້ເມື່ອຕ້ອງຢູ່ໃນຫ້ອງແອເປັນເວລາດົນໆ ຫລາຍຄົນອາດເຈັບປ່ວຍໄດ້ ພະຍາດທາງເດີນຫາຍໃຈ ເຊັ່ນ ຫວັດ ພູມແພ້ແລະ ອື່ນໆ ນອກຈາກນີ້ ຖ້າໃຊ້ນິ້ວແຫຍ່ເຂົ້າໄປໃນຮູດັງ ຫລື ຖູແຮງໆ ກໍອາດຈະມີເລືອດອອກ ແລະ ຖ້າມີອາການແສບຄໍຮ່ວມນໍາກໍອາດເປັນບາດແຜ ແລະ ຕິດເຊື້ອໄດ້
ວິທີປ້ອງກັນ ພະຍາດທາງເດີນຫາຍໃຈ
ຜູ້ປ່ວຍພະຍາດພູມແພ້ ຫລື ຫອບມັກຈະມີອາການເລື້ອຍໆຂຶ້ນ ແລະ ຮຸນແຮງຍິ່ງຂຶ້ນເມື່ອຕ້ອງຢູ່ໃນຫ້ອງແອ ດັ່ງນັ້ນ ຈຶ່ງຄວນປ້ອງກັນຢ່າງຖືກວິທີ ເພື່ອສຸຂະພາບທີ່ແຂງແຮງ
- ລະວັງບໍ່ໃຫ້ເຊື້ອພະຍາດເຂົ້າສູ່ຮ່າງກາຍ ອາດເປັນການລ້າງມືໃຫ້ສະອາດຢ່າງສະໝໍ່າສະເໝີ ບໍ່ແກະ ຈັບ ບໍລິເວນໜ້າ ດັງ ແລະ ປາກ ໂດຍທີ່ຍັງບໍ່ໄດ້ລ້າງມື ລວມທັງພະຍາຍາມຢູ່ໃນບ່ອນທີ່ມີອາກາດຖ່າຍເທ ແລະ ຄວນຢູ່ໃຫ້ຫ່າງຈາກຜູ້ທີ່ເປັນຫວັດ
- ຮັກສາຄວາມອົບອຸ່ນຂອງຮ່າງກາຍ
- ສ້າງພູມຕ້ານທານ
- ອອກກຳລັງກາຍຢ່າງສະໝໍ່າສະເໝີ ອາທິດລະ 3ເທື່ອ ເທື່ອລະ 30ນາທີ
- ນອນໃຫ້ເຕັມອີ່ມ
- ກິນອາຫານໃຫ້ຄົບ 5ໝູ່ ເນັ້ນກິນຜັກ ຫມາກໄມ້ສົດ ເພື່ອໃຫ້ຮ່າງກາຍໄດ້ຮັບວິຕາມິນພຽງພໍ
4. ສຳລັບຜູ້ທີ່ເປັນພູມແພ້ ຄວນຫລີກລ້ຽງສານທີ່ກໍ່ໃຫ້ເກີດພູມແພ້
5. ລະວັງບໍ່ໃຫ້ທາງເດີນຫາຍໃຈແຫ້ງ
- ໃສ່ຜ້າອັດປາກ ເພາະຜ້າອັດປາກຈະຊ່ວຍເກັບຄວາມຊຸ່ມ ແລະ ຄວາມອຸ່ນຂອງລົມຫາຍໃຈ ເຮັດໃຫ້ທາງເດີນຫາຍໃຈຊຸ່ມຊື່ນ
- ດື່ມນ້ຳຫລາຍໆ
- ວາງຈອກນ້ຳໄວ້ໃກ້ໆ ໂຕ ໃນຫ້ອງນອນ ຫ້ອງນັ່ງຫລິ້ນ ແລະ ໂຕະເຮັດວຽກ
- ໃຊ້ແນວບໍາລຸງຜິວສູດອອ່ນໂຍ່ນທາບໍລິເວນໂພງດັງ
ເບິ່ງແຍງຕົນເອງ ເມື່ອເລີ່ມປ່ວຍເປັນ ພະຍາດທາງເດີນຫາຍໃຈ
- ນອນຫລັບໃຫ້ພຽງພໍ ຢ່າງນ້ອຍມື້ລະ 6-8ຊົ່ວໂມງ ເພື່ອໃຫ້ພູມຄຸ້ມກັນຂອງຮ່າງກາຍເຮັດວຽກໄດ້ດີຂຶ້ນ
- ຮັບກິນອາຫານໃຫ້ຄົບ 5ໝູ່ ໂດຍໃຫ້ເລືອກກິນອາຫານຍ່ອຍງ່າຍ ແລະ ເລືອກກິນຜັກຫມາກໄມ້ສົດ
- ລ້າງດັງ ເມື່ອຈາມເລື້ອຍໆ ຫລື ຮູ້ສຶກຄັນດັງ ເພື່ອລ້າງສານ ຄັນຫລັ່ງອອກຈາກດັງ ໂດຍໃຫ້ໃຊ້ນ້ຳເກືອ 0.9ສ່ວນຮ້ອຍ ຫລື ນ້ຳຕົ້ມສຸກທີ່ເຢັນແລ້ວ 750ຊີຊີ ປະສົມເກືອແກງ 2ບ່ວງນ້ອຍ ໃສ່ໃນຫລອດສີດຢາຂະໜາດ 10ຊີຊີ (ບໍ່ມີເຂັມ) ຈາກນັ້ນກົ້ມໜ້າອ້າປາກ ແລະ ກັ້ນຫາຍໃຈ ແລ້ວຈຶ່ງສີດນ້ຳເກືອເຂົ້າໄປໃນດັງຂ້າງລະ 2 3ເທື່ອ ເຮັດທັງເຊົ້າ ແລະ ແລງ ຈົນອາການດີຂຶ້ນ
- ຄວນພົບໝໍຖ້າອາການບໍ່ດີຂຶ້ນ ໄຂ້ບໍ່ລົງ ແລະ ຮູ້ສຶກປວດກ້າມຊີ້ນ ເນື່ອງຈາກອາດເປັນໄຂ້ຫວັດໃຫຍ່ ສ່ວນໄຂ້ຫວັດທຳມະດາມັກມີອາການຄັນດັງ ນ້ຳມູກໄຫລ ໄອ ຈາມ ແລະ ຄັນຄໍ ເປັນອາການເດັ່ນ ແຕ່ບໍ່ຄ່ອຍມີໄຂ້ສູງຫລາຍ
ເຖິງແມ່ນວ່າ ການໃຊ້ເຄື່ອງປັບອາກາດຈະເບິ່ງຄືຫລາຍ ດ້ວຍຂໍ້ເສຍທີ່ພ້ອມທໍາລາຍສຸຂະພາບຂອງເຈົ້າ ແຕ່ຖ້າເຮົາຮູ້ຈັກໃຊ້ຢ່າງຖືກວິທີ ແລະ ມີການປ້ອງກັນຕົນເອງ ເຊັ່ນ ອອກໄປສູນອາກາດບໍລິສຸດທາງນອກ ຫລື ຕິດຕັ້ງເຄື່ອງປັບອາກາດ