ສຳນັກຂ່າວຕ່າງປະເທດລາຍງານ ໃນວັນທີ 1 ຕຸລານີ້ວ່າ ວາລະສານ ຟັອບສ໌ ໄດ້ຈັດອັນດັບສຸດຍອດ 400 ມະຫາ

ເສດຖີຊາວອາເມຣິກັນປະຈຳປີ 2014 ເມື່ອວັນທີ 29 ກັນຍາ 2014 ຜ່ານມານີ້ວ່າ ທ່ານ ບິນ ເກດສ໌ ຜູ້ຮ່ວມກໍ່ຕັ້ງ

ໄມໂຄຣຊອບ ເຊິ່ງເປັນບໍລິສັດພັດທະນາລະບົບຊອບແວຣ໌ລາຍໃຫຍ່ຂອງໂລກ ຍັງຄົງຄອງແຊັ້ມແຫ່ງຄວາມຮັ່ງ

ມີທີ່ສຸດເປັນປີທີ 21 ຕິດຕໍ່ກັນ ໂດຍມີມູນຄ່າຊັບສິນທັງໝົດ 81,000 ລ້ານໂດລາສະຫະລັດ ເພີ່ມຂຶ້ນຈາກປີກາຍ

9,000 ລ້ານໂດລາສະຫະລັດ.

ອັນດັບທີ 2 ຖັດຈາກທ່ານ ບິນ ເກດສ໌ ໄດ້ແກ່ທ່ານ ວໍເຣັນ ບັບເຟດ ນັກທຸລະກິດດ້ານການລົງທຶນ ເຈົ້າຂອງບໍລິ

ສັດ ເບຣິກໄຊຣ໌ ແຮັດທາເວ ອິນຊ໌ ໃນມູນຄ່າຊັບສິນທັງໝົດ 67,000 ລ້ານໂດລາສະຫະລັດ, ອັນດັບ 3 ຍັງຄົງເປັນ

ຂອງທ່ານ ລາຣີ ເອນລິສັນ ຜູ້ຮ່ວມກໍ່ຕັ້ງບໍລິສັດ ອໍຣາເຄິນ ຄອັບ ໃນມູນຄ່າຊັບສິນ 50,000 ລ້ານໂດລາສະຫະລັດ.