spot_img
Homeຂ່າວຕ່າງປະເທດເກີດເຫດ! ຄົນຮ້າຍຈີ້ເຮືອບິນໂດຍສານບັງກະລາເທດ

ເກີດເຫດ! ຄົນຮ້າຍຈີ້ເຮືອບິນໂດຍສານບັງກະລາເທດ

Published on

ສຳນັກຂ່າວຕ່າງປະເທດລາຍງານຈາກເມືອງ ຈິດຕະກອງ ປະເທດ ບັງກະລາເທດ ເມື່ອວັນທີ່ 24 ກຸມພາ 2019 ວ່າ ພົນຕີ ໂມຕິເອິຣ ຣາໝານ ໂຄສົກກອງທັບບົກບັງກະລາເທດຖະແຫຼງວ່າ ໜ່ວຍຄອມມານໂດ ບຸກຂື້ນໄປເທິງເຮືອບິນໂດຍສານຂອງສາຍການບິນພິມາ ບັງກະລາເທດ ເມື່ອອາທິດທີ່ຜ່ານມາ ຫຼັງລົງຈອດທີ່ສະໜາມບິນເມືອງ ຈິດຕະກອງ ທາງຕະເວັນອອກສຽງໃຕ້ຂອງປະເທດ ແລະ ຍິງຕໍ່ສູ້ກັບຜູ້ຕ້ອງສົງໄສໂຈນສະລັດອາກາດ ເປັນຊາຍຊາວບັງກະລາເທດອາຍຸປະມານ 25 ປີ ສາມາດຊ່ວຍເຫຼືອຜູ້ໂດຍສານໄດ້ 134 ຄົນ ແລະ ຈຸບິນ 14 ຄົນຂອງຖ້ຽວບິນບີຈີ 147 ຈາກເສັ້ນທາງບິນລະຫວ່າງນະຄອນທາກາ ເມືອງຫຼວງຂອງບັງກະລາເທດ ແວ່ມາຮັບຜູ້ໂດຍສານເພີ່ມທີ່ເມືອງຈິດຕະກອງກ່ອນທີ່ຈະມຸ່ງໜ້າສູ່ຈຸດໝາຍປາຍທາງທີ່ດູໄບ ສະຫະລັດອາຣັບເອມິເຣດ ແຕ່ຖືກໂຈນສະລັດອາກາດຈີ້ເຮືອບິນລຳດັງກ່າວ.

ໂຄສົກກອງທັບບົກບັງກະລາເທດຖະແຫຼງຕໍ່ໄປວ່າ ສຳລັບໂຈນສະລັດອາກາດຜູ້ກໍ່ເຫດ ຮູ້ແຕ່ພຽງຊື່ວ່າ ມາຣາດີ ອາຍຸປະມານ 25-26 ປີ ໄດ້ຮັບບາດເຈັບຫຼັງຖືກຍິງ ແລະ ເສຍຊີວິດໃນເວລາຕໍ່ມາ. ຈາກການສອບຖາມໜ່ວຍຄອມມານໂດພົບວ່າໄດ້ສັ່ງໃຫ້ໂຈນສະລັດອາກາດຍອມມອບໂຕແຕ່ໂດຍດີ ແຕ່ເຂົາປະຕິເສດ ແລະ ສະແດງທ່າທີຮຸນແຮງຈື່ງຖືກຍິງ ເຈົ້າໜ້າທີ່ພົບອາວຸດປືນ 1 ກະບອກໃນໂຕຄົນຮ້າຍແຕ່ບໍ່ພົບຢ່າງອື່ນ. ກຳລັງທະຫານບົກ ທະຫານເຮືອ ແລະ ຕຳຫຼວດໄດ້ປິດລ້ອມສະຫນາມບິນເອົາໄວ້ຫຼັງຮູ້ວ່າມີການຈີ້ເຮືອບິນໂດຍສານມາລົງທີ່ສະຫນາມບິນເມືອງຈິດຕະກອງ ເຊິ່ງເຮືອບິນຖືກຈີ້ຫຼັງຂື້ນບິນໄດ້ພຽງ 10 ນາທີຈາກສະຫນາມບິນນະຄອນທາກາ ໂດຍຄົນຮ້າຍໃຊ້ອາວຸດປືນຍິງໄປສອງລູກ ທັງນີ້ຈາກການເປີດເຜີຍຂອງຜູ້ໂດຍສານຄົນໜຶ່ງ.

ສ່ວນຈຸບິນຄົນຫນື່ງເທີງເຮືອບິນບອກອີກວ່າ ຄົນຮ້າຍອ້າງວ່າມີອາວຸດປືນ ແຕ່ບໍ່ແນ່ໃຈວ່າເປັນປືນແທ້ ຫຼື ປອມ ແລ້ວຍັງອ້າງອີກວ່າມີລະເບີດ ຂູ່ວ່າຫາກບໍ່ເປີດປະຕູຫ້ອງນັກບິນ ກໍ່ຈະຈູດລະເບີດພັງເຂົ້າໄປແລ້ວຍັງຈັບພະນັກງານຕ້ອນຮັບເທີງເຮືອບິນຄົນຫນື່ງໄວ້ເປັນໂຕປະກັນຂະນະເຈລະຈາຕໍ່ລອງ. ປະຕິບັດການຈູ່ໂຈມເພື່ອຊ່ວຍເຫຼືອຜູ້ປະກັນທີ່ຖືກໂຈນສະລັດອາກາດຈີ້ເທິງເຮືອບິນ ກິນເວລາບໍ່ເຖິງ 10 ນາທີກໍ່ສຳເລັດພາຍຫຼັງກວດຄົ້ນ ແລະ ກວດສອບເຮືອບິນໂດຍລະອຽດ ພົບວ່າປອດໄພແລ້ວຈື່ງອະນຸຍາດໃຫ້ບິນຂື້ນໄດ້ອີກຄັ້ງ.

ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: dailynews.co.th

ບົດຄວາມຫຼ້າສຸດ

ຮັບຮອງແລ້ວ “ຕາແສງຊ້າງມີໄຊ” ຢູ່ທີ່ເມືອງໄຊທານີ ນວ ມີທັງໝົດ 23 ບ້ານ

ຮັບຮອງສ້າງຕັ້ງຕາແສງທຳອິດ ຂອງນະຄອນຫຼວງວຽງຈັນ ຢູ່ເມືອງໄຊທານີ ຊື່ວ່າ "ຕາແສງຊ້າງມີໄຊ" ມີ 23 ບ້ານ ໃນວາລະການດຳເນີນກອງປະຊຸມສະໄໝວິສາມັນ ເທື່ອທີ 1 ຂອງສະພາປະຊາຊົນນະຄອນຫຼວງວຽງຈັນ (ນວ) ຊຸດທີ IIໃນວັນທີ...

ໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ.

ພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ. ໃນວັນທີ 20 ພຶດສະພາ 2025 ທີ່ຫໍວັດທະນະທຳໄກສອນພົມວິຫານ ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ...

ຜູ້ເຊົ່າແກ້ເຜັດ! ຂ້າງຫ້ອງລັກລ້ຽງໝາ ສົ່ງສຽງດັງ ມີກິ່ນ ເຈີປ່ອຍງູໃຫຍ່ກາງຫ້ອງເຊົ່າເພື່ອເອົາຄືນ

ມິຕິໃໝ່ຂອງການເອົາຄືນ! ຖ້າເຈົ້າລ້ຽງໝາ ຂ້ອຍຈະລ້ຽງງູ. ເປັນອີກໜຶ່ງເລື່ອງລາວທີ່ເປັນກະແສຢູ່ທີ່ປະເທດໄທໃນຕອນນີ້ ເມື່ອມີຜູ້ໃຊ້ບັນຊີເຟສບຸກລາຍໜຶ່ງ ອອກມາໂພສໃນວັນທີ 19 ພຶດສະພາ 2025 ຜ່ານມາ, ພ້ອມພາບ ຄົນມາປ່ອຍງູໃຫຍ່ 2 ໂຕຢູ່ທາງຍ່າງຂອງຫ້ອງເຊົ່າແຫ່ງໜຶ່ງ ເຂດຣັດຊະດາ,...

ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ

ເຈົ້າໜ້າທີ່ກອງກວດກາປ່າໄມ້ ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ ຈົ້າໜ້າທີ່ກອງກວດກາປ່າໄມ້ ແຂວງວຽງຈັນ ໄດ້ລົງກວດກາພົບເຫັນການລັກລອບຕັດໄມ້, ເລື່ອຍໄມ້ຢູ່ເຂດປ່າປ້ອງກັນແຫ່ງຊາດແຫຼ່ງນ້ຳເຟືອງ ແລະ ປ່າຜະລິດແຫ່ງຊາດຫ້ວຍສຽດແຕ່ບໍ່ພົບເຫັນຜູ້ກະທຳຜິດ ຈຶ່ງໄດ້ຢຶດ, ອາຍັດໄມ້ໄວ້, ປັດຈຸບັນເຈົ້າໜ້າທີ່ກອງກວດກາປ່າໄມ້ແຂວງວຽງຈັນຍັງສືບຕໍ່ສົມທົບກັບພາກສ່ວນກ່ຽວຂ້ອງ ສືບສວນ-ສອບສວນ ຊອກຫາເປົ້າໝາຍຜູ້ກະທຳຜິດມາດຳເນີນຄະດີຕາມຂະບວນການຂອງກົດໝາຍ. ອີງຕາມຂໍ້ມູນຈາກກອງກວດກາປ່າໄມ້ແຂວງວຽງຈັນໃຫ້ຮູ້ວ່າ: ໂດຍປະຕິບັດຕາມຄໍາສັ່ງ...