ເຊີນເດິພີ່ນ້ອງກວດຟຣີ! ໃນວັນທີ 2 ມີນາ 2019 ທີ່ໂຮງໝໍມິຕະພາບ 150 ຕຽງ (ທີ່ຕຶກຫຼັງຄາສີແດງ) ຈະເປີດບໍລິການກວດ ແລະ ໃຫ້ຄໍາປຶກສາກ່ຽວກັບພະຍາດໝາກໄຂ່ຫຼັງ ຈາກທ່ານໝໍຊ່ຽວຊານສະເພາະດ້ານໄຂ່ຫຼັງ. ພ້ອມນັ້ນ, ຍັງມີການບໍລິການວັດແທກຄວາມດັນເລືອດ, ນໍ້າໜັກ, ລວງສູງ, ກວດທາດນໍ້າຕານໃນເລືອດ, ກວດປັດສະວະ ເພື່ອຊອກຫາພະຍາດໝາກໄຂ່ຫຼັງພ້ອມທັງໃັຫ້ຄໍາປຶກສາກ່ຽວກັບພະຍາດໝາກໄຂ່ຫຼັງ ໂດຍທ່ານໝໍຊ່ຽວຊານໄຂ່ຫຼັງ ເຊິ່ງການບໍລິການທັງໝົດຈະບໍ່ເສຍຄ່າໃຊ້ຈ່າຍໃດໆເລີຍ, ທ່ານສາມາດຕິດຕໍ່ຂໍ້ມູນເພີ່ມຕື່ມໄດ້ທີ່ເບີ: 020 22226352.
ໄຂ່ຫຼັງເປັນອະໄວຍະວະສໍາຄັນສ່ວນໜຶ່ງຂອງລະບົບທາງເດີນປັດສະວະ ເຊິ່ງປະກອບດ້ວຍໝາກໄຂ່ຫຼັງ, ທໍ່ໄຂ່ຫຼັງ, ກະເພາະປັດສະຫວະ, ທໍ່ປັດສະວະ. ນອກນັ້ນ, ຍັງເປັນສ່ວນສໍາຄັນຂອງຮ່າງກາຍ ເຊິ່ງຕ່າງກໍ່ເຮັດໜ້າທີ່ສະເພາະສ່ວນ ແຕ່ມີການປະສານງານເປັນລະບົບໄດ້ເປັນຢ່າງດີ ເຮັດໃຫ້ຮ່າງກາຍຂອງຄົນເຮົາເປັນປົກກະຕິ ຖ້າອະໄວຍະວະສ່ວນໃດໜຶ່ງຂອງຮ່າງກາຍບໍ່ໃຊ້ງານ ຫຼື ຖືກທໍາລາຍຈະມີຜົນກະທົບຕໍ່ການເຮັດວຽກຂອງອະໄວຍະວະສ່ວນນັ້ນ. ດັ່ງນັ້ນ, ເຮົາຄວນເອົາໃຈໃສ່ດູແລ ແລະ ຮັກສາມັນເປັນຢ່າງດີ ເພື່ອສຸຂະພາບທີ່ແຂງແຮງ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: laoedaily.com.la
ຮູບພາບຈາກ: matichon.co.th