ສຳນັກຂ່າວຕ່າງປະເທດລາຍງານ ໃນວັນທີ 1 ຕຸລານີ້ວ່າ ສູນຄວບຄຸມ ແລະ ປ້ອງກັນໂລກ (CDC) ຂອງສະຫະລັດ
ອາເມຣິກາປະກາດວ່າ ຄົນເຈັບຊາຍລາຍໜຶ່ງຂອງໂຮງໝໍເທັກຊັສ ເຮລທ໌ ເພຣສໄບເທີຣຽນ ໃນເມືອງດັນລັສ
ລັດເທັກຊັສ ໄດ້ຮັບການບົ່ງມະຕິວ່າຕິດເຊື້ອອີໂບລາ ເຊິ່ງກຳລັງລະບາດຢ່າງໜັກໃນຫລາຍປະເທດແຖບອາຟຣິ
ກາຕາເວັນຕົກ ໂດຍຄົນເຈັບລາຍນີ້ ຖືເປັນບຸກຄົນລາຍທຳອິດໃນປະເທດ ທີ່ຖືກກວດພົບວ່າຕິດເຊື້ອອີໂບລາ
ໂດຍທີ່ຜ່ານມາມີຊາວອາເມຣິກັນຕິດເຊື້ອອີໂບລາຫລາຍຄົນ ແຕ່ທັງໝົດແມ່ນລ້ວນຕິດມາຈາກປະເທດໃນພື້ນ
ທີ່ລະບາດໃນແຖບອາຟຣິກາຕາເວັນຕົກ ກ່ອນທີ່ຈະຖືກນຳໂຕສົ່ງມາຮັກສາຢູ່ສະຫະລັດ.
ດຣ. ທອມ ຟຣີເດນ ຜູ້ອຳນວຍການຂອງສູນຄວບຄຸມ ແລະ ປ້ອງກັນໂລກ ຂອງສະຫະລັດອາເມຣິກາກ່າວວ່າ ຄົນ
ເຈັບລາຍນີ້ຕິດເຊື້ອມາຈາກອາຟຣິກາຕາເວັນຕົກ ແຕ່ບໍ່ແນ່ໃຈວ່າຕິດເຊື້ອມາໄດ້ແນວໃດ ເນື່ອງຈາກເຂົາບໍ່ມີ
ສ່ວນກ່ຽວຂ້ອງກັບເຈົ້າໜ້າທີ່ຄວບຄຸມພະຍາດອີໂບລາໃນອາຟຣິກາຕາເວັນຕົກ ໂດຍເຂົາເດີນທາງອອກຈາກໄລ
ບີເຣຍໃນວັນທີ 19 ກັນຍາ 2014 ເຖິງສະຫະລັດອາເມຣິກາໃນວັນທີ 20 ກັນຍາ 2014 ກ່ອນທີ່ຈະເລີ່ມສະແດງອາ
ການຂອງພະຍາດ ໃນວັນທີ 24 ກັນຍາ ແລ້ວ ເຂົ້າປິ່ນປົວຄັ້ງທຳອິດໃນວັນທີ 26 ກັນຍາ 2014 ຜ່ານມານີ້.