ໃກ້ເຂົ້າມາແລ້ວ! ງານມະຫະກໍາເຜີຍແຜ່ການສຶກສາຂອງ ສະຫະຣາຊະອານາຈັກອັງກິດ ຫຼື UK Study Fair 2019 ທີ່ຈະຈັດຂຶ້ນໃນວັນເສົາ ວັນທີ 23 ກຸມພາ 2019 ທີ່ສູນການຄ້າລາວ-ໄອເຕັກ (ຕຶກເກົ່າ, ຊັ້ນ2) ເລີ່ມແຕ່ເວລາ 09:30-15:00 ໂມງ ເຊິ່ງບັນດານັກຮຽນ-ນັກສຶກສາ ຫຼື ມວນຊົນທົ່ວໄປສາມາດເຂົ້າຮ່ວມໄດ້ ເປັນອີກຊ່ອງທາງໜຶ່ງໃນການຊອກຫາສະຖານທີ່ການສຶກສາ ແລະ ອາຊີບທີ່ໝັ້ນຄົງ.
ໃນງານດັ່ງກ່າວ, ທ່ານຈະໄດ້ຮັບຮູ້ຂໍ້ມູນການສຶກສາ-ຫຼັກສູດພາສາອັງກິດ ຈາກມະຫາວິທະຍາໄລ ແລະ ສະຖາບັນທີ່ມີຊື່ສຽງໃນສະຫະຣາຊະອານາຈັກອັງກິດ ພ້ອມທັງຄໍາແນະນໍາຕ່າງໆ ຈາກໂຮງຮຽນ ແລະ ສູນພາສາອັງກິດໃນ ນະຄອນຫຼວງວຽງຈັນ. ນອກນັ້ນ, ຍັງມີ ຫ້ອງເຝິກອົບຮົມ ຫຼື Workshop ສໍາລັບ ITECC ຈາກອະດິດນັກສຶກສາຢູ່ມະຫາວິທະຍາໄລຕ່າງໆ ໃນປະເທດອັງກິດ; ກອງປະຊຸມທີ່ມີການໂຕ້ຕອບ (ກ່ຽວກັບການລົງທຶນ Chevening, IELTS, IGCSE ວິທະຍາສາດ ແລະ ຄະນິດສາດ) ຮຽນຮູ້ເພີ່ມຕື່ມກ່ຽວກັບທັກສະພາສາອັງກິດ; ການແຂ່ງຂັນເວົ້າພາສາອັງກິດ. ທັງນີ້, ເພື່ອຊຸກຍູ້ສະໜັບສະໜູນໃຫ້ນັກຮຽນປັບປຸງທັກສະພາສາອັງກິດຂອງຕົນເອງ. ການແຂ່ງຂັນຄັ້ງນີ້ຈະຈັດຂຶ້ນໃນເວລາກາງຄືນໃນລະຫວ່າງງານວາງສະແດງ. ພິເສດຜູ້ເຂົ້າຮ່ວມງານ 200 ຄົນທໍາອິດ ຈະໄດ້ຮັບເສື້ອທີເຊີດ, ປື້ມບັນທຶກ, ຖົງທີ່ສວຍງາມ ແລະ ຂອງທີ່ລະນຶກຈາກ Education is GREAT Branding.
ຮຽບຮຽງໂດຍ: ໃບບົວ ຈັນທະລັງສີ