ການກຽມໂຕເພື່ອເຂົ້າສູ່ຄວາມເຖົ້າຕັ້ງແຕ່ຕອນທີ່ຍັງຢູ່ໃນໄວກາງຄົນເປັນສິ່ງທີ່ເວົ້າກັນຫລາຍຂຶ້ນໃນໂລກຍຸກປະຈຸບັນເພາະຄົນໃນຍຸກຕໍ່ໄປ ບໍ່ວ່າຈະອາຍຸເທົ່າໃດກໍຕ້ອງປະເຊີນກັບການບີບຮັດຂອງສັງຄົມຫລາຍຂຶ້ນແລະການຈະກຽມຕົນເອງໃຫ້ພ້ອມສຳລັບກ້າວສູ່ໂລກແບບນັ້ນກໍເປັນສິ່ງທີ່ຕ້ອງວາງແຜນແຕ່ດົນໆ
ທັງນີ້ເພາະການຕິດອາຫານລົດເຂັ້ມຂຸ້ນບໍ່ວ່າຈະຫວານຫລາຍເຄັມຫລາຍຫລື ເຜັດຫລາຍມີສ່ວນໃຫ້ເຖົ້າກ່ອນໄວອັນຄວນໄດ້ທັງນັ້ນ ເຮົາແນະນຳວ່າໃຫ້ Reset ລິ້ນ
ເຄັດລັບReset ລິ້ນສຳລັບຄົນກິນລົດເຂັ້ມຂຸ້ນ
1. ອອກຫ່າງຈາກອາຫານທີ່ມີລົດຊາດທີ່ເຂັ້ມຂຸ້ນແລະ ອະນຸຍາດໃຫ້ອາຫານຈືດຜ່ານສູ່ລິ້ນເທົ່ານັ້ນ
2. ວາງເປົ້າໝາຍທີ່ຊັດເຈນວ່າ ຖ້າຢາກມີສຸຂະພາບແຂງແຮງຢູ່ໄປດົນໆຕ້ອງກິນອາຫານທີ່ມີປະໂຫຍດຕໍ່ຮ່າງກາຍເທົ່ານັ້ນ
3. ງົດອາຫານແປຮູບທັງຫລາຍຢ່າງເຊັ່ນ ອາຫານກະປ໋ອງໝູຝອຍໝີ່ເຄິ່ງສຳເລັດຮູບ ໄສ້ກອກແໜມປາເຄັມໄຂ່ເຄັມເປັນຕົ້ນເພາະອາຫານເຫລົ່ານີ້ ລ້ວນມີນ້ຳຕານ ແລະ ໂຊດຽມ ໃນປະລິມານທີ່ສູງຫລາຍຕ້ອງຫລີກລ້ຽງໃຫ້ໄກແຕ່ຫາກຈຳເປັນຕ້ອງກິນກໍກິນໃຫ້ໜ້ອຍ
4. ຊາລາເປົາ ເຂົ້າໜົມຫວານ ເຂົ້າໜົມປັງ ເບເກີຣີ ໜ້າຕາດີທັງຫລາຍ ຢຸດໄດ້ຄວນຢຸດ ຈະຊ່ວຍໃຫ້ ຮູບຮ່າງດີສຸຂະພາບດີ ໜ້າຕາອ່ອນເຍົາຂຶ້ນກວ່າທີ່ເປັນຢູ່
5. ພະຍາຍາມເຮັດອາຫານການກິນເອງຢູ່ເຮືອນ ເພາະສາມາດຄວບຄຸມຄຸນນະພາບ ແລະ ລົດຊາດອາຫານໃຫ້ຈືດກົງກັບທີ່ເຮົາຕ້ອງການໄດ້
6. ຫລຸດເຄື່ອງປຸງທຸກຊະນິດເຄິ່ງໜຶ່ງ ໃນການປຸງອາຫານ ຕັ້ງແຕ່ນ້ຳມັນ ນ້ຳປາ ກະປິ ປາແດກ ເຕົ້າຈ້ຽວ ຊອດ ນ້ຳຕານ ເຊິ່ງເມື່ອ ເລິ້ງກັບລົດຊາດທີ່ຫລຸດລົງມາແລ້ວ ກໍໃຫ້ຫລຸດລົງອີກເຄິ່ງໜຶ່ງ
7. ໃຊ້ເຄື່ອງປຸງລົດຈາກທຳມະຊາດ ຕາມແບບສະບັບຄົນສະໄໝກ່ອນ ເຊັ່ນ ໃຊ້ໝາກນາວ ໝາກຂາມສົ້ມ ໃນການເພີ່ມລົດສົ້ມ ຫລື ໃຊ້ຫອມບົ່ວໃຫ່ຍກະລົດ ພືດຜັກໃນການເພີ່ມລົດຫວານ ລົດເຄັມກໍໃຊ້ເກືອ ແຕ່ບໍ່ຕ້ອງໃສ່ຫລາຍ
8. ເຊົານິໄສຕື່ມເຄື່ອງປຸງແບບເຕັມຊຸດ ພະຍາຍາມປຸງແຕ່ໜ້ອຍ ຫລື ບໍ່ປຸງເລີຍຍິ່ງດີ
9. ເບິ່ງກາສະຫລາກສະເໝີ ກ່ອນຕັດສິນໃຈຊື້ອາຫານໃດໆ ໂດຍເບິ່ງປະລິມານນ້ຳຕານ ແລະໂຊດຽມ ຕໍ່ຫນ່ວຍກ່ອນສະເໝີ
10. ພະຍາຍາມກິນອາຫານແບບບໍ່ຕ້ອງອາໃສແຈ່ວຈໍ້າ
11. ຢຸດຊົດນ້ຳຊຸບ ລວມເຖິງນ້ຳປຸງລົດທັງຫລາຍໃນຈານອາຫານ
12. ຢຸດກິນໝີ່ເຄິ່ງສຳເລັດຮູບ ຫລື ກິນໃຫ້ໜ້ອຍທີ່ສຸດ ແລະ ໃສ່ເຄື່ອງປຸງພຽງເຄິ່ງດຽວທັງຫລາຍໃນຈານອາຫານ