1. ເລືອກຮັບປະທານປາດິບທີ່ເຮັດສະອາດ
ຖ້າບໍ່ຖະນັດແລ່ຊີ້ນປາເອງ ແລະ ຢ້ານພະຍາດ ກໍຢ່າໄປຮັບປະທານສຸ່ມສີ່ສຸ່ມຫ້າ ເວລາໄປຊີ້ກໍ່ໃຫ້ສັງເກດເບິ່ງວ່າພໍ່ຄົວໃສ່ຖົງມືທຸກເທື່ອທີ່ຈັບເຊີ້ນປາຫລືບໍ່ ເພາະນອກຈາກເຮົາຈະປອດໄພຈາກພະຍາດແລ້ວ ກໍຍັງປອດໄພຈາກເຊື້ອພະຍາດອື່ນໆ ທີ່ຈະມາຈາກການເຮັດທີ່ບໍ່ສະອາດ ແລະ ຖືກສຸກລັກສະນະໄດ້
2. ຄວນເລືອກຮັບປະທານແຕ່ປາທະເລ
ສາເຫດ ທີ່ຄວນເລືອກປາທະເລຫລາຍກວ່າປານ້ຳຈືດນັ້ນກໍເພາະວ່າປາທະເລນັ້ນພົບພະຍາດໄດ້ໜ້ອຍກວ່າ ແຕ່ໃນປານ້ຳຈືດນັ້ນມີພະຍາດຫລາຍກວ່າ ແລະ ຍັງມີຫລາຍຊະນິດຫລາຍກວ່າ ສ່ວນຜິດຂອງພະຍາດໃນປາທະເລກໍຍັງມີໜ້ອຍກວ່າປານ້ຳຈືດອີກດ້ວຍ
3. ເລືອກຮັບປະທານປາດິບທີ່ປຸງສຳເລັດໃໝ່ໆ
ເຖິງວ່າປາດິບຈະຖືກຈັດລົງຈານຢ່າງສວຍງາມ ຈົນເຮົາເອງກໍຢາກຈະຊື່ນຊົມກັບມັນດົນໆ ກ່ອນທີ່ຈະຮັບປະທານ ແຕ່ກໍຄວນຈະຮີບຮັບປະທານ ບໍ່ຄວນຮັບປະທານປາດິບທີ່ເຮັດປະໄວ້ດົນເກີນ 2 ຊົ່ວໂມງ ເພາະຈະເຮັດໃຫ້ເສຍລົດຊາດ ເນື່ອງຈາກນ້ຳມັນທີ່ຢູ່ໃນປາຈະລະເຫຍອອກໄປ ແຖມຄຸນຄ່າທາງອາຫານຍັງລຸດລົງ ແລະ ຄວາມຈະຫລີກລ້ຽງການຮັບປະທານປາດິບທີ່ເຮັດສຳເລັດແລ້ວຕັ້ງໂຊວ໌ໄວ້ໃນຕູ້ແຊ່ ເພາະເຮົາບໍ່ຮູ້ວ່າມັນຖືກເອົາມາວາງດົນປານໃດແລ້ວ
ນອກຈາກນີ້ເວລາຮັບປະທານປາດິບກໍຄວນທີ່ຈະສັງເກດທີ່ຕົວເນື້ອປາດີໆ ຖ້າເກີດເຫັນສິ່ງແປກປອມຢ່າງເຊັ່ນຈຸດຂາວໆ ຫລື ແມ່ນແຕ່ຕົວພະຍາດກໍບໍ່ຄວນຮັບປະທານຕໍ່ ເພາະເຮົາກໍບໍ່ຮູ້ວ່າໃນເນື້ອປາມີອີກ ຫລື ບໍ່ ຢ່າມົວແຕ່ເສຍດາຍ ເພາະປາດິບລາຄາພຽງບໍ່ເທົ່າໃດຄົງບໍ່ຄຸ້ມຄ່າກັບການຕ້ອງມາເຈັບປ່ວຍແນ່ນອນ