ອຸຕຸເຕືອນ! 1 ອາທິດຕໍ່ໜ້າທຸກພາກຂອງລາວຈະມີຝົນຕົກ, ຟ້າຮ້ອງຟ້າເຫຼືອມ, ໜາກເຫັບຕົກ ແລະ ລົມພັດແຮງ ຈາກ 2 ກະແສລົມຕາເວັນຕົກພັດປົກຄຸ້ມຢູ່ພາກເໜືອ ແລະ ກະແສລົມຕາເວັນຕົກສ່ຽງໃຕ້ພັດປົກຄຸມຢູ່ພາກກາງ-ພາກໃຕ້ຂອງລາວ. ສະນັ້ນ, ປະຊາຊົນຈົ່ງມີສະຕິຕໍ່ສະພາບອາກາດທີ່ຈະເກີດຂຶ້ນແຕ່ວັນທີ 18-24 ກຸມພາ 2019 ແລະ ຕິດຕາມຂ່າວພະຍາກອນອາກາດຈາກ ກົມອຸຕຸນິຍົມ ແລະ ອຸທົກກະສາດເປັນປະຈໍາ.
ວັນທີ 21-24 ກຸມພາ 2019 ຄວາມກົດດັນຕໍ່າຂອງອາກາດຮ້ອນຈະອ່ອນກໍາລັງປົກຄຸມຢູ່ແຂວງພາກກາງ-ພາກໃຕ້ຂອງລາວ, ພ້ອມກະແສລົມຕາເວັນຕົກພັດປົກຄຸມເປັນສ່ວຍໃຫຍ່ ເຮັດໃຫ້ອາກາດຮ້ອນຂຶ້ນໃນຕອນບ່າຍຢູ່ໃນແຕ່ລະພາກ ແລະ ຈະມີຝົນຕົກຟ້າຮ້ອງຟ້າເຫຼືອມໃນລະດັບຄ່ອຍ. ນອກນັ້ນ, ຈະມີລົມພັດແຮງຢຸູ່ບາງທ້ອງຖິ່ນແຂວງພາກໃຕ້; ສ່ວນພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ອາກາດຍັງຈະເຢັນຫາໜາວເຢັນ ແລະ ມີໝອກບາງປົກຄຸມໃນຕອນເຊົ້າ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: ກົມອຸຕຸນິຍົມ ແລະ ອຸທົກກະສາດ