spot_img
Homeຂ່າວຕ່າງປະເທດຊາອຸດິດອາຣັບບີ ສະແດງຄວາມຜິດຫວັງຫຼັງຈາກອີຢູສະເໜີຂຶ້ນບັນຊີດຳຖານຟອກເງິນ

ຊາອຸດິດອາຣັບບີ ສະແດງຄວາມຜິດຫວັງຫຼັງຈາກອີຢູສະເໜີຂຶ້ນບັນຊີດຳຖານຟອກເງິນ

Published on

ເມື່ອວັນທີ 13 ກຸມພາ 2019 ຄະນະກຳມະທິການເອີຣົບໄດ້ສະເໜີໃຫ້ເພີ່ມລາຍຊື່ 7 ປະເທດ ລວມເຖິງ ຊາອຸດິດອາຣັບບີ ແລະ ປານາມາ ລົງໃນບັນຊີດຳຟອກເງິນ ໂດຍມີປະເທດທີ່ຖືກຂຶ້ນບັນຊີດຳໄປແລ້ວກ່ອນໜ້າເຊັ່ນ: ອິຣານ, ອິຣັກ, ປາກິດສະຖານ, ເອທິ ໂອປີ ແລະ ເກົາຫຼີເໜືອ.

ສຳນັກຂ່າວ AFP ລາຍງານວ່າ ລັດຖະບານຊາອຸດິດອາຣັບບີ ອອກມາສະແດງຄວາມຜິດຫວັງໃນກໍລະນີທີ່ສະຫະພາບເອີຣົບ (ອີຢູ) ສະເໜີປະເທດຕົນເອງຂຶ້ນບັນຊີດຳໃນຂໍ້ຫາສົງໃສການຟອກເງິນພ້ອມກັບອີກ 6 ປະເທດ ໂດຍອ້າງວ່າຊາອຸດິດອາຣັບບີຍັງຂາດມາດຕະການ ການປ້ອງກັນການສະໜັບສະໜູນເງິນທຶນໃຫ້ກັບກຸ່ມກໍ່ການຮ້າຍ ແລະ ແກັງອາສະຍາກອນ.

ບົດລົງໂທດຂອງອີຢູມີຂຶ້ນໃນຂະນະທີ່ຄວາມສຳພັນລະຫວ່າງຊາອຸດິດອາຣັບບີກັບເອີຣົບຢູ່ໃນພາວະເຄັ່ງຮ້ອນຈາກຄະດີຄາດຕະກຳນັກຂ່າວ ຈາມານ ຄາຊັອກກີ ເມື່ອປີ 2018, ເຖິງແມ່ນວ່າການເພີ່ມຊື່ໃນບັນຊີດຳບໍ່ໄດ້ນຳໄປສູ່ມາດຕະການຂວໍ້າບາດໂດຍອັດຕະໂນມັດ ແຕ່ກໍ່ເຮັດໃຫ້ທະນາຄານເອີຣົບຕ້ອງສອດສ່ອງທຸລະກຳດ້ານການເງິນລະຫວ່າງລູກຄ້າກັບສະຖາບັນການເງິນໃນປະເທດທີ່ຕິດບັນຊີດຳ ເຊິ່ງຂໍ້ສະເໜີນີ້ຍັງຕ້ອງຜ່ານຄວາມເຫັນດີຈາກລັດຖະສະພາເອີຣົບ ແລະ 28 ລັດສະມາຊິກເອີຣົບ ໂດຍມີຝຣັ່ງ ແລະ ອັງກິດຍັງສະແດງທ່າທີຄັດຄ້ານໃນເລື່ອງນີ້. 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: mgronline

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...