ສຳນັກຂ່າວຕ່າງປະເທດລາຍງານອ້າງອີງຜົນການສຳຫຼວດຂອງ ພິວ ຣີເສີດ ເຊິ່ງເປັນການສຳຫຼວດທັດສະນະຄະຕິທົ່ວໂລກປະຈຳປີ 2018 ໂດຍຜົນການສຳຫຼວດໃຫ້ເຫັນວ່າ ຜູ້ຕອບແບບສອບຖາມ 45% ຈາກຈຳນວນຜູ້ເຂົ້າຮ່ວມ 27.000 ຄົນໃນ 26 ປະເທດໃຫ້ຄວາມເຫັນວ່າ ອຳນາດ ແລະ ອິດທິພົນຂອງສະຫະລັດເປັນໄພຄຸກຄາມຫຼາຍກວ່າຣັດເຊຍ ແລະ ຈີນ ໂດຍຜູ້ຕອບແບບຟອມສອບຖາມໄດ້ໃຫ້ຄະແນນອິດທິພົນຂອງຣັດເຊຍເປັນໄພຄຸກຄາມ 37% ແລະ ຈີນເປັນໄພຄຸກຄາມປະມານ 35%.
ຢ່າງໃດກໍ່ຕາມຄວາມເຫັນຂອງປະຊາກອນໃນແຕ່ລະປະເທດພົບວ່າ ປະຊາຊົນເກົາຫຼີໃຕ້ 67% ຢ້ານເລື່ອງການໃຊ້ອຳນາດຂອງສະຫະລັດ, ສ່ວນປະຊາຊົນຍີ່ປຸ່ນ 66% ກັງວົນກ່ຽວກັບອິດທິພົນຂອງສະຫະລັດ ສ່ວນປະຊາຊົນແມັກຊິກ 64% ກໍ່ເບິ່ງວ່າສະຫະລັດເປັນໄພຄຸກຄາມ.
ນອກຈາກນີ້ປະຊາກອນເກີນເຄິ່ງໃນປະເທດອື່ນໆເຊັ່ນ: ຕູນີເຊຍ, ອາເຈນຕີນາ, ບຣາຊິນ ແລະ ອິນໂດເນເຊຍ ເຫັນວ່າການໃຊ້ອຳນາດຂອງສະຫະລັດເປັນໄພຄຸກຄາມຄືກັນ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: news.mthai