ສຳນັກຂ່າວຕ່າງປະເທດລາຍງານວ່າ ເມື່ອຄ່ຳຄືນຂອງວັນທີ 9 ກຸມພາ 2019 ເຮືອບິນແອຣ໌ນິວຊີແລນ ຖ້ຽວບິນ NZ289 ພ້ອມຜູ້ໂດຍສານ 270 ຄົນ ທີ່ອອກເດີນທາງຈາກເມືອງ ອ໊ອດແລນ ເພື່ອມຸ່ງໜ້າໄປທີ່ນະຄອນຊຽງໄຮ້ ປະເທດຈີນ ຕ້ອງບິນກັບຄືນມາທີ່ຕົ້ນທາງ ຫຼັງຈາກຂຶ້ນບິນໄດ້ 5 ຊົ່ວໂມງ ເພາະທາງສະໜາມບິນປາຍທາງທີ່ຊຽງໄຮ້ບໍ່ອະນຸຍາດໃຫ້ລົງຈອດ.
ເຫດຜົນກໍ່ຍ້ອນວ່າຮູ້ນຂອງເຮືອບິນບໍ່ຕົງກັບທີ່ແຈ້ງກັບທາງສະໜາມບິນໄວ້ ເຮັດໃຫ້ຜູ້ໂດຍສານທັງໝົດຕ້ອງກັບຄືນໄປລໍຖ້າທີ່ສະໜາມບິນອີກຫຼາຍຊົ່ວໂມງ ກ່ອນຈະຖືກປ່ຽນກຳນົດເວລາໃໝ່ ແລະ ອອກເດີນທາງໃນຄ່ຳຄືນຂອງມື້ຕໍ່ມາ ເຊິ່ງຜູ້ໂດຍສານຈະໄດ້ຮັບຄ່າຊົດເຊີຍຈາກສາຍການບິນເລັກໜ້ອຍ.
ທາງດ້ານຜູ້ຊ່ຽວຊານການບິນໄດ້ອອກມາໃຫ້ຄວາມເຫັນໃນເລື່ອງນີ້ວ່າ ເປັນຄວາມຜິດພາດຂອງສາຍການບິນທີ່ບໍ່ໜ້າຈະເກີດຂຶ້ນເລີຍ ເພາະເຖິງແມ່ນວ່າສາຍການບິນຈະຂໍອະນຸຍາດລົງຈອດແລ້ວກໍ່ຕາມ ແຕ່ເມື່ອເຮືອບິນທີ່ອອກເດີນທາງເປັນຄົນລະຮູ້ນກັບທີ່ແຈ້ງໄວ້ ທາງລັດຖະບານຈີນທີ່ຂຶ້ນຊື່ໃນເລື່ອງເຂັ້ມງວດໃນການຫວງແຫນນ່ານຟ້າຂອງຕົນເອງທີ່ສຸດ ຈຶ່ງບໍ່ສາມາດນະໂຍບາຍໃຫ້ໃນເລື່ອງນີ້ຢ່າງແນ່ນອນ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook