ອົງການສະຫະປະຊາຊາດ ຫຼື UN ເຕືອນ! ສະພາບອາກາດຂອງໂລກໃນໄລຍະ 4 ປີຈະຮ້ອນທີ່ສຸດ ຖ້າຫາກປະປ່ອຍໃຫ້ເປັນແບບນີ້ຕໍ່ໄປ. ປັດຈຸບັນ, ໂລກຢູ່ໃນໄລຍະທົດສະວັດຈະຮ້ອນທີ່ສຸດ ເມື່ອທຽບກັບຍຸກກ່ອນປະຕິວັດອຸດສາຫະກໍາ.
ສໍານັກຂ່າວຕ່າງປະເທດລາຍງານຈາກປະເທດສະວິດ ວັນທີ 7 ກຸມພາ 2019 ວ່າ ອົງການອຸຕຸນິຍົມວິທະຍາໂລກ (WMO) ເຊິ່ງເປັນອົງການພິເສດດ້ານສະພາບອາກາດໂລກ ພາຍໃຕ້ການບໍລິຫານຂອງ UN ອອກລາຍງານວ່າ ອຸນຫະພູມສະເລ່ຍທົ່ວໂລກຮ້ອນໃນປີຜ່ານມາສູງຂຶ້ນ 1,0 ອົງສາ ທຽບໃສ່ຍຸກກ່ອນປະຕິວັດອຸດສາຫະກໍາ ຖ້າສະຖານະການຍັງເປັນແບບນີ້ຕໍ່ໄປອຸນຫະພູມຂອງໂລກຈະສູງຂຶ້ນປີລະ 1,5 ອົງສາ ພາຍໃນໄລຍະເວລາອີກ 5 ປີຂ້າງໜ້າ.
ສະພາບອາກາດຂອງໂລກໃນປີນີ້, ຈະມີແນວໂນ້ມຮ້າຍແຮງແຕ່ຕົ້ນປີ ຂະນະດຽວກັນປະເທດ ອົດສາຕາລີ ກໍກໍາລັງປະເຊີນຫນ້າກັບພະວະໂລກຮ້ອນແຕ່ຕົ້ນປີ ເຊິ່ງເປັນປີທີ່ຮ້ອນທີ່ສຸດໃນປະຫວັດສາດ. ຂ່າວລາຍງານຕື່ມວ່າ ໃນລະຫວ່າງປີ 2014-2022 ໂລກຈະເປັນທົດສະວັດທີ່ມີສະພາບອາກາດຮ້ອນທີ່ສຸດ.
Global average surface temperature in 2018 was approximately 1.0° C above pre-industrial baseline. 2015-2018 were 4 warmest years on record. WMO consolidates datasets from @NASAGISS, @NOAA, @metoffice, @CopernicusECMWF and JMA. All confirm that #climatechange is here and now. pic.twitter.com/qYZBGvbOqV
— World Meteorological Organization (@WMO) February 6, 2019
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: dailynews.co.th