spot_img
Homeຂ່າວຕ່າງປະເທດສະມາຊິກສະພາລັດຮາວາຍສະເໜີຮ່າງກົດໝາຍຫ້າມຄົນອາຍຸຕໍ່າກວ່າ 100 ປີຊື້ຢາສູບ

ສະມາຊິກສະພາລັດຮາວາຍສະເໜີຮ່າງກົດໝາຍຫ້າມຄົນອາຍຸຕໍ່າກວ່າ 100 ປີຊື້ຢາສູບ

Published on

ສຳນັກຂ່າວຕ່າງປະເທດລາຍງານຈາກນະຄອນລອສແອນເຈລິສ ປະເທດສະຫະລັດອາເມລິກາ ເມື່ອວັນທີ 5 ກຸມພາ 2019 ວ່າ ຮ່າງກົດໝາຍຫ້າມຄົນອາຍຸຕໍ່າກວ່າ 100 ປີຊື້ຢາສູບ ສະເໜີໂດຍທ່ານ ຣິຊາດ ຄຣີແກນ ສະມາຊິກສະພາລັດຮາວາຍ ໃນສັງກັດພັກດີໂມແຄຣດ ຈະເທົ່າກັບເປັນການຫ້າມສູບຢາໃນເຂດລັດຮາວາຍໂດຍອັດຕະໂນມັດ ພາຍໃນປີ 2024.

ຮາວາຍເປັນລັດທີ່ມີກົດໝາຍກ່ຽວກັບການຈຳໜ່າຍຢາສູບເຂັ້ມງວດທີ່ສຸດໃນປະເທດຢູ່ແລ້ວ ແຕ່ທ່ານ ຄຣີແກນ ເຊື່ອວ່າ ຕ້ອງມີກົດໝາຍທີ່ເຂັ້ມງວດຫຼາຍຂຶ້ນອີກເພື່ອຫ້າມ “ສິ່ງປະດິດປະເພດອັນຕະລາຍຮ້າຍແຮງຕໍ່ຊີວິດຫຼາຍທີ່ສຸດ ໃນປະຫວັດສາດຂອງມະນຸດ” ອີງຈາກສູນຄວບຄຸມ ແລະ ປ້ອງກັນໂຣກສະຫະລັດ ໄດ້ບົ່ງຊີ້ໃຫ້ເຫັນວ່າ ການສູບຢາເປັນສາເຫດຫຼັກຂອງການເກີດໂຣກ ແລະ ການເສຍຊີວິດທີ່ສາມາດປ້ອງກັນໄດ້ໃນສະຫະລັດ ເຮັດໃຫ້ມີຜູ້ເສຍຊີວິດສະເລ່ຍ 500.000 ຄົນໃນແຕ່ລະປີ.

ກົດໝາຍສະບັບປັດຈຸບັນຂອງຮາວາຍ ປະຊາຊົນຕ້ອງມີອາຍຸຢ່າງຕໍ່າ 21 ປີ ຈຶ່ງສາມາດຊື້ຢາສູບໃນລັດຮາວາຍໄດ້ ສ່ວນເກນອາຍຸຂັ້ນຕໍ່າທົ່ວສະຫະລັດແມ່ນຢູ່ທີ່ 18-19 ປີ.

ຕາມຂໍ້ສະເໜີຂອງ ທ່ານ ຄຣີແກນ ຮຽກຮ້ອງໃຫ້ເພີ່ມອາຍຸຂັ້ນຕໍ່າສາມາດຊື້ຢາສູບໄດ້ເປັນ 30 ປີໃນປີໜ້າເປັນ 40 ປີ ໃນປີ 2021 ເພີ່ມຂຶ້ນອີກເປັນອາຍຸ 50 ປີ ໃນປີ 2022 ແລະ ອາຍຸ 60 ປີໃນປີ 2024 ຫຼັງຈາກໝົດປີ 2024 ແລ້ວ ປີຕໍ່ໄປໃຫ້ເພີ່ມເປັນອາຍຸຢ່າງຕໍ່າ 100 ປີ ຈຶ່ງສາມາດຊື້ຢາສູບໄດ້, ເຊິ່ງທ່ານ ຄຣີແກນ ກ່າວວ່າ ຮ່າງກົດໝາຍທີ່ນຳສະເໜີຂຽນປ້ອງກັນຄວາມທ້າທາຍທາງດ້ານກົດໝາຍໄວ້ໝົດທຸກທາງແລ້ວ.

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ:​ dailynews

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...