ຈາກການປະຕິບັດຄໍາສັ່ງ 15 /ນຍ ໃນໄລຍະໜຶ່ງປີຜ່ານມາ, ແຂວງ ບໍລິຄໍາໄຊ ກວດພົບ ແລະ ຍຶດໄມ້ຂະຍຸງໄດ້ຈໍານວນ 849 ໂຕ/ຕັບ, ນໍ້າໜັກ 30.846 ກິໂລກຣາມ ກຽມລັກສົ່ງອອກ 11 ຄັນລົດ ໃນນັ້ນ, ສືບເຫັນຄະນະພັກ, ສະມາຊີກພັກ ແລະ ພະນັກງານລັດ 10 ຄົນມີສ່ວນຮ່ວມ. ຂະນະທີ່ປັດຈຸບັນ, ຖືກລົງວິໄນດ້ານພັກ ແລະ ດ້ານລັດສໍາເລັດແລ້ວ.

ຕາມຂໍ້ມູນລາຍງານຂອງທ່ານ ບຸນຄໍາ ໄຊເຍ່ຍລໍວື່ ປະທານກວດກາພັກ-ລັດ ແຂວງ ບໍລິຄໍາໄຊ ຕໍ່ກອງປະຊຸມເປີດກວ້າງຄົບຄະນະບໍລິຫານງານພັກແຂວງ ຄັ້ງທີ 11 ສະໄໝທີ VI ໄດ້ໄຂຂຶ້ນວ່າງບໍ່ດົນມານີ້ວ່າ: ໃນປີ 2018 ສະເພາະການກວດກາ, ການປະຕິບັດຄໍາສັ່ງ 15/ນຍ ແລະ 16/ຂບຊ. ປັດຈຸບັນ, ໄດ້ມີການດັດສົມ ແລະ ມີຂໍ້ຕົກລົງຍຸບເລີກ, ຢຸດຕິການດໍາເນີນກິດຈະການ ແລະ ລົບຊື່ອອກຈາກບັນຊີແລ້ວ 23 ແຫ່ງ, ພົບເຫັນການລັກລອບຂົນສົ່ງໄມ້ອອກຕ່າງປະເທດ ປະເພດໄມ້ຂະຍຸງຈໍານວນ 849 ໂຕ/ຕັບ, ນໍ້າໜັກ 30.846 ກິໂລກຣາມ ກຽມລັກສົ່ງອອກ 11 ຄັນລົດ ໃນນັ້ນ, ສືບເຫັນເຫັນຄະນະພັກ, ສະມາຊີກພັກ ແລະ ພະນັກງານລັດ 10 ຄົນມີສ່ວນຮ່ວມ ປັດຈຸບັນ, ຖືກລົງວິໄນດ້ານພັກ ແລະ ດ້ານລັດສໍາເລັດແລ້ວ. ນອກຈາກນັ້ນ, ຍັງໄດ້ຮັບຮອງ-ຄໍາສະເໜີ 40 ເລື່ອງ, ໄດ້ຄົ້ນຄວ້າ ແລະ ແກ້ໄຂສໍາເລັດ 22 ເລື່ອງ, ສົ່ງໃຫ້ພາກສ່ວນທີ່ກ່ຽວຂ້ອງແກ້ໄຂ 10 ເລື່ອງ ແລະ ສືບຕໍ່ຄົ້ນຄວ້າອີກ 8 ເລື່ອງ.

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ໜັງສືພິມເສດຖະກິດ-ສັງຄົມ