spot_img
Homeຂ່າວທ້ອງຖິ່ນນາຍບ້ານສ້າງເຫວີຍຫ້າມລູກບ້ານຈູດຂີ້ເຫຍື້ອ ແລະ ຖິ້ມຂີ້ເຫຍື້ອຊະຊາຍ

ນາຍບ້ານສ້າງເຫວີຍຫ້າມລູກບ້ານຈູດຂີ້ເຫຍື້ອ ແລະ ຖິ້ມຂີ້ເຫຍື້ອຊະຊາຍ

Published on

ທຸກເຊົ້າ-ແລງຈະໄດ້ຍິນສຽງດັງຈາກໂທລະໂຄ່ງຫ້ອງການບ້ານເລື່ອງການຫ້າມຈູດຂີ້ເຫຍື້ອ ແລະ ການຫ້າມຖິ້ມຂີ້ເຫຍື້ອຊະຊາຍ ກາຍເປັນສຽງທີ່ລູກບ້ານ ບ້ານສ້າງເຫວີຍໄດ້ຍິນຈົນຕິດຫູ ທ່ານ ອຸດອນໄຊ ສີສົມພອນ, ນາຍບ້ານ ບ້ານສ້າງເຫວີຍ ມີແນວຄິດລິເລີ່ມໃນການປະຕິບັດຢ່າງຈິງຈັງກ່ຽວກັບບັນຫາສິ່ງແວດລ້ອມ, ມົນລະພິດທາງອາກາດໃນເຂດຊຸມຊົນ ໂດຍສະເພາະການຫ້າມຈູດຂີ້ເຫຍື້ອ ແລະ ບັນຫາການຖິ້ມຂີ້ເຫຍື້ອແບບຊະຊາຍ.

ນາຍບ້ານ ບ້ານສ້າງເຫວີຍ ໄດ້ໃຫ້ສຳພາດຕໍ່ນັກຂ່າວລາວໂພສຕ໌ວ່າ ອີງຕາມຄຳສັ່ງຂອງທາງເຈົ້າຄອງນະຄອນຫຼວງວຽງຈັນ, ສະບັບເລກທີ 002/ຈນວ, ອີງຕາມແຈ້ງການເຈົ້າເມືອງ ສີສັດຕະນາກ ສະບັບເລກທີ 34/ຈມ.ມສນ, ລົງວັນທີ 29 ກັນຍາ 2014, ອີງຕາມກົດລະບຽບຂອງບ້ານ ເພື່ອເປັນການຜັນຂະຫຍາຍດຳລັດ, ຄຳສັ່ງຕ່າງໆໃຫ້ກາຍເປັນຮູບປະທຳ ແລະ ໂດຍສ່ວນຕົວນາຍບ້ານເອງກໍ່ເປັນຄົນມັກຄວາມສະອາດຈົບງາມຢູ່ແລ້ວ ດັ່ງນັ້ນ, ຈິ່ງຢາກເຫັນບ້ານສ້າງເຫວີຍເປັນບ້ານທີ່ສະອາດ ແລະ ນອກຈາກນີ້ ທາງນາຍບ້ານ ແລະ ຄະນະອົງການຈັດຕັ້ງບ້ານຍັງໃຫ້ຄວາມສຳຄັນກ່ຽວກັບການແກ້ໄຂບັນຫາມົນລະພິດທາງອາກາດທີ່ປະຈຸບັນນັບມື້ນັບເພີ່ມຂຶ້ນ, ເຊິ່ງຄວັນຈາກການຈູດຂີ້ເຫຍື້ອກໍ່ເປັນປັດໄຈໜຶ່ງທີ່ກໍ່ໃຫ້ເກີດມົນລະພິດ, ລົບກວນຄົນຢູ່ອາໄສເຮັດໃຫ້ຫາຍໃຈບໍ່ສະດວກ ແລະ ເປັນໜຶ່ງໃນສາເຫດການເກີດອັກຄີໄພ, ໂດຍໄລຍະຜ່ານມາເຄີຍມີຊາວຕ່າງຊາດທີ່ອາໄສຢູ່ໃນເຂດບ້ານສ້າງເຫວີຍໄປແຈ້ງກັບທາງຫ້ອງການບ້ານ ເນື່ອງຈາກຄວັນເຜົາໄໝ້ໄດ້ສົ່ງຜົນກະທົບຕໍ່ສຸຂະພາບໂດຍສະເພາະແມ່ນເດັກນ້ອຍ (ລູກຂອງຊາວຕ່າງຊາດ) ເພື່ອໃຫ້ທຸກຄົນທີ່ອາໄສຢູ່ໃນເຂດບ້ານສ້າງເຫວີຍບໍ່ວ່າຈະເປັນຄົນລາວ ຫຼື ຕ່າງຊາດ ໄດ້ຢູ່ໃນສະພາບແວດລ້ອມທີ່ສະອາດ ແລະ ປອດຄວັນຈາກການຈູດຂີ້ເຫຍື້ອ.

ນາຍບ້ານຍັງກ່າວໃຫ້ຮູ້ຕື່ມອີກວ່າ ທາງບ້ານມີການລະດົມປະຊາຊົນໃນເຂດບ້ານອອກແຮງງານອະນາໄມວັນເສົາ ບໍ່ວ່າຈະເປັນການເກັບຂີ້ເຫຍື້ອ, ການເກັບມ້ຽນຂີ້ເຫຍື້ອໃຫ້ເປັນບ່ອນ, ການຖາງປ່າຮົກເຮື້ອໃຫ້ແປນເພື່ອບໍ່ໃຫ້ເປັນບ່ອນສວາຍໂອກາດຂອງຄົນມາລັກຖິ້ມຂີ້ເຫຍື້ອ ແລະ ເປັນບ່ອນລີ້ຊ້ອນຂອງພວກກຸ່ມຄົນບໍ່ດີ.

ນອກຈາກນີ້, ທາງບ້ານຍັງມີແຜນລົງກວດກາ ແລະ ສຶກສາອົບຮົບວຽກງານຄວາມສະອາດໃນເຂດຫ້ອງແຖວ ເພື່ອໃຫ້ຄົນທີ່ອາໄສໃນຫ້ອງແຖວໄດ້ມີສ່ວນຮ່ວມໃນການປະຕິບັດວຽກງານດັ່ງກ່າວຢ່າງເຄັ່ງຄັດ ແລະ ທາງບ້ານຍັງມີມາດຕະການລົງໂທດແກ່ຜູ້ທີ່ບໍ່ປະຕິບັດຕາມ ໂດຍສະເພາະຄົນທີ່ລັກເອົາຂີ້ເຫຍື້ອມາຖິ້ມຊະຊາຍບໍ່ວ່າຈະເປັນໃຜກໍ່ຕາມ ຫາກທາງບ້ານຈັບໄດ້ຈະປັບໄໝ 1 ກິໂລ 40.000 ກີບ, ສ່ວນຄົນທີ່ຈູດຂີ້ເຫຍື້ອກໍ່ຈະໄດ້ຮັບການລົງໂທດເຊັ່ນດຽວກັນ ທາງບ້ານຈະມີໜ່ວຍສະເພາະກິດ ຕິດຕາມກ່ຽວກັບເລື່ອງນີ້ ຄັ້ງທີ 1 ທາງບ້ານຈະປະກາດກ່າວເຕືອນຜ່ານໂທລະໂຄ່ງບ້ານ ໂດຍຈະລະບຸຢູ່ຈຸດນັ້ນ, ຄຸ້ມນັ້ນ, ໜ່ວຍນັ້ນມີການຈູດຂີ້ເຫຍື້ອ, ຄັ້ງທີ 2 ຫາກຍັງເຫັນຜູ້ເກົ່າຈູດຂີ້ເຫຍື້ອອີກທາງບ້ານຈະເຊີນຜູ້ກ່ຽວເຂົ້າມາສຶກສາອົບຮົມ ແລະ ເຮັດບົດບັນທຶກກັບທາງບ້ານໄວ້, ຄັ້ງທີ່ 3 ຫາກຜູ້ກ່ຽວຍັງປະພຶດຄືເກົ່າທາງບ້ານຈະເຊີນຜູ້ກ່ຽວມາດຳເນີນຕາມລະບຽບກົດໝາຍຂອງບ້ານ.

ທ່ານຮູ້ ຫຼື ບໍ່? ອັນຕະລາຍຈາກການແຜ່ກະຈາຍຂອງສານເຄມີຈາກຂະບວນການເຜົາໄໝ້ ໂດຍສະເພາະແມ່ນການເຜົາປະເພດຢາງຈະກໍ່ໃຫ້ເກີດສານໄດອອກຊິນ ເປັນສານປະກອບທາງເຄມີທີ່ອັນຕະລາຍທີ່ສຸດ ແລະ ສາມາດທຳລາຍລະບົບຕ່າງໆໃນຮ່າງກາຍ ໂດຍກໍ່ໃຫ້ເກີດຄວາມສ່ຽງຂອງໂຣກຫົວໃຈ, ລະບົບທາງເດີນຫາຍໃຈເຊັ່ນ: ໂຣກຫອບຫືດ, ໂຣກພູມແພ້, ເຈັບຫົວ, ທຳລາຍລະບົບປະສາດ, ໝາກໄຂ່ຫຼັງ ແລະ ປອດ. 

 

 

 

ຂຽນບົດໂດຍ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ນາຍບ້ານບ້ານສ້າງເຫວີຍ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...