ຊາວອິນໂດເນເຊຍ ຕົກໃຈທົ່ວລຽນ 2 ໜ່ວຍວາງຂາຍໃນຊຸບເປີມາເກັດ ດ້ວຍລາຄາເທົ່າກັນໜ່ວຍລະ 14 ລ້ານຣູປີ ຫຼື ເທົ່າກັບ 8.614.964 ກີບ ເປັນລາຄາທີ່ສູງຄັ້ງປະຫວັດສາດ ແລະ ລາຄາຂາຍສູງກວ່າຄ່າຈ້າງແຮງງານຂັ້ນຕໍ່າໃນໜຶ່ງເດືອນຂອງປະຊາຊົນປະມານ 8 ເທົ່າ, ປະຊາຊົນສ່ວນໃຫຍ່ທີ່ຢູ່ໃກ້ພາກັນເຂົ້າໄປຖ່າຍພາບເປັນທີ່ລະນຶກຢ່າງ.
ສໍານັກຂ່າວ AFP ລາຍງານຈາກເມືອງ ຕາຊິດມາລາຍາ ປະເທດອິນໂດເນເຊຍ ວັນທີ 30 ມັງກອນ 2019 ຜ່ານມາວ່າ ຖົ່ວລຽນ 2 ໜ່ວຍຖືກວາງຂາຍໜ່ວຍລະ 14 ລ້ານຣູປີ ແລະ ແຂວນໂຊຢູ່ໃນຊຸບເປີມາເກັດແຫ່ງໜຶ່ງໃນເມືອງ ຕາຊິດມາລາຍາ ແຂວງ ຊວາຕາເວັນຕົກ ອິນໂດເນເຊຍ ເຊິ່ງລາຄາຂາຍສູງກວ່າຄ່າຈ້າງແຮງງານຂັ້ນຕໍ່າໃນໜຶ່ງເດືອນຂອງປະຊາຊົນປະມານ 8 ເທົ່າ ຈົນໄດ້ຮັບສາຍານາມເປັນ ລາຊາແຫ່ງໝາກໄມ້ທີ່ໄດ້ຮັບຄວາມນິຍົມໄປທົ່ວພູມມີພາກຂອງອາຊີຕາເວັນອອກສຽງໃຕ້.
ເຮີເຮີຍວານ ເຕເຕນ ຜູ້ຈັດການຕະຫຼາດເຜີຍວ່າ: “ຜູ້ທີ່ຊື້ຖົ່ວລຽນ 2 ໜ່ວຍນີ້ບໍ່ຕ້ອງການເຜີຍຊື່ ພຽງແຕ່ບອກວ່າເຂົາມັກກິນຖົ່ວລຽນ”, ດ້ານຜູ້ໃຊ້ອິນສະຕາແກຣມຄົນໜຶ່ງຂຽນຂໍ້ຄວາມວ່າ: “ລາຄາແພງຫຼາຍເກີນເຫດ ຖ້າເປັນຂ້ອຍຈະເອົາເງິນຈໍານວນນີ້ໄປຊື້ລົດຈັກຂີ່ດີກວ່າ.” ຕາມປົກກະຕິໝາກຖົ່ວລຽນທົ່ວໄປຈະມີລັກສະນະເປັນຮູບໄຂ່ ຫຼື ກົມ ແຕ່ ຖົ່ວລຽນຊະນິດນີ້ມີລັກສະນະທີ່ຂ້ອນຂ້າງມົນຫຼາຍ, ມັນເປັນສາຍພັນໃນທ້ອງຖິ່ນ ເຈ-ຄວີນ ທີ່ເວົ້າກັັນວ່າ ສຸດຍອດຖົ່ວລຽນທີ່ຫາຍາກທີ່ສຸດ ເຊິ່ງໄດ້ຊະນະເລີດຈາກການປະກວດຖົ່ວລຽນທີ່ເມືອງ ປີນັງ ປະເທດມາເລເຊຍ ແລະ ເມື່ອຍາມມັນສຸກຈະມີກິ່ນເໝັນຮຸນແຮງທີ່ສຸດວ່າຖົ່ວລຽນສາຍພັນອື່ນ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: AFP, matichon.co.th, dailynews.co.th,