ໜັງສືພິມ ຄອມເມີສັນຂອງຣັດເຊຍ ໄດ້ໃຫ້ຮູ້ວ່າ ປະເທດລາວຈະໄດ້ຮັບເຮືອບິນຮົບ Yak – 130 ປະເພດເບົາທີ່ຜະລິດຈາກໂຮງງານບໍລິສັດ Irkut Corporation ຢູ່ Irkutsk ຈຳນວນ 10 ລຳ ພ້ອມທັງອາໄຫຼ່, ອາວຸດໂຈມຕີ, ອຸປະກອນພາກພື້ນດິນ ແລະ ການເຝິກອົບຮົມ. ເຊິ່ງເບື້ອງຕົ້ນເຮືອບິນ Yak – 130 ຈຳນວນ 4 ລຳ ຈາກຈຳນວນທັງໝົດ ແມ່ນມາຮອດລາວແລ້ວ  ດ້ວຍຍົນລຳລຽງ Il-76TD ໃນເດືອນທັນວາ 2018 ທີ່ຜ່ານມາ ຕາມສັນຍາລະຫວ່າງສອງລັດຖະບານທີ່ເຊັນກັນໃນເດືອນສິງຫາ 2017.

ສະຫະພັນຣັດເຊຍ ໄດ້ສົ່ງເຮືອບິນ Yak – 130 ແລະ ລົດຖັງ T-72B1 (ຍັງບໍ່ທັນຮູ້ຈຳນວນທີ່ແນ່ນອນ) ແລກກັບລົດຖັງ T-34 ທີ່ມີຊື່ສຽງໃນສະໃໝສົງຄາມໂລກຄັ້ງທີ II ຈຳນວນ 30 ລຳທີ່ ສປປ ລາວ ໄດ້ສົ່ງຄືນໃຫ້ ເພື່ອເຂົ້າຮ່ວມງານສະເຫຼີມສະຫຼອງວັນສິ້ນສຸດການປິດລ້ອມເມືອງເລນິນກລາດຂອງພວກນາຊີເຢຍລະມັນຄົບຮອບ 75 ປີ ແລະ ເພື່ອສະແດງຮູບເງົາສົງຄາມໂລກຄັ້ງທີ 2, ສປປ ລາວ ເປັນປະເທດທີ 5 ທີ່ສັ່ງຊື້ເຮືອບິນ Yak – 130 ທັດຈາກ ອານເຊີຣີ, ບັງກາລາເທດ, ມຽນມາ, ແລະ ເບລາຣູດ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ສຳນັກຂ່າວສານປະເທດລາວ