- ໄຂມັນໃນເລືອດສູງ ເຊິ່ງນຳໄປສູ່ຄວາມຜິດປົກກະຕິ ຂອງລະບົບອື່ນໆ ໂດຍສະເພາະເມື່ອເມັດໄຂມັນໄປເກາະຕາມຝາຫລອດເລືອດ ຍິ່ງໜາຫລາຍຂຶ້ນໆ ເຮັດໃຫ້ເລືອດກໍເດີນບໍ່ສະດວກ ເລືອດຕ້ອງໄປຫລໍ່ລ້ຽງ ເຊລທຸກສ່ວນຂອງຮ່າງກາຍ ແລະ ເຮົາກໍຂາດເລືອດບໍ່ໄດ້ ແນ່ນອນຈະມີບັນຫາຕໍ່ສຸຂະພາບຕາມມານໍາອີກຫລາຍ ທັງພະຍາດຫົວໃຈວາຍ ຄວາມດັນເລືອດສູງ ເໝື່ອຍຫອບ ມຶນງົງ ເລື້ອຍໆ ເປັນລົມ ເມື່ອເລືອດແລະ ອອກຊິເຈນໄປລ້ຽງຮ່າງກາຍບໍ່ດີ ເຊລ ກໍເສື່ອມໂຊມລົງ ອະນຸມູນອິດສະຫລະກໍເກີດໄວຂຶ້ນ ແລະ ແກ່ໄວຢ່າງເຫັນໄດ້ຊັດເຈນ
- ຄວາມດັນເລືອດສູງ ເມື່ອໄຂມັນເຄືອບຝາຫລອດເລືອດ ບາງຈຸດອາດຕີບຫລາຍ ຫົວໃຈມີຫນ້າທີ່ຄືປໍ້ານ້ຳ ກໍຕ້ອງຂັບດັນເລືອດແລ່ນໄປໃຫ້ທົ່ວຮ່າງກາຍ ເມື່ອບາງຈຸດຖືກບີບໃຫ້ແຄບ ແຕ່ຮ່າງກາຍຕ້ອງການເລືອດ ມັນອາດອອກແຮງຜັກດັນເລືອດ ອາດເຮັດໃຫ້ເສັ້ນເລືອດໃນສະຫມອງແຕກ ເຖິງຊີວິດ ຫລື ພິການເປັນອຳມະພຶກ ອຳມະພາດໄດ້
- ພະຍາດຫົວໃຈ ແລະ ຫລອດເລືອດ ເປັນສາເຫດການຕາຍອັນດັບໜຶ່ງ ເນື່ອງຈາກໄຂມັນໄປເກາະຕາມຝາຫລອດເລືອດ ເຮັດໃຫ້ເກີດພາວະຫລອດເລືອດຕີບ ຫລື ອຸດຕັນ ຫົວໃຈເຮັດວຽກເພີ່ມຫລາຍຂຶ້ນ ຖ້າເປັນກັບເສັ້ນເລືອດທີ່ຫລໍ່ລ້ຽງຫົວໃຈກໍເຮັດໃຫ້ເກີດພະຍາດຫົວໃຈຂາດເລືອດ ແລະ ຫົວໃຈວາຍ
- ພະຍາດເບົາຫວານ ພະຍາດນີ້ເປັນໝູ່ກັບພະຍາດອ້ວນ ທີ່ມັກພົບຄອບຄູ່ກັນສະ ເໝີເບົາຫວານນັ້ນ ເພາະລະບົບຄວບຄຸມລະດັບນ້ຳຕານໃນຮ່າງກາຍຜິດປົກກະຕິ ເມື່ອເປັນເບົາຫວານແລ້ວ ຖ້າເກີດເປັນບາດແຜກໍມັກປິ່ນປົວບໍ່ເຊົາ ກາຍເປັນແຜຊຳເຮື້ອ ບາງເທື່ອກໍເປັນບາດແຜກົດທັບ ປະກອບກັບສ່ຽງຕໍ່ການຕິດເຊື້ອຣາງ່າຍຂຶ້ນ ເພາະມີການປຽກຂອງຫວ່າງແຂນ ແລະ ຫວ່າງຂາຫລາຍກວ່າປົກກະຕິ
- ພະຍາດຂໍ້ກະດູກເສື່ອມ ໂດຍສະເພາະຂໍ້ເຄົ່າ ແລະ ຂໍ້ຕີນ ເນື່ອງຈາກຕ້ອງຮັບນ້ຳໜັກຕົວຫລາຍເກີນໄປ ບາງຄົົນທີ່ຕຸ້ຍຫລາຍໆ ອາດຈະຢືນ ຫລື ຍ່າງບໍ່ໄດ້ເລີຍ ເພາະຂໍ້ຕີນບໍ່ສາມາດຮັບນ້ຳໜັກໄດ້ ຄົນຕຸ້ຍຫລາຍໆ ຈະຍ່າງກໍລຳບາກ
- ພະຍາດລະບົບທາງເດີນຫາຍໃຈ ເນື່ອງຈາກໃນຄົນຕຸ້ຍມັກມີການເຄື່ອນໄຫວນ້ອຍ ມັກນັ່ງ ຫລື ນອນ ປອດຈຶ່ງຂະຫຍາຍຕົວບໍ່ເຕັມທີ່ ເຮັດໃຫ້ເກີດການຕິດເຊື້ອຂອງທາງເດີນຫາຍໃຈໄດ້ຫລາຍຂຶ້ນ ບາງເທື່ອເຖິງກັບມີພາວະການຫາຍໃຈຫລຸດລົງ ຫາຍໃຈຕິດຂັດ ເຮັດໃຫ້ມີກ໊າດຄາຣບອນໄດອອກໄຊ ຄ້າງໃນປອດ ຄົນຕຸ້ຍຫລາຍເມື່ອຍງ່າຍ ຫິວນອນຕະຫລອດເວລາ ອາດພົບພາວະຂອງພະຍາດອາລົມເສົ້າໝອງ ຮ່ວມໄປດ້ວຍກໍຄືກິນ ເຊິ່ງອາດຈະຊ່ວຍໃຫ້ອາລົມໄລຍະນັ້ນດີຂຶ້ນ ແຕ່ໃນຂະນະດຽວກັນກໍເປັນການທໍາຮ້າຍຕົນເອງຫລາຍຍິ່ງຂຶ້ນ
- ພະຍາດມະເຮັງບາງຊະນິດ ຄົນຕຸ້ຍມີອັດຕາການສ່ຽງຕໍ່ການເປັນພະຍາດຕ່າງໆ ລວມທັງພະຍາດມະເຮັງໄດ້
- ພະຍາດໜິ້ວໃນຖົງບີ ໄຂມັນໃນຕັບ ເມື່ອມີໄຂມັນຫລາຍ ການເຮັດວຽກງານ ຂອງຕັບກໍຫລຸດລົງ ເພາະໄຂມັນເຂົ້າໄປຂັ້ນຢູ່ ຈົນເຮັດໃຫ້ເກີດໜິ້ວໃນຖົງບີ