ກະຊວງການຕ່າງປະເທດສະຫະລັດອອກຖະແຫຼງການເມື່ອວັນທີ 24 ມັງກອນ 2019 ກ່ຽວກັບການສັ່ງໃຫ້ເຈົ້າໜ້າທີ່ການທູດປະຈຳເວເນຊູເອລາໃນພາກສ່ວນທີ່ບໍ່ຈຳເປັນ ໃຫ້ເດີນທາງກັບປະເທດ ເນື່ອງຈາກສະຖານະການທາງການເມືອງພາຍໃນເວເນຊູ ເອລາຕອນນີ້ສົ່ງຜົນກະທົບຕໍ່ປະສິດທິພາບດ້ານການປະຕິບັດພາລະກິດໃຫ້ບໍລິການທາງການທູດ ແລະ ກົງສູນຂອງລັດຖະບານສະຫະລັດຕໍ່ພົນລະເມືອງສະຫະລັດ ທີ່ຍັງອາສຢູ່ໃນເວເນຊູເອລາ.

ຄວາມເຄື່ອນໄຫວດັ່ງກ່າວຂອງສະຫະລັດເກີດຂຶ້ນຫຼັງຈາກປະທານາທິບໍດີ ນິໂຄລັສ ມາດູໂຣ ປະກາດເມື່ອວັນພຸດທີ່ຜ່ານມາ ຕັດຄວາມສຳພັນທາງການທູດໃນທຸກລະດັບກັບລັດຖະບານສະຫະລັດ ແລະ ເນລະເທດເຈົ້າໜ້າທີ່ການທູດຂອງສະຫະລັດທັງໝົດໃຫ້ອອກນອກປະເທດພາຍໃນ 72 ຊົ່ວໂມງ ເຊິ່ງເນື່ອງມາຈາກລັດຖະບານສະຫະລັດປະຕິເສດຕໍ່ການປະຕິບັດຕາມຄຳສັ່ງ ໃຫ້ເຫດຜົນວ່າທ່ານ ມາດູໂຣ ບໍ່ແມ່ນ “ຜູ້ທີ່ເໝາະສົມ” ຂອງເວເນຊູເອລາອີກຕໍ່ໄປ ແລະ ສະຫະລັດຍອມຮັບທ່ານ ຮວນ ກຸຍໂດ ຜູ້ພັກນຳຝ່າຍຄ້ານ ແລະ ປະທານສະພານິຕິບັນຍັດແຫ່ງຊາດໃນຖານະ “ຜູ້ຮັກສາການປະທານາທິບໍດີ”.

ລັດຖະມົນຕີກະຊວງການຕ່າງປະເທດສະຫະລັດກ່າວວ່າ ລັດຖະບານເວເນຊູເອລາຕ້ອງຮັບຜິດຊອບ ຫາກມີອັນຕະລາຍເກີດຂຶ້ນກັບນັກການທູດ ແລະ ພົນລະເມືອງຂອງສະຫະລັດທີ່ຍັງອາໄສຢູ່ໃນເວເນຊູເອລາ ທ່າມກາງການປະທ້ວງຄັ້ງໃໝ່ຕັ້ງແຕ່ວັນພຸດທີ່ມີຜູ້ເສຍຊີວິດແລ້ວຫຼາຍກວ່າ 20 ຄົນ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews