ສຳນັກຂ່າວຕ່າງປະເທດລາຍງານຈາກເຂດບໍລິຫານພິເສດຮ່ອງກົງ, ປະເທດຈີນ ເມື່ອວັນທີ 23 ມັງກອນ 2019 ວ່າ ຄະນະຜູ້ບໍລິຫານເຂດບໍລິຫານພິເສດຮ່ອງກົງພາຍໃຕ້ການນຳຂອງທ່ານ ນາງ ແຄຣີ ແລມ ສະເໜີຮ່າງກົດໝາຍເຂົ້າສູ່ການພິຈາລະນາຂອງສະພາມະຕິບັນຍັດວ່າດ້ວຍການສະແດງຄວາມເຄົາລົບຕໍ່ເພງຊາດຈີນ ເມື່ອຢູ່ໃນສາທາລະນະ ຫາກຜູ້ໃດທີ່ຝ່າຝືນອາດຕ້ອງໄດ້ຮັບໂທດຕິດຄຸກ 3 ປີ ພ້ອມປັບເງິນສູງສຸດເຖິງ 50.000 ໂດລາຮ່ອງກົງ ໂດຍຮ່າງກົດໝາຍຄວບຄຸມໄປເຖິງການເປີດເພງຊາດຈີນໃນໂຮງຮຽນທັງຂອງລັດ ແລະ ເອກະຊົນ ຕະຫຼອດຈົນຮອດໂຮງຮຽນນານາຊາດອີກດ້ວຍ.
ເປັນທີ່ຮູ້ຈັກກັນດີວ່າຄວາມພະຍາຍາມເຄື່ອນໄຫວຮຽກຮ້ອງເອກະລາດໃນຮ່ອງກົງບໍ່ວ່າໃນຮູບແບບໃດກໍ່ຕາມ ຖືເປັນ “ການລໍ້າເສັ້ນ” ສຳລັບລັດຖະບານໃນນະຄອນຫຼວງປັກກິ່ງ ທີ່ມອບການປົກຄອງແບບ 1 ປະເທດ 2 ລະບົບໃຫ້ຮ່ອງກົງ ນັບຕັ້ງແຕ່ຮັບມອບເກາະແຫ່ງນີ້ຄືນຈາກອັງກິດ ຫຼັງຄົບຮອບສັນຍາ 99 ປີ ເມື່ອວັນທີ 1 ກໍລະກົດ 1997. ຢ່າງໃດກໍ່ຕາມ ມາດຕະການດັ່ງກ່າວສ້າງຄວາມວິຕົກກັງວົນໃຫ້ແກ່ຫຼາຍຝ່າຍ ໂດຍສະເພາະກຸ່ມຄົນທີ່ເກີດຫລັງຈາກຊ່ວງນັ້ນ ຖືວ່າ “ເປັນຊ່ວງພັດປ່ຽນ” ມັນອາດເປັນຄວາມພະຍາຍາມແຊກຊຶມທາງວັດທະນະທຳເທື່ອລະໜ້ອຍຈາກຈີນແຜ່ນດິນໃຫຍ່ເຂົ້າສູ່ຮ່ອງກົງ ແລະ ໃນອານາຄົດ “ອາດມີເລື່ອງອື່ນໆອີກ”
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews