ພະຍາດ ພູມແພ້ ເລີ່ມກາຍເປັນພະຍາດສຸດຮິດຂອງຄົນໃນສັງຄົມໄປແລ້ວເຊິ່ງສ້າງຄວາມທໍລະມານໃຫ້ກັບຜູ້ປ່ວຍຢ່າງຫລວງຫລາຍ ໂດຍສະເພາະຕາມເມືອງໃຫຍ່ທີ່ອາກາດບໍ່ບໍລິສຸດ ລິຊາ ຄອນລິເອີ ຄູນ ນັກຂຽນເຈົ້າຂອງລາງວັນ National Health Information Award ມີໂຕຊ່ວຍປ້ອງກັນຄວາມທໍລະມານຈາກອາການຂອງພະຍາດນີ້ ເຊິ່ງໄດ້ແກ່ອາຫານດັ່ງຕໍ່ໄປນີ້
- ຫມາກໄມ້ຕະກູນໝາກກ້ຽງໝາກນາວ ລາແຊັງ ເພາະຫມາກໄມ້ເຫລົ່ານີ້ຈະມີວິຕາມິນຊີ ເຊິ່ງມີຄຸນສົມບັດຊ່ວຍຫລຸດອາການ ພູມແພ້ ໄດ້ ໂດຍໂຮງໝໍເດັກອ່ອນໄດ້ກ່າວວ່າ ເດັກແຮກເກີດ ທີ່ດື່ມນົມແມ່ເປັນປະຈຳ ຈະມີພູມຕ້ານທານຕໍ່ພະຍາດ ພູມແພ້ ເພາະ ໄດ້ຮັບວິຕາມິນຊີຈາກນ້ຳນົມ
- ໝາກເລັ່ນ ເປັນແຫລ່ງລວມຂອງວິຕາມິນຊີເຊັ່ນດຽວກັບຫມາກໄມ້ຕະກູນໝາກກ້ຽງ ນອກຈາກນີ້ໃນໝາກເລັ່ນຍັງມີ ໄລໂຄປິນ ເຊິ່ງຊ່ວຍຫລຸດອາການຫອບຫືດຈາກ ພູມແພ້ ໄດ້ເປັນຢ່າງດີ
- ແກ່ນຕາເວັນ ນອກຈາກວິຕາມິນຊີແລ້ວ ວິຕາມິນອີ ກໍເປັນອີກໜຶ່ງສານອາຫານທີ່ຊ່ວຍຕໍ່ສູ້ກັບພະຍາດ ພູມແພ້ ໄດ້ ຈາກການວິໄຈພົບວ່າ ອາຫານທີ່ມີວິຕາມິນອີ ສູງ ຈະຊ່ວຍຫລຸດການຕອບສະຫນອງຂອງຮ່າງກາຍຕໍ່ສານ ກໍ່ພູມແພ້ ເຊິ່ງແກ່ນຕາເວັນ ກໍເປັນໂຕເລືອກທີ່ດີຫລາຍສຳລັບອາຫານທີ່ອຸດົມໄປດ້ວຍວິຕາມິນອີ
- ຜັກຫົມ ເປັນອີກໜຶ່ງອາຫານສຳລັບຊະນະອາການ ພູມແພ້ ຢ່າງແທ້ຈິງ ເນື່ອງຈາກອຸດົມໄປດ້ວຍ ແມກນີຊຽມ ເຊິ່ງເປັນສານທີ່ຖ້າຫາກຮ່າງກາຍຂາດໄປ ຈະມີທ່າອ່ຽງທີ່ຈະເປັນພະຍາດ ພູມແພ້ ແລະ ຫອບຫືດໄດ້ງ່າຍຍິ່ງຂຶ້ນ ນີ້ຈຶ່ງເປັນສິ່ງທີ່ຂາດບໍ່ໄດ້ເລີຍສຳລັບຜູ້ທີ່ຢາກຫ່າງໄກອາການ ພູມແພ້