ສື່ອອນລາຍນ໌ປະເທດຈີນລາຍງານເມື່ອວັນທີ 21 ມັງກອນ 2019 ວ່າ ບໍລິສັດ Songcheng Performance Development (Hangzhou Songcheng Tourism Development) ທີ່ເມືອງ ຫາງໂຈ ມົນທົນເຈີຈຽງ ປະເທດຈີນ ໄດ້ປະກາດ ໃຫ້ພະນັກງານຍິງໂສດ ອາຍຸ 30 ປີຂຶ້ນໄປ ໄດ້ຮັບສິດວັນພັກເທດສະການກຸດຈີນ ຫຼື ປີໃໝ່ຈີນ ຕື່ມອີກ 8 ວັນ ຈາກປົກກະຕິພັກພຽງ 7 ວັນ ລວມເປັນ 15 ວັນ ເພື່ອໃຫ້ສາວໂສດກຸ່ມນີ້ ກັບບ້ານ ແລະ ມີໂອກາດໄດ້ພົບກັບໂລກພາຍນອກ ຕິດຕໍ່ສັງຄົງ ອອກເດດກັບຊາຍໜຸ່ມ.
ນອກຈາກນີ້ຍັງແຈ້ງອີກວ່າ ຫາກມີຂ່າວດີໄດ້ແຕ່ງງານກ່ອນວັນທີ 31 ທັນວາ 2019 ບໍລິສັດຈະມອບລາງວັນໂບນັດທ້າຍປີໃຫ້ 2 ເທົ່າ ໂດຍທາງບໍລິສັດເຊື່ອວ່າຖ້າພະນັກງານມີຄວາມສຸກຜົນງານການເຮັດວຽກກໍ່ຈະອອກມາດີ.
ທ່ານ ຫວງ ເຫລີ່ຍ ຫົວໜ້າຝ່າຍບຸກຄົນຂອງບໍລິສັດກ່າວວ່າ ໃນບໍລິສັດມີຈຳນວນພະນັກງານຊາຍ ແລະ ຍິງເກືອບເທົ່າກັນ ແຕ່ພະນັກງານຊາຍສ່ວນໃຫຍ່ເຮັດວຽກຢູ່ໃນຝ່າຍວິສະວະກຳ ມີໂອກາດໄດ້ຕິດຕໍ່ກັບເພດກົງກັນຂ້າມຫຼາຍກວ່າ ສ່ວນພະນັກງານຍິງສ່ວນໃຫຍ່ແມ່ນຢູ່ຝ່າຍບໍລິຫານພາຍໃນ ມີພຽງບາງສ່ວນຢູ່ຝ່າຍການສະແດງ ເຊິ່ງມີໂອກາດໜ້ອຍຫຼາຍຈະໄດ້ຕິດຕໍ່ພົວພັນກັບໂລກພາຍນອກ ທາງບໍລິສັດຈື່ງເພີ່ມຈຳນວນວັນພັກດັ່ງກ່າວໃຫ້.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook