spot_img
Homeຂ່າວຕ່າງປະເທດອົດສະຕາລີກຳລັງປະເຊີນໜ້າກັບອາກາດຮ້ອນສູງເຖິງ 45 ອົງສາ

ອົດສະຕາລີກຳລັງປະເຊີນໜ້າກັບອາກາດຮ້ອນສູງເຖິງ 45 ອົງສາ

Published on

ກົມອຸຕຸນິຍົມວິທະຍາຂອງອົດສະຕາລີ ໄດ້ປະກາດແຈ້ງເຕືອນໃຫ້ປະຊາຊົນກຽມສຸຂະພາບຮ່າງກາຍໃຫ້ພ້ອມ ເພື່ອກຽມຮັບມືກັບຄື້ນຄວາມຮ້ອນຮອບໃໝ່ ຫຼັງສະພາບອາກາດໂດຍທົ່ວໄປມີອຸນຫະພູມສູງຂຶ້ນຢ່າງຕໍ່ເນື່ອງສູງສຸດທຳລາຍສະຖິຕິປະຈຳເດືອນມັງກອນ.

ຄື້ນຄວາມຮ້ອນຮອບໃໝ່ນີ້ໄດ້ເຄື່ອນຕົວເຂົ້າມາທາງຕອນໃຕ້ຂອງອົດສະຕາລີໄດ້ແກ່: ລັດນິວ ເຊົາເວສ ແລະ ທາງຕອນເໜືອຂອງລັດວິກຕໍເຣຍ ອຸນຫະພູມສະເລ່ຍໃນຕອນກາງເວັນຢູ່ທີ່ 45 ອົງສາ ຖືເປັນສະຖິຕິຕົວເລກທີ່ເພີ່ມຂຶ້ນຈາກປົກກະຕິເຖິງ 16 ອົງສາ.

ສຳລັບໃນຊ່ວງເວລາດັ່ງກ່າວ ຂະນະທີ່ໂລກເຂດທາງເໜືອຍັງເຂົ້າສູ່ລະດູໜາວ ແຕ່ໂລກເຂດທາງໃຕ້ເຂົ້າສູ່ລະດູຮ້ອນເຕັມຮູບແບບ ຕາມລາຍງານລະບຸວ່າ ເມື່ອເວລາຮຸ່ງເຊົ້າອຸນຫະພູມຈະຢູ່ທີ່ 32 ອົງສາ ນັບເປັນຕົວເລກອຸນຫະພູມທີ່ຕ່ຳທີ່ສຸດໃນຮອບ 70 ປີ

ກະຊວງສາທາລະນະສຸກໃຫ້ລະວັງບັນຫາສຸຂະພາບທີ່ອາດມາຈາກສະພາບອາກາດຮ້ອນເຊັ່ນ: ໂລກລົມແດດ (Heat Stroke) ນອກຈາກນີ້, ຍັງຕ້ອງປະເຊີນໜ້າກັບຄວາມສ່ຽງຮຸນແຮງຂອງໄຟປ່າທີ່ອາດເກີດຂຶ້ນໄດ້ ເຮັດໃຫ້ເຈົ້າໜ້າທີ່ຕ້ອງຄອຍເຝົ້າລະວັງຢ່າງໃກ້ຊິດ.

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...