ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກົມອຸຕຸນິຍົມ ແລະ ອຸທົກກະສາດ ລາຍງານກ່ຽວກັບແຜ່ນດິນໄຫວ, ສະບັບເລກທີ 0083/ກອຕທ, ລົງວັນທີ 15 ມັງກອນ 2019 ກ່ຽວກັບການເກີດແຜ່ນດິນໄຫວ ຄັ້ງວັນທີ 14 ມັງກອນ 2019.

ກົມອຸຕຸນິຍົມ ແລະ ອຸທົກກະສາດ ຂໍລາຍງານມາຍັງທ່ານເພື່ອຊາບວ່າ ຜ່ານການຕິດຕາມສະພາບການເກີດແຜ່ນດິນໄຫວໃນທົ່ວປະເທດຂອງ ສປປ ລາວ ແລະ ຈາກຂໍ້ມູນແຜ່ນດິນໄຫວເວັບໄຊສ໌ຂອງສຳນັກງານແຜ່ນດິນໄຫວຂອງປະເທດໄທ ໄດ້ພົບສັນຍານການເກີດແຜ່ນດິນໄຫວພາຍໃນປະເທດລາວ ໃນຊ່ວງວັນທີ 14 ມັງກອນ 2019 ດັ່ງນີ້:

ແຜ່ນດິນໄຫວເກີດຂຶ້ນໃນວັນທີ 14 ມັງກອນ 2019 ເວລາຕາມທ້ອງຖິ່ນ 17:54:42 ວິນາທີ ຄວາມແຮງໃນການສັ່ນສະເທືອນ 4.7 ຣິກເຕີ ຄວາມເລິກຫ່າງຈາກພື້ນດິນ 5 ກິໂລແມັດ ເສັ້ນຂະໜານທີ 21.85 N ແລະ ເສັ້ນແວງ 101.91E ເກີດໃນພື້ນທີ່ບ້ານ ຫງາຍເໜືອ, ເມືອງ ບຸນໃຕ້ ແຂວງ ຜົ້ງສາລີ. ເຊິ່ງປັດຈຸບັນບໍ່ມີລາຍງານຄວາມເສຍຫາຍທີ່ເກີດຈາກເຫດການແຜ່ນດິນ ໄຫວໃນຄັ້ງນີ້.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: earthquake.tmd.go.th, ກົມອຸຕຸນິຍົມ ແລະ ອຸທົກກະສາດ