ຄະນະແພດຈາກມົນທົນຝູຈ້ຽນ ທາງຕະເວັນອອກຂອງຈີນ ຊ່ວຍຊີວິດຜູ້ປ່ວຍຍິງໄວອາຍຸ 26 ປີ ໃຫ້ຟື້ນຈາກຄວາມຕາຍໄດ້ສຳເລັດ ຫຼັງຫົວໃຈຢຸດເຕັ້ນດົນເຖິງ 72 ຊົ່ວໂມງ.
ເມື່ອວັນທີ 1 ມັງກອນ 2019 ທີ່ຜ່ານມາ ຜູ້ປ່ວຍຍິງຄົນນີ້ມີພາວະຫົວໃຈຫ້ອງລຸ່ມເຕັ້ນຄ່ອຍ (ventricular fibrillation) ໂດຍນາງໄດ້ເຂົ້າຮັກສາຕົວທີ່ໂຮງໝໍໃນສັງກັດຂອງມະຫາວິທະຍາໄລ ເຊຍເໝິນ ຫຼັງຈາກນັ້ນອາການຂອງນາງໄດ້ສຸດລົງຫົວໃຈຢຸດເຕັ້ນ ແລະ ໝົດສະຕິໄປ ເຊິ່ງທາງແພດໄດ້ປະເມີນວ່ານາງເປັນໂຣກກ້າມເນື້ອຫົວໃຈອັກເສບ ຄະນະແພດຈາກພະແນກສຸກເສີນ ແລະ ຝ່າຍປະຕິບັດການໃຊ້ເຄື່ອງມື້ຄໍ້າຊູການທຳງານຂອງຫົວໃຈ ແລະ ປອດ ຫຼື ECMO ພະຍາຍາມກູ້ຊີວິດຂອງຜູ້ປ່ວຍດ້ວຍການນວດຫົວໃຈຜາຍປອດກູ້ຊີບ ຫຼື CPR ໂດຍໃຊ້ເວລາດົນເຖິງ 2 ຊົ່ວໂມງ ແຕ່ບໍ່ໄດ້ຜົນ.
ແພດຈິ່ງຍ້າຍຜູ້ປ່ວຍໄປທີ່ພະແນກຮັກສາຜູ້ປ່ວຍໜັກ ຫຼື ICU ແລະ ໃຊ້ເຄື່ອງມືທາງການແພດຄໍ້າຊູການທຳງານຂອງອະໄວຍະວະສ່ວນຕ່າງໆຂອງນາງໄວ້ ໃນວັນຕໍ່ມາຜູ້ປ່ວຍເລີ່ມກັບມາມີສະຕິ ຫົວໃຈຂອງນາງເລີ່ມກັບມາເຕັ້ນ ແລະ ຟື້ນຟູການທຳງານບາງປະເພດໄດ້ໃນ 72 ຊົ່ວໂມງຕໍ່ມາ ເຊິ່ງເປັນຜົນມາຈາກຄວາມພະຍາຍາມຂອງແພດ.
ໂດຍຄວາມດັນເລືອດ ອັດຕາການເຕັ້ນຂອງຫົວໃຈ ແລະ ການຫາຍໃຈຂອງຜູ້ປ່ວຍເລີ່ມຟື້ນຕົວຂຶ້ນໂດຍບໍ່ມີບັນຫາແຊກຊ້ອນໃດໆຕັ້ງແຕ່ວັນທີ່ນາງເລີ່ມມີສະຕິຂຶ້ນມາ ນາງຮູ້ສຶກຕົວເປັນປົກກະຕິ ແລະ ບໍ່ມີບັນຫາໃນການສື່ສານ ແຕ່ນາງຍັງຕ້ອງຮັກສາໄຕ ແລະ ຟື້ນຟູການທຳງານຂອງແຂນ ແລະ ຂາ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: news.mthai.com