ວິທະຍາໄລເຕັກນິກກະສິກໍາດົງຄໍາຊ້າງ ແຈ້ງການສັກຢາວັກຊິນ ແລະ ຢາປ້ອງກັນພະຍາດກາຝາກໝາ-ແມວ ໂດຍບໍ່ເສຍຄ່າໃຊ້ຈ່າຍໃດໆ ໃນວັນທີ 16 ມັງກອນ 2019, ທີ່ວິທະຍາໄລເຕັກນິກກະສິກໍາດົງຄໍາຊ້າງ.
ຜູ້ອໍານວຍການວິທະຍາໄລເຕັກນິກກະສິກໍາດົງຄໍາຊ້າງ ແຈ້ງການ ວັນທີ 7 ມັງກອນ 2019, ເຖິງບັນດາຜູ້ທີ່ມີສັດລ້ຽງປະເພດໝາ-ແມວ ວ່າ: ວິທະຍາໄລເຕັກນິກກະສິກໍາດົງຄໍາຊ້າງ ແລະ ນັກສຶກສາສັດຕະວະແພດອາສາສະໝັກຈາກມະຫາວິທະຍາໄລຄອນກຸກ ສສ ເກົາຫຼີ ຈະເປີດບໍລິການສັກວັກຊິນ, ຢາປ້ອງກັນ ແລະ ປິ່ນປົວພະຍາດກາຝາກໃຫ້ກັບໝາ-ແມວຄື: ສັກຢາປ້ອງກັນພະຍາດວໍ້, ວັກຊິນລວມ(DHPPL), ສັກປ້ອງກັນແລະປິ່ນປົວພະຍາດກາຝາກ (ທັງພາຍໃນແລະພາຍນອກ) ທີ່ວິທະຍາໄລເຕັກນິກກະສິກໍາດົງຄໍາຊ້າງ ໂດຍບໍ່ເສຍຄ່າໃຊ້ຈ່າຍໃດໆ ເຊິ່ງຈະເລີ່ມແຕ່ເວລາ 7:30-17:30 ຂອງວັນທີ 16 ມັງກອນ 2019.
ຖ້າຫາກຜູ້ທີ່ມີສັດລ້ຽງປະເພດໝາ-ແມວ ທີ່ມີຄວາມສົນໃຈຢາກສັກວັກຊິນ, ຢາປ້ອງກັນ ແລະ ປິ່ນປົວພະຍາດກາຝາກໃຫ້ແກ່ສັດລ້ຽງຂອງຕົນ ສາມາດນໍາເອົາໝາ-ແມວຂອງທ່ານມາສັກໄດ້ຕາມວັນ ແລະ ເວລາທີ່ກໍານົດໄວ້ ຢໍ້າ! ບໍ່ມີຄ່າໃຊ້ຈ່າຍໃດໆ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: ວິທະຍາໄລເຕັກນິກກະສິກໍາດົງຄໍາຊ້າງ