ລັດວິສາຫະກິດລົດເມນະຄອນຫຼວງວຽງຈັນ ໄດ້ບັນລຸຂໍ້ຕົກລົງກັບມະຫາວິທະຍາໄລແຫ່ງຊາດ ໃນການນຳໃຊ້ບັດລົດເມ
ສາທາລະນະ ຕາມສາຍທາງໃນທົ່ວນະຄອນຫຼວງ ເພື່ອຫຼຸດຜ່ອນບັນຫາລົດຕິດໃນຊົ່ວໂມງເລັ່ງດ່ວນ ໂດຍລາຄາເບື້ອງຕົ້ນ
ຢູ່ລະຫວ່າງ 4 ແສນກີບຕໍ່ຄົນຕໍ່ປີ.
ພິທີເຊັນສັນຍາດັ່ງກ່າວໄດ້ ຈັດຂຶ້ນວັນທີ 24 ກັນຍາ 2014 ນີ້ທີ່ມະຫາວິທະຍາໄລແຫ່ງຊາດ ລະຫວ່າງທ່ານ ຄຳພູນ ເຕເມ
ຣາດ ອຳນວຍການລັດວິສາຫະກິດລົດເມນະຄອນຫຼວງວຽງຈັນ ແລະ ທ່ານ ຮສຈ.ດຣ. ສາຍຂອງ ສາຍນາສິນ ຮອງອະທິ
ການບໍດີ ມະຫາວິທະຍາໄລແຫ່ງຊາດ ທ່ານ ພັນຊະນະ ຄຸນນຸວົງ ຮອງຜູ້ອຳນວຍການ ທະນາຄານການຄ້າຕ່າງປະເທດລາວ
ມະຫາຊົນ ກັບທ່ານ Toshinori TODA ຜູ້ຕາງໜ້າອົງການໄຈກາ ປະຈຳ ລາວ ໂດຍເຂົ້າຮ່ວມເປັນສັກຂີພິຍານຂອງທ່ານ
ສຈ.ດຣ. ສຸກກົງແສງ ໄຊຍະເລີດ ອະທິການບໍດີມະຫາວິທະຍາໄລແຫ່ງຊາດ ທ່ານ ແກ້ວພິລາວັນ ອາໄພລາດ ຮອງເຈົ້າ
ຄອງນະຄອນຫຼວງວຽງຈັນ ພ້ອມດ້ວຍບັນດາຄູອາຈານໃນ ມຊ ແລະ ພາກສ່ວນທີ່ກ່ຽວຂ້ອງ.
ທ່ານ ແກ້ວພິລາວັນ ອາໄພລາດ ກ່າວວ່າ: ປັດຈຸບັນ ບັນຫາລົດຕິດໃນຊົ່ວໂມງເລັ່ງດ່ວນ ໃນນະຄອນຫຼວງວຽງຈັນ ມີສະຖິ
ຕິເພີ່ມຂຶ້ນທຸກໆປີ ການນຳໃຊ້ບັດດັ່ງກ່າວຈະເປັນການເລີ່ມທົດລອງບໍລິການລົດເມໃນເບື້ອງຕົ້ນ ລະຫວ່າງເດືອນຕຸລາ-
ພະຈິກ 2014 ຕາມ 12 ສາຍທາງ ນັບຈາກສະຖານີລົດຕະຫຼາດເຊົ້າໄປຫາດົງໂດກ (ມຊ)-ທ່າງ່ອນ ສະຖານີລົດເມສາຍ
ເໜືອ ສະຖານີລົດເມສາຍໃຕ້ ຂົວມິດຕະພາບ ແລະ ສະຖານີອຶ່ນໆອີກໄດ້ທຸກເວລາ.
ສຳລັບລາຍລະອຽດຂອງການລົງທະບຽນ ແມ່ນນັກສຶກສາສາມາດສອບຖາມຂໍ້ມູນລະອຽດນຳມະຫາວິທະຍາໄລແຫ່ງຊາດ
ຫຼື ລັດວິສາຫະກິດລົດເມນະຄອນຫຼວງວຽງຈັນໄດ້ ເຊິ່ງຄາດວ່າບັດດັ່ງກ່າວ ນອກຈາກຈະເປັນການປະຢັດເງິນແລ້ວ ຍັງສາ
ມາດອຳນວຍຄວາມສະດວກແກ່ການໄປມາຂອງນັກສຶກສາໄດ້ດີອີກດ້ວຍ.
ແຫລ່ງຂ່າວ: ວຽງຈັນໃໝ່