ໃນວັນທີ 3 ມັງກອນ 2019, ຊຽງໄຮອິສ ເຜີຍແຜ່ວີດີໂອຜູ້ຍິງຄົນໜຶ່ງທີ່ຝ່າຝືນກົດສໍາຄັນຂອງການໂດຍສານລົດໄຟ ຫຼັງຈາກນໍາຖົ່ວລຽນເຂົ້າໄປໃນສະຖານີລົດໄຟໃນເມືອງ ຊູໂຈ ມົນທົນເຈີ້ຈຽງ ປະເທດຈີນ ເມື່ອຖືກເຈົ້າໜ້າທີ່ກັກບໍ່ໃຫ້ນຳຖົ່ວລຽນດັ່ງກ່າວຂື້ນລົດໄຟ ຈື່ງຕ້ອງຟ້າວຕັດສິນໃຈກິນໃຫ້ໝົດ ໂດຍໃຊ້ເລື່ອຍເປັນອາວຸດປອກເປືອກ. ເຫດການດັ່ງກ່າວ, ເກີດຂຶ້ນໃນວັນທີ 29 ທັນວາ 2018 ຜ່ານມາ.
ໂດຍລາຍງານລະບຸວ່າ ພະນັກງານຮັກສາຄວາມປອດໄພຢູ່ໜ້າທາງເຂົ້າສະຖານີລົດໄຟ ບໍ່ອະນຸຍາດໃຫ້ຜູ້ໂດຍສານຄົນດັ່ງກ່າວ, ເອົາຖົ່ວລຽນເຂົ້າໄປ ເພາະກິ່ນເໝັນຈະເຂົ້າໄປໃນ ດ້ວຍເຫດນີ້, ຈໍາເປັນຕ້ອງເລືອກວ່າຈະຖີ້ມ ຫຼື ກິນກ່ອນຈະຂຶ້ນລົດໄຟ. ຍິງຄົນນີ້, ຕັດສິນເລືອກທີ່ຈະກິນ ຈຶ່ງໄປຍືມເລື່ອຍມາປອກເປືອກຖົ່ວລຽນອອກ ຈາກນັ້ນ, ກໍ່ລົງມືກິນໂດຍໄວ.
ຕາມການລາຍງານ ບອກຕື່ມວ່າ ລາວບໍ່ໄດ້ເປັນນັກເດີນທາງຄົນທໍາອິດທີ່ເອົາຖົ່ວລຽນຂຶ້ນໃນຂະບວນລົດໄຟໃນ ຈີນ ຍ້ອນກັບໄປປີ 2016, ທີ່ສະຖານີລົດໄຟ ມົນທົນລານອຸ໋ຍ ກໍມີຜູ້ຍິງຄົນໜຶ່ງກິນຖົ່ວລຽນດ້ວຍນໍ້າໜັກ 5 ກິໂລກຣາມ ຈົນເລືອດດັງອອກ ແລະ ຕ້ອງຍຸດກິນເມື່ອໃກ້ເວລາທີ່ລົດໄຟກຽມຈະອອກເດີນທາງ, ຕໍ່ມາປີ 2017, ທີ່ສະຖານີລົດໄຟ ມົນທົນເສຊວນ ຜູ້ຍິງກິນຖົ່ວລຽນ 2 ໝາກ ຕໍ່ໜ້າດ່ານກວດ ຫຼັງຖືກຫ້າມນໍາເຂົ້າໄປໃນສະຖານີເຊັ່ນກັນ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: khaosod.co.th
ຮູບພາບຈາກ: shanghai.ist