ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ຜ່ານມະຕິໃຫ້ທຸກປະເທດ ສະກັດກັ້ນບໍ່ໃຫ້ນັກຮົບຕິດອາວຸດຕ່າງຊາດ
ເຂົ້າສູ່ອີຣັກ ແລະ ຊີເຣຍ.
ສຳນັກຂ່າວຕ່າງປະເທດລາຍງານ ໃນວັນທີ 25 ກັນຍານີ້ວ່າ ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC)
ໄດ້ເປີດກອງປະຊຸມວາລະພິເສດ ເມື່ອວັນພຸດທີ 24 ກັນຍາ 2014 ຜ່ານມາ ໂດຍມີປະທານາທິບໍດີ ບາຣັກ ໂອບາມາ ແຫ່ງ
ສະຫະລັດອາເມຣິກາ ເປັນປະທານກອງປະຊຸມ ໄດ້ລົງຄະແນນສຽງຢ່າງເປັນເອກະສັນກັນ ຜ່ານມະຕິສະກັດກັ້ນການໄຫລ
ຂອງນັກຮົບຕິດອາວຸດຕ່າງຊາດ ເຂົ້າສູ່ປະເທດອີຣັກ ແລະ ຊີເຣຍ.
ມະຕິດັ່ງກ່າວ ຕ້ອງການໃຫ້ທຸກໆປະເທດ ອອກກົດໝາຍກຳນົດໃຫ້ການທີ່ພົນລະເມືອງຂອງປະເທດຕົນເອງ ໄປເຂົ້າ
ຮ່ວມກັບກຸ່ມຕິດອາວຸດ ຢ່າງເຊັ່ນກຸ່ມ IS ແລະ ອື່ນໆ ແມ່ນຖືເປັນຄວາມຜິດທາງອາຍາຮ້າຍແຮງ ເຊິ່ງໂອບາມາກ່າວ
ວ່າ ມະຕິນີ້ຖືເປັນເຫດການສຳຄັນໃນປະຫວັດສາດ.
ການປະຊຸມວາລະພິເສດດັ່ງກ່າວ ເກີດຂຶ້ນນັບວ່າເປັນຄັ້ງທີ 6 ໃນປະຫວັດສາດຂອງຄະນະມົນຕີຄວາມໝັ້ນຄົງແຫ່ງ
ສະຫະປະຊາຊາດ ທີ່ເປັນການປະຊຸມລະດັບຜູ້ນຳປະເທດ ໂດຍໂອບາມາກ່າວເປີດກອງປະຊຸມດ້ວຍການສະແດງຄວາມ
ເປັນນ້ຳໜຶ່ງໃຈດຽວກັນກັບຝຣັ່ງເສດ ຫລັງຈາກຮູ້ຂ່າວວ່າ ຕົວປະກັນຊາວຝຣັ່ງເສດໃນອານເຊລີ ຖືກກຸ່ມຕິດອາວຸດ
ທີ່ພັກດີກັບກຸ່ມ IS ຂ້າຕັດຄໍ.
ທັງນີ້ ຕາມຂໍ້ມູນຂອງໜ່ວຍການຂ່າວສະຫະລັດ ປັດຈຸບັນມີນັກຮົບຕ່າງຊາດຈຳນວນກ່ວາ 15,000 ຄົນ ຈາກ 80 ປະ
ເທດ ເຂົ້າຮ່ວມກັບກຸ່ມຕິດອາວຸດໃນປະເທດຊີເຣຍ.