spot_img
Homeຂ່າວຕ່າງປະເທດບໍລິສັດຈີນ ໂຄຣນນີ່ງ (Cloning) ໝາ ໂດຍຝາກເຊວໄວ້ທ້ອງໝາພັນອື່ນ

ບໍລິສັດຈີນ ໂຄຣນນີ່ງ (Cloning) ໝາ ໂດຍຝາກເຊວໄວ້ທ້ອງໝາພັນອື່ນ

Published on

ຈູສ ເປັນໝາທີ່ມີຊື່ສຽງໂດ່ງດັງຈາກການສະແດງໃນຮູບເງົາ ແລະ ລະຄອນຫຼາຍສິບເລື່ອງຂອງ ຈີນ. ເຈົ້າຂອງ ມັນຕ້ອງການຢາກໃຫ້ໝາມີລັກສະນະຄືກັບ ຈູສ ແຕ່ມັນຖືກຕັດຕອນຕັ້ງແຕ່ນ້ອຍ ບໍ່ສາມາດສືບພັນໄດ້ ເຮັດໃຫ້ເຈົ້າຂອງໝາຕ້ອງອາໃສບໍລິສັດໂຄລນນິ່ງ (Cloning) ເຮັດສໍາເນົາກຳມະພັນ ສາມາດສ້າງສັດໃຫ້ຄືກັບຕົ້ນແບບກຳມະພັນໄດ້. ເຕັກໂນໂລຊີທາງກໍາມະພັນ ເຮັດໃຫ້ໝາເຫຼົ່ານີ້ມີລັກສະນະຄືກັນ. ກ່ອນຈະເປັນໝາທີ່ໂດ່ງດັງໃນສື່ຂອງຈີນ ຈູສ ເຄີຍເປັນໝາພັນລາດ ອາໄສຢູ່ຕາມທ້ອງຖະໜົນມາກ່ອນ.

ເຫີ ຈວິນ ເຈົ້າຂອງ ແລະ ຜູ້ເຝິກສອນຂອງ ຈູສ ເວົ້າວ່າ: “ຈູສ ໄດ້ສະແດງໃນຮູບເງົາ ແລະ ລະຄອນມາຫຼາຍເລື່ອງ ມີຜູ້ຊື່ນຊົມຈໍານວນຫຼາຍ ມັນເປັນສ່ວນໜຶ່ງຂອງຊັບສິນທາງປັນຍາທີ່ມີອິດທິດພົນທາງສັງຄົມ ຈິ່ງຢາກຮັກສາຮູບຮ່າງລັກສະນະຂອງມັນໄວ້ຕໍ່ໄປ ແຕ່ ຈູສ ຖືກຕັດຕອນມາຕັ້ງແຕ່ນ້ອຍ ບໍ່ສາມາດສືບພັນໄດ້ ເຮັດໃຫ້ Sinogene ບໍລິສັດ Cloning ຕ້ອງເຂົ້າມາຊ່ວຍດ້ວຍເງິນ 50 ພັນໂດລາສະຫະລັດ”. ພວກເຂົາສາມາດ Cloning ດ້ວຍເຊວຈາກທ້ອງຂອງມັນ ໂດຍພວກເຂົາໄດ້ໃຊ້ເຊວຕົວຢ່າງໃນການພັດທະນາເປັນໂຕອ່ອນ ເຊິ່ງຖືກຝັງລົງໃນທ້ອງໝາແມ່ບຸນທໍາ, ໃນໄລຍະເວລາ 2-3 ເດືອນຕໍ່ມາ ລິຕເຕີ້ລ ຈູສ ກໍໄດ້ເກີດອອກມາ. ເຫີ ຈວິນ ບອກຕື່ມວ່າ: “ເຮົາເຊື່ອວ່າມັນຈະສະແດງໄດ້ດີກວ່າ ຈູສ, ໝູ່ຂອງຂ້ອຍຕ່າງບອກວ່າ ນີ້ຄືໝາທີ່ແພງທີ່ສຸດ ເຮົາຕ້ອງເອົາໃຈໃສ່ເບິ່ງແຍງມັນຫຼາຍກວ່າໝາໂຕອື່ນ ເຊິ່ງໃນອະນາຄົດ Sinogene ຕ້ອງການຕັດຕໍ່ພັນທຸກໍາ ເພື່ອປ່ຽນແປງລັກສະນະຂອງສັດ”.

ຈີນມີອຸດສາຫະກໍາເຕັກໂນໂລຊີ ຊີວະພາບທີ່ກ້າວໜ້າ ແຕ່ຍັງມີການຖົກຖຽງກັນຫຼາຍບັນຫາຢູ່ ໂດຍໃນເດືອນ ພະຈິກ 2018 ຜ່ານມາ ມີນັກວິທະຍາສາດຄົນໜຶ່ງໃນ ເຊິນເຈິ້ນ ອ້າງວ່າໄດ້ຕັດຕໍ່ກໍາມະພັນເດັກນ້ອຍ ເຊິ່ງເປັນຜົນງານຂອງ ເຮີ່ ຈ້ຽນຂຸຍ ກໍໄດ້ຖືກໂຈມຕີວ່າຜິດກົດໝາຍ ລະເມີດຈະລິຍະທໍາ ແລະ ບໍ່ຜ່ານການກວດສອບທາງວິທະຍາສາດ.

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນ, ຮູບພາບຈາກ: bbc.com

ບົດຄວາມຫຼ້າສຸດ

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...