ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດຕັ້ງແຕ່ວັນທີ 31 ທັນວາ 2018 – 06 ມັງກອນ 2019 ວ່າ ຄວາມກົດດັນຂອງອາກາດໜາວເຢັນຈາກປະເທດຈີນຍັງຈະສືບຕໍ່ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງແຮງ, ສົມທົບກັບກະແສລົມຕາເວັນອອກ – ຕາເວັນອອກສຽງເໜືອພັດປົກຄຸມເປັນສ່ວນໃຫຍ່ ເຮັດໃຫ້ອຸນຫະພູມອາກາດຫຼຸດລົງ 2-4 ອົງສາ ແລະ ອາກາດຈະໜາວເຢັນຫາໜາວເຢັນຫຼາຍຢູ່ແຂວງພາກເໜືອ, ເຂດພູສູງ, ຮ່ອມພູແຂວງ ໄຊສົມບູນ ແລະ ເຂດພູພຽງບໍລິເວນ ພ້ອມມີໝອກໜາປົກຫຸ້ມຢູ່ບາງທ້ອງຖິ່ນ, ສະເພາະຢູ່ແຂວງພາກກາງ ແລະ ພາກໃຕ້ ອາກາດຍັງຈະເຢັນຫາໜາວເຢັນ ແລະ ຍັງຈະມີລົມພັດແຮງບາງໂອກາດ. ຈາກນັ້ນ, ວັນທີ 03-06 ມັງກອນ 2019 ຄວາມກົດດັນອາກາດສູງຈາກປະເທດຈີນຈະມີກຳລັງອ່ອນລົງເລັກໜ້ອຍ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ. ສົມທົບກັບກະແສລົມຕາເວັນອອກສຽງເໜືອຍັງສືບຕໍ່ພັດປົກຄຸມ, ຈະເຮັດໃຫ້ມີຝົນຕົກໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ ແລະ ອຸນຫະພູມຈະສູງຂຶ້ນ 1 – 2 ອົງສາ ພ້ອມຈະມີລົມພັດແຮງເປັນບາງໂອກາດ.
ພາກເໜືອດ້ານຕາເວັນອອກ: ໄລຍະວັນທີ 31 ທັນວາ 2018 ຫາ ວັນທີ 02 ມັງກອນ 2019 ອາກາດຍັງໜາວເຢັນຫຼາຍ ພ້ອມມີໝອກບາງປົກຄຸມຢູ່ທົ່ວໄປ ແລະ ມີໝອກໜາປົກຫຸ້ມເຂດພູສູງ, ຮ່ອມພູ ພ້ອມມີລົມພັດແຮງຢູ່ບາງທ້ອງຖິ່ນ. ຈາກນັ້ນວັນທີ 03 -06 ມັງກອນ 2019 ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງ ຜົ້ງສາລີ, ຫົວພັນ ແລະ ຊຽງຂວາງ.
ພາກເໜືອດ້ານຕາເວັນຕົກ: ໄລຍະວັນທີ 31 ທັນວາ 2018 ຫາ ວັນທີ 02 ມັງກອນ 2019 ອາກາດຍັງໜາວເຢັນພ້ອມມີໝອກບາງປົກຄຸມຢູ່ທົ່ວໄປ ແລະ ມີໝອກໜາປົກຫຸ້ມເຂດພູສູງ, ຮ່ອມພູ. ຈາກນັ້ນວັນທີ 03 -06 ມັງກອນ 2019 ອຸນຫະພູມອາກາດຈະໜາວເຢັນຕື່ມອີກ ແລະ ຈະມີຝົນຕົກຄ່ອຍ ພ້ອມມີລົມພັດແຮງເປັນບາງໂອກາດ.
ພາກກາງ: ໄລຍະວັນທີ 31 ທັນວາ 2018 ຫາ ວັນທີ 02 ມັງກອນ 2019 ອາກາດຍັງໜາວເຢັນ ພ້ອມມີໝອກບາງປົກຫຸ້ມໃນຕອນເຊົ້າ. ຈາກນັ້ນວັນທີ 03 -06 ມັງກອນ 2019 ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງ ວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ ແລະ ອາກາດຈະອຸ່ນຂຶ້ນເລັກນ້ອຍ.
ສະເພາະແຂວງ ໄຊສົບູນ, ເຂດຫຼັກ 20, ເມືອງ ວຽງທອງ ແລະ ເມືອງ ນາກາຍ: ໄລຍະວັນທີ 31 ທັນວາ 2018 ຫາ ວັນທີ 02 ມັງກອນ 2019 ອາກາດຍັງໜາວເຢັນຫຼາຍ ພ້ອມມີໝອກໜາປົກຫຸ້ມໃນຕອນເຊົ້າ. ຈາກນັ້ນວັນທີ 03 -06 ມັງກອນ 2019 ອາກາດຍັງຈະໜາວເຢັນ ແລະ ມີຝົນຕົກກະຈາຍພ້ອມມີຝົນຕົກແຮງຢູ່ບາງບໍລິເວນ.
ພາກໃຕ້: ໄລຍະວັນທີ 31 ທັນວາ 2018 ຫາ ວັນທີ 02 ມັງກອນ 2019 ອາກາດຍັງໜາວເຢັນ ພ້ອມມີໝອກບາງປົກຫຸ້ມໃນຕອນເຊົ້າ. ຈາກນັ້ນວັນທີ 03 -06 ມັງກອນ 2019 ອຸນຫະພູມອາກາດຈະສູງຂຶ້ນ 1-2 ອົງສາ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນໃນແຂວງ ຈຳປາສັກ, ສາລະວັນ, ເຊກອງ ແລະ ອັດຕະປື.
ນະຄອນຫຼວງວຽງຈັນ: ໄລຍະວັນທີ 31 ທັນວາ 2018 ຫາ ວັນທີ 02 ມັງກອນ 2019 ອາກາດຍັງໜາວເຢັນ ພ້ອມມີໝອກບາງປົກຫຸ້ມໃນຕອນເຊົ້າ. ຈາກນັ້ນວັນທີ 03 -06 ມັງກອນ 2019 ອາກາດຈະເຢັນ ແລະ ອຸນຫະພູມຈະສູງຂຶ້ນ 1-2 ອົງສາ ພ້ອມຈະມີຝົນຕົກກະຈາຍຢູ່ບາງບໍລິເວນ ແລະ ມີລົມພັດແຮງເປັນບາງໂອກາດ.
ຄຳເຕືອນ: ໄລຍະວັນທີ 31 ທັນວາ 2018 ຫາ ວັນທີ 02 ມັງກອນ 2019 ຄວາມກົດດັນຂອງອາກາດໜາວເຢັນຈາກປະເທດຈີນຍັງຈະສືບຕໍ່ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງແຮງ, ສົມທົບກັບກະແສລົມຕາເວັນອອກ – ຕາເວັນອອກສຽງເໜືອພັດປົກຄຸມເປັນສ່ວນໃຫຍ່ ຈະເຮັດໃຫ້ອຸນຫະພູມອາກາດຫຼຸດລົງ 2-4 ອົງສາ ແລະ ອາກາດຍັງຈະໜາວເຢັນຫາໜາວຫຼາຍຢູ່ແຂວງພາກເໜືອ, ເຂດພູສູງ, ຮ່ອມພູແຂວງ ໄຊສົມບູນ ແລະ ເຂດພູພຽງບໍລິເວນ ພ້ອມມີໝອກໜາປົກຫຸ້ມຢູ່ບາງທ້ອງຖິ່ນ, ສະເພາະຢູ່ແຂວງພາກກາງ ແລະ ພາກໃຕ້ ອາກາດຍັງຈະເຢັນ ແລະ ຍັງຈະມີລົມພັດແຮງບາງໂອກາດ. ດັ່ງນັ້ນ, ຈິ່ງເຕືອນເຖິງປະຊາຊົນບັນດາເຜົ່າໂດຍສະເພາະຜູ້ເຖົ້າ ແລະ ເດັກນ້ອຍ ໃຫ້ເອົໃຈໃສ່ນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໝີ ແລະ ໃຫ້ມີສະຕິໃນການສັນຈອນໂດຍສະພາະຜູ້ທີ່ຈະເດີນທາງໄປເຂດພາກເໜືອ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ