ປີ 2018 ນັບເປັນອີກ 1 ປີ ທີ່ມີຄວາມເປັນເລີດທາງດ້ານນະວັດຕະກໍາເຕັກໂນໂລຊີ ທີ່ເປັນອັນດັບຕົ້ນໆໂດດເດັ່ນ ເຊິ່ງຕ້ອງເລີ່ມຈາກທີມວິໄຈຈາກ ສະຖາບັນເຕັກໂນໂລຊີ ແມສຊາຊູເຊັດ ໃນສະຫະລັດອາເມລິກາ ໄດ້ສ້າງເຄື່ອງບິນຕົ້ນແບບທີ່ບໍ່ມີເຄື່ອງຍົນອາຍພົ່ນ ແລະ ໃບພັດ ໂດຍໃຊ້ພະລັງງານຈາກ ໄອອໍນິກ (Ionic Wind) ສໍາລັບການບິນຜ່ານອາກາດໄດ້ດົນພໍສົມຄວນ ຖືເປັນການເປີດປະຕູສູ່ການພັດທະນາຂອງແວດວົງການບິນທີ່ໜ້າຈັບຕາ.
ດ້ານທີມວິສະວະກອນ ຈາກມະຫາວິທະຍາໄລ ເພນຊິລເວເນຍ ສະເຕດ ກໍ່ໄດ້ສ້າງແບັດເຕີຣີ ທີ່ເກີດຄວາມຮ້ອນດ້ວຍຕົນເອງ, ສາມາດສາກພະລັງງານດ້ວຍຕົນເອງໄດ້ຢ່າງວ່ອງໄວໃນທຸກສະພາບອາກາດ, ສາມາດນໍາໄປໃຊ້ກັບນະວັດຕະກໍາລົດໄຟຟ້າ; ສ່ວນສະຖາບັນຄອມພີວເຕີດ້ານຄວອນຕໍາ ມະຫາວິທະຍາໄລ ວໍເຕີລູ ຮ່ວມກັບ IBM ໄດ້ພິສູດຈົນຂໍ້ໄດ້ປຽບຂອງຄອມພິວເຕີ ເຮັດໃຫ້ແຂງແກ່ນທຽບເທົ່າກັບໂລຫະປະສົມໄທທານຽມ ແຕ່ມີນໍ້າໜັກເບົາ ແລະ ລາຄາຖືກກວ່າ; ດ້ານທີມວິສະວະກອນຈາກສະຖາບັນ ແຄລເທັກ (CalTech) ກໍພັດທະນາ ໂດຣນ ເພື່ອໄວ້ແກ້ບັນຫາຝູງນົກຫຼາຍຮ້ອຍໂຕໃຫ້ຢູ່ຫ່າງຈາກສະໜາມບິນ.
ນອກນັ້ນ, ທີມນັກວິໄຈ ຈາກສະຖານບັນ ເຕັກໂນໂລຊີ ເມລເບີນ ໃນອົດສະຕຣາລີ ໄດ້ພັດທະນາແບບອັກສອນພິມ ເພື່ອຊ່ວຍໃຫ້ມະນຸດຈື່ຈໍາສິ່ງທີ່ອ່ານໄດ້ດີຂຶ້ນ ແລະ ວິໄຈໂປຣຕອນ ແບັດເຕີລີທີ່ສາກໃໝ່ໄດ້ ແລະ ເກັບພະລັງງານໄດ້ຫຼາຍກວ່າແບັດເຕີລີ ຣຽມໄອອອນ ເຊິ່ງຈະປ່ຽນວິທີການໃຊ້ງານກັບອຸປະກອນຕ່າງໆ ທັງເປັນມິດກັບສິ່ງແວດລ້ອມ.
ທີມນັກວິໄຈຂອງ ກູເກີລ ກໍໄດ້ສ້າງປັດຊະຍາ ທໍານາຍໂລກຫົວໃຈຈາກຫຼອດເລືອດຈໍປະສາດຕ ໄດ້ຢ່າງກົງຈຸດກວ່າການກວດເລືອດເຖິງ 70%; ທີມມະຫາວິທະຍາໄລ ຄາລິຟໍເນຍ ເດວິສ ກໍພັດທະນາເຄື່ອງມືກວດສອບຂ່າວລືຜ່ານທາງມີເດຍອອນລາຍ; ສ່ວນວິສະວະກອນຈາກ ມະຫາວິທະຍາໄລ ວໍຊິງຕັນ ໄດ້ສ້າງຫຸ້ນຍົນ-ຍົນແມງໄມ້ບິນໄຮ້ສາຍເປັນໂຕທໍາອິດ. ທັງນີ້, ຍັງມີຜົນງານສຸດຍອດຈາກຫຼາຍສະຖາບັນການສຶກສາວິໄຈ ເຊິ່ງຈະຊ່ວຍມະນຸດເບິ່ງເຫັນທິດທາງການປັດຕົວເພື່ອກ້າວທັນຍຸກໃໝ່.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: thairath.co.th