ສໍານັກຂ່າວຕ່າງປະເທດລາຍງານຈາກ ນະຄອນຫຼວງອາບູດາບີ ປະເທດສະຫະລັດອາລັບເອມິເຣຕສ์ (UAE) ໃນວັນທີ 28 ທັນວາ ວ່າ ກະຊວງການຕ່າງປະເທດ UAE ອອກຖະແຫຼງການມື້ວານນີ້ ກ່ຽວກັບຄວາມຍິນດີທີ່ໄດ້ກັບມາສານຕໍ່ຄວາມສໍາພັນທາງການທູດ ກັບ ດາມັສກັສ ອີກຄັ້ງ ແລະ ຫວັງເປັນການຟື້ນຟູຄວາມສໍາພັນທີ່ຍິ່ງໃຫຍ່ ໃນລະດັບທະວີບພະຄີໃນຄັ້ງນີ້ ຈະຊ່ວຍຍົກລະດັບບົດບາດຂອງ ຊີຣີ ໂດຍສະເພາະດ້ານການຮັກສາອະທິປະໄຕ ແລະ ປົກປ້ອງບູລະນະພາບແຫ່ງດິນແດນ ເພື່ອປ້ອງກັນຄວາມສ່ຽງຈາກການແຊກແຊງພາຍໃນພູມມີພາກ.
ທັງນີ້, UAE ໄດ້ລະງັບຄວາມສໍາພັນທາງການທູດກັບ ຊີຣີ ໃນເດືອນ ກຸມພາ 2012 ຫຼື ເກືອບ 1 ປີເກີດສົງຄາມກາງເມືອງໃນຊີຣີ. ແນວໃດກໍຕາມກະແສຂ່າວເລື່ອງການກັບມາເປີດສະຖານທູດ ຂອງ UAE ແຜ່ໄປທົ່ວນະຄອນຫຼວງ ດາມັສກັສ ເມື່ອມີເຈົ້າໜ້າທີ່ເຂົ້າໄປກວດສອບສະຖານທີ່ ແລະ ມີການສ້ອມແປງເກີດຂຶ້ນເມື່ອບໍ່ດົນມານີ້. ຂະນະດຽວກັນ ອັນວາຣ ກາຣກາດ ລັດຖະມົນຕີກະຊວງການຕ່າງປະເທດ UAE ກ່າວວ່າ: ລັດຖະບານ ອາບູດາບີ ຈະສະເໜີເລື່ອງສັນນິບາດອາລັບ ໃຫ້ຍົກເລີກການລະງັບສະຖານະພາບສະມາຊິກຂອງ ຊີຣີ ຕັ້ງແຕ່ຕອນຕົ້ນສົງຄາມ ຫຼັງປະທານາທິບໍດີ ໂອມາຣ ອັລ-ບາຊີ ຜູ້ນໍາຊູດານ ມາຍາມນະຄອນຫຼວງ ດາມັສກັສ ໃນຕົ້ນເດືອນຜ່ານມາ.
#UAE re-opens #Damascus embassy in another win for the resistance#Syria pic.twitter.com/1VYExxX13M
— Press TV (@PressTV) December 27, 2018
ພ້ອມນັ້ນ, ອາເມລິກາ ກໍກຽມຖອນທະຫານທັງໝົດປະມານ 2.000 ນາຍ ອອກຈາກ ຊີຣີ ເຊິ່ງເປັນການສົ່ງສັນຍານເປີດທາງໃຫ້ ຕັວກກີ ໃນການປາບປາມກອງກໍາລັງນັກຮົບໃນພາກເໜືອຂອງ ຊີຣີ ແລະ ເຜີຍວ່າ ຊາອຸດີອາຣະເບຍ ຕົກລົງມອບຄວາມສະໜູນດ້ານການເງິນທີ່ຈໍາເປັນ ຟື້ນຟູ ຊີຣີ ເພື່ອແບ່ງເບົາພາລະຂອງອາເມລິກາ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: dailynews.co.th