ທາງການ ອັງກິດ ກຽມສັ່ງຫ້າມຂາຍລູກໝາ-ແມວໃນຮ້ານສັດລ້ຽງທົ່ວປະເທດ ພາຍໃຕ້ຄວາມພະຍາຍາມທີ່ຈະຈັດການກັບການສະແຫວງຫາຜົນປະໂຫຍດ ແລະ ການທໍລະມານສັດ ໂດຍ ລັດຖະບານ ອັງກິດ ປະກາດວ່າ ຈະເລີ່ມບັງຄັບໃຊ້ກົດໝາຍດັ່ງກ່າວໃນຕົ້ນປີໜ້າ ຫຼັງຈາກການປະຊາມະຕິສະຫຼຸບວ່າ 95% ໄດ້ໃຫ້ການສະໜັບສະໜູນໃນການດໍາເນີນການດັ່ງກ່າວ.
ລັດຖະບານ ອັງກິດ ກ່າວວ່າ: “ກົດໝາຍໃໝ່ ຈະຊ່ວຍຢຸດຕິສະພາບຄວາມເປັນຢູ່ທີ່ຊຸດໂຊມຂອງສັດໃນຟາມເພາະລ້ຽງ ແລະ ຈະຊ່ວຍແກ້ໄຂບັນຫາດ້ານຄວາມເປັນຢູ່ຂອງສັດທີ່ມີຢູ່ດ້ວຍ ເພາະ ລັດຖະບານ ເຊື່ອວ່າການອອກກົດໝາຍດັ່ງກ່າວ, ຈະຊ່ວຍຫຼຸດພາວະການເພາະລ້ຽງແຜ່ພັນສັດດ້ວຍຄຸນນະພາບທັງທີ່ມີ ແລະ ບໍ່ມີໃບອະນຸຍາດ”.
ດ້ານກະຊວງ ສິ່ງແວດລ້ອມ ອາຫານ ແລະ ຊົນນະບົດ ອັງກິດ ໄດ້ລະບຸວ່າ: “ພາຍໃຕ້ກົດໝາຍດັ່ງກ່າວ, ຜູ້ທີ່ຕ້ອງການຈະຊື້ ຫຼື ລ້ຽງລູກໝາ-ແມວທີ່ມີອາຍຸຕໍ່າກວ່າ 6 ເດືອນ ຈະຕ້ອງໄປຕິດຕໍ່ກັບຟາມເພາະລ້ຽງ ຫຼື ໜ່ວຍງານທີ່ຫາບ້ານຫຼັງທີ່ສອງໃຫ້ສັດໂດຍກົງ”.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: matichon.co.th