spot_img
Homeຂ່າວທ້ອງຖິ່ນ8 ແຜນພັດທະນາປີ 2019 ແລະ ຫ້າມຕັດ-ເກັບເງິນເດືອນພະນັກງານເພື່ອໃຊ້ວັນສໍາຄັນຕ່າງໆເລີ່ມ 2019 ເປັນຕົ້ນໄປ

8 ແຜນພັດທະນາປີ 2019 ແລະ ຫ້າມຕັດ-ເກັບເງິນເດືອນພະນັກງານເພື່ອໃຊ້ວັນສໍາຄັນຕ່າງໆເລີ່ມ 2019 ເປັນຕົ້ນໄປ

Published on

ກອງປະຊຸມລັດຖະບານປະຈໍາເດືອນ ທັນວາ 2018 ໄດ້ດໍາເນີນເປັນເວລາສອງມື້ເຕັມແຕ່ວັນທີ 24-25 ທັນວາ, ພາຍໃຕ້ການເປັນປະທານ ທ່ານ ທອງລຸນສີສຸລິດ ນາຍົກລັດຖະມົນຕີແຫ່ງ ສປປ ລາວ. ກອງປະຊຸມຄັ້ງນີ້, ໄດ້ສຸມໃສ່ພິຈາລະນາ, ປະກອບຄໍາເຫັນໃສ່ເອກະສານສໍາຄັນໃສ່ບົດລາຍງານຕ່າງໆ ໂດຍ ລັດຖະບານ ຊີ້ນໍາໃຫ້ພາກສ່ວນທີ່ກ່ຽວຂ້ອງນໍາໄປປັບປຸງຕື່ມ ຕາມການປະກອບຄໍາຄິດເຫັນຂອງສະມາຊິກລັດຖະບານດັ່ງນີ້:

  1. ເອົາໃຈໃສ່ປັບປຸງຮ່າງດໍາລັດໃຫ້ໄປຕາມໂລຈິກ, ເປັນຕ່ອງໂສ້ ແລະ ເພີ່ມອີກໝວດໜຶ່ງໃຫ້ກໍານົດມາດຕະການ ແລະ ກົນໄກການຈັດຕັ້ງປະຕິບັດ.
  2. ໃຫ້ຂະແຫນງການທີ່ກ່ຽວຂ້ອງເອົາໃຈໃສ່ໃນການສໍາຫຼວດ ແລະ ກະກຽມການສ້າງແຜນພັດທະນາເສດຖະກິດສັງຄົມ 5 ປີ ຄັ້ງທີ X.
  3. ເອົາໃຈໃສ່ສູ້ຊົນປີ 2019 ໃຫ້ບັນລຸຕາມຕົວເລກຄາດໝາຍ ຂອງມະຕິກອງປະຊຸມ ສະພາແຫ່ງຊາດ ທີ່ໄດ້ພິຈາລະນາຮັບຮອງເອົາ.
  4. ເອົາໃຈໃສ່ສ້າງແຜນຍຸດທະສາດດ້ານພະລັງງານໃຫ້ສໍາເລັດຕາມແຜນ, ແຜນການຂະຫຍາຍອຸດສາຫະກໍາ ພ້ອມທັງເອົາໃຈໃສ່ໃນການຄຸ້ມຄອງລາຄານໍ້າມັນ.
  5. ເອົາໃຈໃສ່ລົບລ້າງບັນດາສິ່ງກີດຂວາງ ທີ່ເປັນອຸປະສັກໃນການທ່ອງທ່ຽວ ແລະ ດຶງດູດເອົາການລົງທຶນໃນຂະແໜງການພິຈາລະນາລົບລ້າງການເກັບຄ່າທໍານຽມຕ່າງໆ.
  6. ເອົາໃຈໃສ່ເຄັ່ງຄັດ, ເຂັ້ມງວດໃນການຈັດເກັບລາຍຮັບ ແລະ ຄຸ້ມຄອງລາຍຈ່າຍໃຫ້ດີ.
  7. ເອົາໃຈໃສ່ຈັດລຽງບູລິມະສິດໃນການລົງທຶນຂອງລັດຖະບານໃນປີ 2019.
  8. ປັບປຸງເຮັດໃຫ້ຕົວຊີ້ວັດການລົງທຶນໃຫ້ຕົວເລກເຫຼືອໜ້ອຍລົງ.

ພ້ອມນັ້ນ, ກອງປະຊຸມຍັງເນັ້ນເດັດຂາດຫ້າມບໍ່ໃຫ້ບັນດາກະຊວງ, ອົງການ ແລະ ທ້ອງຖິ່ນລະດົມທຶນດ້ວຍການຕັດເງິນເດືອນຂອງພະນັກງານລັດຖະກອນ, ທະຫານ-ຕໍາຫຼວດ ແລະ ປະຊາຊົນ ເພື່ອນໍາໃຊ້ເຂົ້າໃນການສະເຫຼີມສະຫຼອງວັນບຸນສໍາຄັນຕ່າງໆ ໂດຍເລີ່ມປີ 2019 ເປັນຕົ້ນໄປຫ້າມບໍ່ໃຫ້ອົງການໃດ ຫຼື ທ້ອງຖິ່ນໃດຂອງລັດ ຈັດການເຜີຍແຜລະດົມເງິນຈາກສັງຄົມ ເພື່ອເອົາໄປໃຊ້ໃນກິດຈະກໍາຂອງລັດ ແລະ ການເຮັດບຸນ, ເຮັດທານຕ່າງໆຕື່ມອີກ ຖ້າລະເມີດຈະຖືວ່າເປັນການກະທໍາຜິດວິໄນ.

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼງຂໍ້ມູນຈາກ: ໜັງສືພິມເສດຖະກິດ-ສັງຄົມ

ຮູບພາບຈາກ: targetlaos.com

ບົດຄວາມຫຼ້າສຸດ

ພົບກັບຂໍ້ສະເໜີພິເສດທີ່ສຸດແຫ່ງປີ! ກັບ TOYOTA BIG DEAL

ພົບກັບຂໍ້ສະເໜີພິເສດທີ່ສຸດແຫ່ງປີ! ພຽງແຕ່ທ່ານຈອງລົດພາຍໃນເດືອນມີນາ 2025 ຮັບທັນທີ ຄັນຮົ່ມສຸດພຣີມຽມຈາກ ໂຕໂຢຕ້າ ລາວ. ພ້ອມດຽວກັນນັ້ນ, ຖ້າທ່ານອອກລົດຕັ້ງແຕ່ວັນທີ 1 ມີນາ ຫາ 30 ມິຖຸນາ 2025...

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...