spot_img
Homeຂ່າວຕ່າງປະເທດຍອດຜູ້ເສຍຊີວິດ ຈາກ ສືນາມິ ອິນໂດເນເຊຍ ເພີ່ມຂຶ້ນ 400 ກວ່າຄົນ

ຍອດຜູ້ເສຍຊີວິດ ຈາກ ສືນາມິ ອິນໂດເນເຊຍ ເພີ່ມຂຶ້ນ 400 ກວ່າຄົນ

Published on

ຫຼັງຈາກເກີດຄື້ນຍັກ ສືນາມິ ພັດເຂົ້າຫຼາຍເມືອງເຂດເກາະສຸມາຕຣາ ແລະ ຊວາ ໃນຄືນວັນທີ 22 ທັນວາ ທີ່ຜ່ານມາ. ຖະແຫຼງການເທື່ອທໍາອິດ ມີຜູ້ເສຍຊີວິດ 281, ບາດເຈັບ 1.016 ແລະ ຜູ້ສູນຫາຍຈໍານວນໜຶ່ງ ສົ່ງຜົນເຮັດໃຫ້ບໍ່ມີທີ່ຢູ່ອາໄສຫຼາຍກວ່າ 11.687 ຄົນ ລວມທັງຕຶກອາຄານທີ່ພັກອາໄສ, ສິ່ງປູກສ້າງ ແລະ ຊັບສິນຕ່າງໆ ເປ່ເພເສຍຫາຍເປັນວົງກວ້າງ. ຕໍ່ມາວັນທີ 25 ທັນວາ ຍອດຜູ້ເສຍຊີວິດເພີ່ມຂຶ້ນຢ່າງໜ້ອຍ 429 ຄົນ, ບດເຈັບ 1.500 ຄົນ ແລະ ຜູ້ສູນຫາຍປະມານ 154 ຄົນ. ປະຊາຊົນຫຼາຍກວ່າ 16.000 ຄົນຂາດທີ່ຢູ່ອາໄສ. ປັດຈຸບັດ, ຜູ້ນໍາອິນໂດເນເຊຍ ໄດ້ສັ່ງຊື້ລະບົບເຕືອນໄພ ສືນາມິ ໃໝ່ທັງໝົດ.

ການຄົ້ນຫາຜູ້ເສຍຊີວິດ ແລະ ຜູ້ສູນຫາຍຈາກສືນາມິ ໃນຄັ້ງນີ້ ເປັນໄປດ້ວຍຄວາມຍາກລໍາບາກ ເນື່ອງຈາກພື້ນທີ່ດັ່ງກ່າວ, ມີວັດຖຸ ຕົ້ນໄມ້, ຕຶກອາຄານຫັກທັບຖົມກັນເປັນຈໍານວນຫຼາຍ ເຮັດໃຫ້ການປະຕິບັດການຄົ້ນຫາມີຄວາມຫຍຸ້ງຍາກ ແລະ ຍັງມີການເຝົ້າລະວັງພູເຂົາໄພ ອານັກກຣາກາຕົວ ທີ່ຢ້ານວ່າຈະເກີດເຫດປະທຸອີກຄັ້ງ. ດ້ານຜູ້ນໍານານາຊາດ ໄດ້ຮ່ວມສະແດງຄວາມເສຍໃຈ-ສົ່ງກໍາລັງໃຈ ພ້ອມກັບອົງການສາກົນ (EU, UN, IMF) ພ້ອມໃຫ້ການຊ່ວຍເຫຼືອຖ້າມີການຮ້ອງຂໍ.

ເຫດການຄັ້ງນີ້, ເປັນໄພພິບັດທາງທໍາມະຊາດຄັ້ງທີ 3 ໃນຮອບ 6 ເດືອນທີ່ເກີດຂຶ້ນກັບອິນໂດເນເຊຍ ຫຼັງຈາກເກີດແຜ່ນດິນໄຫວຢູ່ເກາະລອມບອກ ໃນເດືອນ ກໍລະກົດ ແລະ ສິງຫາ  ແລະ ເຫດການແຜ່ນດິນໄຫວ ກັບ ສືນາມິທີ່ເມືອງ ປາລູ ເກາະສຸລາເວສີ ໃນເດືອນ ກັນຍາ ເຊິ່ງມີຜູ້ເສຍຊີວິດປະມານ 2.200 ຄົນ ແລະ ຍັງສູນເສຍອີກຫຼາຍພັນຄົນ ທີ່ຄາດວ່າເສຍຊີວິດແລ້ວ. ປັດຈຸບັນ, ຜູ້ນໍາອິນໂດເນເຊຍ ໄດ້ສັ່ງຊື່ລະບົບເຕືອນໄພ ສືນາມິ ໃໝ່ທັງໝົດ ເພື່ອຄວາມປອດໄພ ແລະ ແກ້ໄຂຕໍ່ກັບປະກົດການທີ່ເກີດຂື້ນ.

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: thairath.co.th, dailynews.co.th

ບົດຄວາມຫຼ້າສຸດ

ພົບກັບຂໍ້ສະເໜີພິເສດທີ່ສຸດແຫ່ງປີ! ກັບ TOYOTA BIG DEAL

ພົບກັບຂໍ້ສະເໜີພິເສດທີ່ສຸດແຫ່ງປີ! ພຽງແຕ່ທ່ານຈອງລົດພາຍໃນເດືອນມີນາ 2025 ຮັບທັນທີ ຄັນຮົ່ມສຸດພຣີມຽມຈາກ ໂຕໂຢຕ້າ ລາວ. ພ້ອມດຽວກັນນັ້ນ, ຖ້າທ່ານອອກລົດຕັ້ງແຕ່ວັນທີ 1 ມີນາ ຫາ 30 ມິຖຸນາ 2025...

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...