ສໍານັກຂ່າວຕ່າງປະເທດລາຍງານ ຈາກນະຄອນຫຼວງວໍຊິງຕັນ ສະຫະລັດອາເມລິກາ ໃນວັນທີ 19 ທັນວາ 2018 ວ່າ ໄມ ເພນ ຮອງປະທານາທິບໍດີສະຫະລັດອາເມລິກາ ເປີດເຜີຍໃນຂະນະທີ່ເຂົ້າຮ່ວມປະຊຸມກັບຜູ້ນໍາທະຫານລະດັບສູງ ກະຊວງປ້ອງກັນປະເທດຂອງສະຫະລັດ (ເພນຕາກອນ) ວ່າ ໂດນັລ ທຣໍ້າ ປະທານາທິບໍດີສະຫະລັດອາເມລິກາ ຖອນທະຫານທັງໝົດປະມານ 2.000 ຄົນ ອອກຈາກຊີຣີໄວທີ່ສຸດ ຫຼັງຈາກທີ່ ທຣໍ້າ ປະກາດໄຊຊະນະໃນການເອົາຊະນະກັບກຸ່ມ IS ຜ່ານທາງທະວິດເຕີ. ດ້ານຖະແຫຼງການຂອງກະຊວງປ້ອງກັນປະເທດແຫ່ງສະຫະລັດ ລະບຸວ່າ: ກໍາລັງກຽມດໍາເນີນການໃນຂັ້ນຕໍ່ໄປ ຄາດວ່າເຈົ້າໜ້າທີ່ອາເມລິກາທຸກຄົນຈະອອກຈາກຊີຣີໃນກາງເດືອນມັງກອນປີໜ້າ.
ທຣໍ້າ ກໍໄດ້ຂຽນຂໍ້ຄວາມລົງທະວິດເຕີວ່າ: “ເຮົາຊະນະ IS ໃນຊີຣີແລ້ວ ນັ້ນເປັນເຫດຜົນດຽວທີ່ເຮົາໄປຊີຣີ”. ເຊິ່ງຜ່ານມາ ທຣໍ້າ ໄດ້ພະຍາຍາມເວົ້າເຖິງການຖອນທະຫານ ຕັ້ງແຕ່ຕອນລົງສະມັດຊາໃຫຍ່ຊີງຕໍາແໜ່ງປະທານາທິບໍດີ ແຕ່ຕໍ່ມາຫາຂໍ້ສະຫຼຸບບໍ່ໄດ້ໃນບັນດາທີ່ປຶກສາການທະຫານຂອງຕົນເອງ. ຄໍາປະກາດໄຊຊະນະຄັ້ງນີ້, ເປັນໄປຕາມຂໍ້ຮຽກຮ້ອງຂອງສະມາຊີກສະພາ ຄອງເກຣດ ກັບສະມາຊິກສະພາ ຣີພັບລິກັນ ທີ່ຂໍຂໍ້ມູນ ແລະ ການບັນຍາຍສະຫຼຸບສະຖານນະການຢ່າງເປັນທາງການວ່າ ສະຫະລັດຄວນຈະຖອນທະຫານ ຫຼື ບໍ່ ຂະນະທີ ສ.ວ ວິນເດິເຊຍ ເກຣແຮມ ຫາກໍກັບມາກຈາກການຢ້ຽມຢາມອາຟະການິດສະຖານ.
After historic victories against ISIS, it’s time to bring our great young people home! pic.twitter.com/xoNjFzQFTp
— Donald J. Trump (@realDonaldTrump) December 19, 2018
ເມື່ອບໍ່ເທົ່າໃດອາທິດຜ່ານມາ, ຍັງສະແດງໃຫ້ເຫັນວ່າ IS ຍັງຕົກຄ້າງຢູ່ ແລະ ນະໂຍບາຍຂອງສະຫະລັດຄື ຍັງຕ້ອງໃຊ້ກໍາລັງໄວ້ຈົນ IS ຈະຖືກປາບປາມຢ່າງຮາບກ້ຽງ, ສ່ວນອິດສະຣາແອນ ຍັງເປັນຫວ່ງອີຣານເຂົ້າໄປສ້າງອິດທິພົນໃນຊີຣີ ແລະ ອາດຈະສົ່ງຜົນໃນການຮຸກຮານ IS.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: khaosod.co.th, matichon.co.th, dailynews.co.th