ເນື່ອງຈາກ ກະດູກ ຈະປ່ອຍແຄຊຽມໃຫ້ແກ່ເລືອດໃນປະລິມານນ້ອຍໆ ທຸກມື້ ໂດຍເລືອດຈະນຳແຄຊຽມຈາກ ກະດູກ ໄປໃຊ້ເຮັດຫນ້າທີ່ຕ່າງໆ ຫລວງຫລາຍ ຂະນະດຽວກັນຮ່າງກາຍກໍຈະນຳເອົາແຄຊຽມຈາກເລືອດໝູນກັບເຂົ້າໄປເກັບໄວ້ໃນກະດູກທຸກມື້ເຊັ່ນກັນ ເຊິ່ງແຄຊຽມທີ່ໄດ້ກໍມາຈາກການດູດຊຶມຈາກທາງເດີນອາຫານມື້ລະສອງສາມເທື່ອ ຕາມມື້ອາຫານທີ່ເຮົາຮັບປະທານເຂົ້າໄປນັ້ນເອງ
ໃນແຕ່ລະມື້ຮ່າງກາຍຕ້ອງການແຄຊຽມປະມານ 800-1, 200ມິນລິກຣາມ ອາຫານທີ່ອຸດົມໄປດ້ວຍແຄຊຽມສູງຫລາຍ ກໍ່ຄື ນົມສົດ ປາໂຕນ້ອຍໆ ປູ ເຄື່ອງດື່ມລົດຊອັກໂກ ແລັດ ລວມເຖິງອາຫານພື້ນບ້ານຊາວກໍ່ຄື ກົບ ຂຽດ ເປັນຕົ້ນ ຈັດໄດ້ວ່າເປັນອາຫານທີ່ມີແຄຊຽມສູງຫລາຍ ນອກຈາກນີ້ຍັງມີ ໂຍເກິດ ກຸ້ງ ເຕົ້າຫູ້ ແລະ ຜັກບາງຊະນິດ ຈຳພວກຜັກໃບຂຽວ ກໍມີແຄຊຽມເຊັ່ນກັນ
ຮັບແຄຊຽມໜ້ອຍເກີນໄປຈະເກີດຫຍັງຂຶ້ນ
ຖ້າເປັນໃນເດັກນ້ອຍຈະມີການສ້າງກະດູກ ເຮັດໃຫ້ການຈະເລີນເຕີບໂຕບໍ່ດີ ແລະຄວາມຫນາແຫນ້ນຂອງກະດູກບໍ່ເຖິງຈຸດສູງສຸດ ສຳລັບຜູ້ໃຫຍ່ເຮັດໃຫ້ຄວາມຫນາແຫນ້ນຂອງກະດູກນ້ອຍລົງ ກະດູກບໍ່ແຂງແຮງ ເປັນເອັນຈັງງ່າຍ ສ່ຽງຕໍ່ການເກີດພະຍາດກະດູກຜ່ອຍ
ຮັບແຄຊຽມຫລາຍເກີນໄປຈະເກີດຫຍັງຂຶ້ນ
ແຄຊຽມ ຈາກການຮັບປະທານອາຫານ ຈະບໍ່ຫລາຍເກີນຈົນເກີດພິດຕໍ່ຮ່າງກາຍ ແຕ່ອາດສົ່ງຜົນໃຫ້ໄດ້ຮັບສານອາຫານຢ່າງອື່ນຫລາຍເກີນຄວາມຕ້ອງການ ຂອງຮ່າງກາຍໄດ້ ເຊັ່ນ ໂຊດຽມ ໄຂມັນ ເປັນຕົ້ນ ແຕ່ຖ້າຫາກຮັບແຄຊຽມຈາກອາຫານເສີມ ຈະຕ້ອງລະວັງເລື່ອງສົມດຸນຂອງແຄຊຽມ ເພາະຖ້າເສີມແຄຊຽມເປັນປະຈຳຫລາຍເກີນໄປ ໂດຍທີ່ຮ່າງກາຍມີພາວະ ແມກນີຊຽມ ຕ່ຳ ເຊິ່ງແມກນີຊຽມ ຈະເປັນຕົວຄວບຄຸມການເຄື່ອນໄຫວຂອງແຄຊຽມ ອາດເກີດບັນຫາແຄຊຽມໄປສະສົມຢູ່ຕາມກ້າມຊີ້ນ ຈົນເປັນເຫດໃຫ້ການຫົດຕົວຂອງກ້າມຊິ້ນບໍ່ປົກກະຕິ ເກີດອາການສັ່ນ ເປັນເອັນຈັງ ຈະເຮັດໃຫ້ເກີດພະຍາດຫົວໃຈຕີບ ຫລອດເລືອດຫົວໃຈແຂງໂຕເປັນຕົ້ນ ຖ້າຫາກເສີມແຄຊຽມສູງ ກໍຄວນເສີມແຫລ່ງອາຫານທີ່ມີ ແມກນີຊຽມ ສູງໃຫ້ໄດ້ສົມດຸນກັນໄປນໍາເຊັ່ນກັນ
ດັ່ງນັ້ນ ກາບໍລິໂພກແຄຊຽມພຽງຢ່າງດຽວ ຈຶ່ງບໍ່ພຽງພໍຕໍ່ການເສີມສ້າງກະດູກ ເພາະນອກຈາກແຄຊຽມແລ້ວ ກະດູກຍັງຕ້ອງການວິຕາມິນດີ ແມກນີຊຽມ ວິຕາມິນເຄ ສັງກະສີ ແລະ ອື່ນໆ
ວິຕາມິນດີ: ຖ້າຮ່າງກາຍໄດ້ຮັບວິຕາມິນດີບໍ່ພຽງພໍຈະເຮັດໃຫ້ຮ່າງກາຍດູດຊັບແຄຊຽມໄດ້ພຽງ 10-15 ສ່ວນຮ້ອຍເທົ່ານັ້ນ ແຫລ່ງຂອງວິຕາມິນດີທີ່ສຳຄັນຄື ແສງແດດ ອາຫານທີ່ມີວິຕາມິນດີ ຄື ນົມ ປາແຊນມອນ ກຸ້ງ ເປັນຕົ້ນ
ແມກນີຊຽມ: ປະລິມານເຄິ່ງໜຶ່ງຂອງແມກນີຊຽມໃນຮ່າງກາຍຢູ່ທີ່ກະດູກ ເຊິ່ງຈະຊ່ວຍດູດຊັບແລະໃຊ້ວິຕາມິນດີ ອາຫານທີ່ມີແມກນີຊຽມສູງ ເຊັ່ນ ຖົ່ວອາວມອນເປັນຕົ້ນ
ວິຕາມິນເຄ: ຊ່ວຍໃຫ້ກະດູກແຂງແຮງ ບໍ່ຫັກງ່າຍ ອາຫານທີ່ມີວິຕາມິນເຄສູງ ເຊັ່ນ ບັອກໂຄລີ ຜັກໃບຂຽວ
ເກືອແຮ່: ນອກຈາກນີ້ໃນແຕ່ລະມື້ຮ່າງກາຍຍັງຕ້ອງການ ສັງກະສີຖົ່ວ ທັນຍະພືດຕ່າງໆ ໝາກນັດໝາກເລັ່ນ ແລະ ເຕົ້າຮູ້ ສ່ວນອາຫານທະເລ ຊີ້ນແດງ ຖົ່ວ ເປັນແຫລ່ງຂອງສັງກະສີ
ອາຫານບຳລຸງ ກະດູກ
ໂດຍສະຫລຸບ ຮ່າງກາຍຕ້ອງການແຄຊຽມປະມານມື້ລະ 800- 1, 200ມິລິກຣາມ ຕ້ອງການແມກນີຊຽມມື້ລະປະມານ 150ມິລິກຣາມ ຕ້ອງການວິຕາມິນດີມື້ລະ 200ໜ່ວຍສາກົນ ຖ້າຫາກຮັບປະທານອາຫານໃຫ້ຖືກສັດສ່ວນ ເພີ່ມຜັກໃບຂຽວ ເສີມດ້ວຍຖົ່ວ ແລະ ອາຫານທະເລເລື້ອຍໆ ກໍບໍ່ຕ້ອງກັງວົນວ່າ ຈະເສຍກະດູກກ່ອນໄວອັນຄວນອີກຕໍ່ໄປ