ສປ ຈີນ ສະຫຼອງຄົບຮອບ 40 ປີ (1978-2018) ໃນການປະຕິຮູບ ແລະ ເປີດປະເທດ; ເສດຖະກິດເພີ່ມຂຶ້ນ 42 ເທົ່າ, ສາມາດສົ່ງອອກເພີ່ມຂຶ້ນ 119 ເທົ່າ ຈົນກາຍເປັນປະເທດທີ່ມີເສດຖະກິດຂະໜາດໃຫຍ່ອັນດັບ 2 ຂອງໂລກຖັດຈາກສະຫະລັດອາເມລິກາໃນປັດຈຸບັນ.
ປະທານາທີບໍດີ ສີ ຈີ້ນຜິງ ຖະແຫຼງການ ທີ່ນະຄອນຫຼວງປັກກິ່ງ ກ່ຽວກັບຄວາມສໍາເລັດໃນຮອບ 40 ປີວ່າ: “ຊົມເຊີຍຄວາມສໍາເລັດລະດັບມະຫາພາກ, ບໍ່ມີໃຜຢູ່ໃນສະຖານະທີ່ຈະມາສັ່ງຈີນໄດ້ວ່າຄວນເຮັດໃຫ້ ຫຼື ບໍ່ຄວນເຮັດຫຍັງ ແລະ ເຖິງວ່າຈີນຈະປະສົບຄວາມສໍາເລັດໃນການພັດທະນາເສດຖະກິດ ແຕ່ບໍ່ມີວັນສະແຫວງຫາຄວາມເປັນມະຫາອໍານາດໂລກ ມີແຕ່ເປັນຜູ້ສົ່ງເສີມສັນຕິພາບໂລກ ແລະ ມຸ່ງໜ້າສູ່ອະນາຄົດທີ່ແບ່ງປັນຜົນປະໂຫຍດຮ່ວມກັນຂອງມວນມະນຸດ ທັງໄດ້ຮັບບົດບາດໃນການແກ້ໄຂບັນຫາໂລກຮ້ອນ” ເຊິ່ງ ສີ ຈີ້ນຜິງ ບໍ່ໄດ້ເວົ້າເຖິງບັນຫາຂັດແຍ່ງທາງການຄ້າກັບອາເມລິກາ ທີ່ຢູ່ລະຫວ່າງພັກຮົບເພື່ອເຈລະຈາດ້ານການຄ້າລະຫວ່າງກັນ ແຕ່ເນັ້ນຢໍ້າວ່າ: “ຜູ້ນໍາພັກກອມມູນິດຢູ່ທຸກມຸມຂອງສັງຄົມ ການປະຕິຮູບຄວນເຮັດຕາມເປົ້າໝາຍການພັດທະນາລະບົບສັງຄົມນິຍົມຕາມແບບຂອງຈີນ”.
ການປະຕິຮູບເສດຖະກິດໄດ້ລິເລີ່ມ ແລະ ຜັກດັນ ຈາກອະດິດປະທານາທິບໍດີ ເຕິ້ງ ສ່ຽວຜິງ ໃນປີ 1978 ໂດຍມີການອະນຸມັດດໍາເນີນການໃນປີດຽວກັນ, ການປັບທິດທາງພັດທະນາປະເທດຈາກລະບອບຄອມມູນິດເກົ່າຂອງປະຊາຊົນເໝົາ ເໝົາ ເຈີ໋ຕຸງ ເຊິ່ງລະບົບຄອມມູນິດ ຫຼື ປະຊາຊົນນິຍົມນໍາໄປສູ່ລະບົບເສດຖະກິດຂາດແຄນ ແລະ ບໍ່ມີປະສິດທິພາບ, ແນວທາງໃໝ່ຂອງ ເຕິ້ງ ສ່ຽວຜິງ ເນັ້ນປະຕິຮູບກະສິກໍາ ແລະ ເປີດເສລີ ໃຫ້ເອກະຊົນພັດທະນາອຸດສາຫະກໍາໃຫ້ທັນກັບສະໄໝ ແລະ ເປີດປະຕູສູ່ການຄ້າລະຫວ່າງປະເທດ ຈົນກ້າວຂຶ້ນມາຢູ່ແຖວໜ້າ ແລະ ມີບົດບາດສໍາຄັນໃນການເມືອງລະຫວ່າງປະເທດໃນປັດຈຸບັນ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: thairath.co.th, posttoday.com
ຮູບພາບຈາກ: posttoday.com