ລັດຖະບານ ຍີ່ປຸ່ນ ເຜີຍຮ່າງແຜນເສີມສັກກາຍະພາບໃນໄລຍະເວລາ 5 ປີ ລວມເຖິງການສັ່ງຊື້ເຮືອບິນຂັບໄລ່ F-35 ຊຸດໃຫຍ່ຈໍານວນ 42 ລໍາດ້ວຍເວລາ 1 ທົດສະວັດຕໍ່ຈາກນີ້ໄປ ເຊິ່ງສື່ທ້ອງຖິ່ນປະເມີນລາຍການສັ່ງຊື້ສະເພາະເຄື່ອງບິນ F-35A ອາດຈະສູງກວ່າ 1 ລ້ານເຍນ.
ສໍານັກຂ່າວຕ່າງປະເທດລາຍງານຈາກ ນະຄອນຫຼວງໂຕກຽວ ປະເທດຍີ່ປຸ່ນ ໃນວັນທີ 18 ທັນວາ 2018 ວ່າ: ທີ່ປະຊຸມຄະນະລັດຖະມົນຕີຍີ່ປຸ່ນຕອນເຊົ້າວັນດຽວກັນ ໄດ້ອະນຸມັດຮ່າງແຜນຍຸດທະສາດດ້ານຄວາມໝັ້ນຄົງໃນໄລຍະເວລາ 5 ປີຕໍ່ໜ້າ ໂດຍມີເນື້ອໃນສໍາຄັນເຖິງການຍົກລະດັບສັກກາຍະພາບເຮືອບິນບັນທຸກເຮລີຄອບເຕີຣ ເຊິ່ງປັດຈຸບັນມີ 2 ລໍາ ຄື: ຄາງະ ແລະ ອີຊຸໂມະ ທີ່ສາມາດບັນທຸກເຮືອບິນຮົບ ແລະ ເຮືອບິນຂັບໄລ່ທີ່ມີຄວາມຫຼາກຫຼາຍຂຶ້ນ.
ຂະນະດຽວກັນ, ຄະນະລັດຖະມົນຕີ ນາຍົກລັດຖະມົນຕີ ຊິນໂຊ ອາເບະ ມີແຜນກຽມສັ່ງຊື້ເຮືອບິນຂັບໄລ່ F-35B ຊຸດໃຫຍ່ ຈໍານວນ 42 ລໍາດ້ວຍເວລາ 1 ທົດສະວັດ ໂດຍເປັນຄົນລະສ່ວນກັບການສັ່ງຊື້ເຄື່ອງບິນຂັບໄລ່ F-35A ຫຼາຍເຖິງ 105 ລໍາ ລວມເຖິງການຊື້ເຮືອດໍານໍ້າ ແລະ ລະບົບເຣດາຣລຸ້ນໃໝ່ອີກດ້ວຍ ເຊິ່ງສື່ທ້ອງຖິ່ນປະເມີນລາຍການສັ່ງຊື່ສະເພາະເຄື່ອງບິນ F-35A ອາດຈະສູງກວ່າ 1 ລ້ານເຍນ ປະມານ 74.800.000 ກີບ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: dailynews.co.th
ຮູບພາບຈາກ: miamiflightacademy.com