ລັດຖະບານ ຮົງກາລີ ກໍາລັງປະເຊີນໜ້າກັບການປະທ້ວງການຕໍ່ຕ້ານຢ່າງໜັກຈາກປະຊາຊົນ ໃນກໍລະນີອອກກົດໝາຍໃຫ້ນາຍຈ້າງສາມາດເພີ່ມຊົ່ວໂມງເຮັດວຽກລ່ວງເວລາໃຫ້ລູກຈ້າງຈາກ 250 ຊົ່ວໂມງ ຂຶ້ນເປັນ 400 ຊົ່ວໂມງ/ປີ ແລະ ເລື່ອນຈ່າຍຄ່າຕອບແທນໄດ້. ການປະທ້ວງຄັ້ງນີ້, ເຮັດໃຫ້ມີຜູ້ບາດເຈັບຢ່າງໜ້ອຍ 24 ຄົນ ເຊິ່ງກຸ່ມປະທ້ວງໄດ້ເອີ້ນກົດໝາຍນີ້ວ່າ: “ກົດໝາຍທາດ”.
ສໍານັກຂ່າວຕ່າງປະເທດລາຍງານຈາກນະຄອນຫຼວງ ບູດາເປສ ປະເທດຮົງກາລີ ໃນວັນທີ 18 ທັນວາ 2018 ວ່າ ເກີດເຫດການການຊຸມນຸມປະທ້ວງຕໍ່ຕ້ານລັດຖະບານຝ່າຍຂວາ ໂດຍໃຊ້ລະເບີດເປັນອາວຸດ ປະທະກັບເຈົ້າໜ້າທີ່ຕໍາຫຼວດທີ່ຄວບຄຸມກຸ່ມປະທ້ວງດ້ວຍແກສນໍ້າຕາ ໃນນະຄອນຫຼວງບູດາເປສ ປະເທດຮົງກາລີ ໃນວັນທີ 16 ທັນວາ ຜ່ານມາ ເນື່ອງຈາກ ວິດເຕີຣ ອອນບັນ ນາຍົກລັດຖະມົນຕີຮົງກາລີ ໄດ້ເພີ່ມຊົ່ວໂມງການເຮັດວຽກລ່ວງເວລາໃຫ້ນາຍຈ້າງສາມາດເພີ່ມຊົ່ວໂມງການເຮັດວຽກລູກຈ້າງຈາກ 250 ຊົ່ວໂມງ ຂຶ້ນເປັນ 400 ຊົ່ວໂມງ/ປີ ແລະ ເປີດທາງຈ່າຍຄ່າຈ້າງລ່ວງເວລາຊໍ້າໄດ້ສູງສູດ 3 ປີ.
Hungary's leader is facing protest by thousands of people because of these new laws:
-Increasing the maximum overtime people can work
-Creating a top court under government oversight pic.twitter.com/hrwXMY5YXB— Bloomberg Originals (@bbgoriginals) December 17, 2018
ລັດຖະບານລະບຸວ່າ: ກົດໝາຍດັ່ງກ່າວ, ມີຄວາມຈໍາເປັນ ເພື່ອແກ້ໄຂບັນຫານາຍຈ້າງຂາດແຄນແຮງງານ ແລະ ຈະເປັນປະໂຫຍດກັບແຮງງານທີ່ຕ້ອງການເຮັດວຽກລ່ວງເວລາ ແຕ່ກຸ່ມປະທ້ວງເອີ້ນກົດໜາຍນີ້ວ່າ: “ກົດໝາຍທາດ”. ການປະທ້ວງຄັ້ງນີ້, ຖືເປັນການປະທ້ວງທີ່ຮ້າຍແຮງທີ່ສຸດນັບແຕ່ນາຍົກ ອອນບັນ ດໍາລົງຕໍາແໜ່ງອີກຄັ້ງໃນປີ 2010 ລ່າສຸດມີຜູ້ຖືກຈັບແລ້ວ 10 ຄົນ ແລະ ເຈົ້າໜ້າທີ່ຕໍາຫຼວດໄດ້ຮັບບາດເຈັບຢ່າງໜ້ອຍ 14 ຄົນ.
Protests broke out in Budapest as Hungary's parliament passes a "slave law" on overtime pic.twitter.com/D2uf0bgnTy
— Bloomberg Originals (@bbgoriginals) December 16, 2018
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: matichon.co.th, dailynews.co.th
ຮູບພາບຈາກ: dailynews.co.th