ເກົາຫຼີເໜືອ ກ່າວປະນາມມາດຕະການຄວໍ້າບາດໃນຮອບຫຼ້າສຸດຂອງສະຫະລັດອາເມລິກາ ທີ່ຂຶ້ນບັນຊີດໍາກັບເຈົ້າໜ້າທີ່ລະດັບສູງ 3 ຄົນຂອງເກົາຫຼີເໜືອ ແລະ ກົດດັນໃນເລື່ອງການປົດອາວຸດນີວເຄຍຫຼາຍຂຶ້ນ ໂດຍເກົາຫຼີເໜືອເຕືອນອາເມລິກາວ່າ ຫາກກັບໄປໃຊ້ຄວາມຮຸນແຮງອີກຄັ້ງ ອາດຈະສົ່ງຜົນຕໍ່ການປົດອາວຸດນິວເຄຍທີ່ຈະຖືກປິດຕະຫຼອດການ.
ສໍານັກຂ່າວຕ່າງປະເທດລາຍງານຈາກນະຄອນຫຼວງໂຊລ ປະເທດເກົາຫຼີໃຕ້ ໃນວັນທີ 17 ທັນວາ 2018 ວ່າ ສະຖາບັນການສຶກສາ ກະຊວງການຕ່າງປະເທດ ຖະແຫຼງການຜ່ານສໍານັກຂ່າວເກົາຫຼີເໜືອ (KCNA) ເມື່ອວັນຈັນນີ້ ສະແດງຄວາມຍ້ອງຍໍຕໍ່ຄວາມພະຍາຍາມຂອງປະທານາທິບໍດີ ໂດນັລ ທຣໍ້າ ກັບການປັບປຸງຄວາມສໍາພັນລະດັບພາຄືກັບເກົາຫຼີເໜືອ ນັບຕັ້ງແຕ່ການພົບປະຫາລືກັນທີ່ສິງກະໂປ ໃນເດືອນ ມິຖຸນາ ຜ່ານມາ ແຕ່ການດໍາເນີນງານຂອງທັງສອງກາຍເປັນອຸປະສັກໃຫ້ກັບຂະບວນການດັ່ງກ່າວ ແລະ ມີແຕ່ຈະນໍາພາສອງປະເທດກັບຄື່ນສູ່ເສັ້ນທາງເກົ່າ ແລະ ບໍ່ສາມາດຍ້ອນກັບມາໄດ້ອີກ.
▪ N. KOREAN OFFICIALS SANCTIONED
U.S. imposes sanctions on 3 N. Korean officials pic.twitter.com/HJ23s4Cr8j
— Arirang News (@arirangtvnews) December 11, 2018
ທັ້ງນີ້, ກະຊວງການຕ່າງປະເທດອາເມລິກາ ໄດ້ອອກຖະແຫຼງການໃນອາທິດແລ້ວ ໂດຍໄດ້ຂຶ້ນບັນຊີດໍາບຸກຄົນສໍາຄັນຂອງເກົາຫຼີເໜືອ 3 ຄົນ ໃນຂໍ້ຫາກ່ຽວຂ້ອງກັບການປະຕິບັດງານ ແລະ ລະເມີດສິດທິມະນຸດ ໄດ້ແກ່ ຈອງ ຄໍຍອງແທັກ ລັດຖະມົນຕີກະຊວງຄວາມໝັ້ນຄົງແຫ່ງລັດ, ປຣາດ ກວາງ ໂຮ ເຈົ້າໜ້າທີ່ລະດັບສູງດ້ານການຈັດການນະໂຍບາຍໂຄສະນາຊວນເຊື່ອ ແລະ ໂຊ ຣໍຍອງ ແຮ ຮອງປະທານຄະນະກໍາມະການກິດຈະການແຫ່ງລັດ ເຊິ່ງເປັນໜຶ່ງໃນມືຂວາຂອງ ຄີມ ຈອງ ອືນ ຜູ້ນໍາສູງສຸດຂອງເກົາຫຼີເໜືອ ໂດຍຫຼາຍຝ່າຍເຊື່ອວ່າການຂຶ້ນບັນຊີດໍາ ໂຊ ຣໍຍອງ ແຮ ອາດຈະເປັນປະເດັນທີ່ສ້າງຄວາມບໍ່ພໍໃຈໃຫ້ແກ່ລັດຖະບານເກົາຫຼີເໜືອທີ່ສຸດ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ່ມູນຈາກ: thairath.co.th, dailynews.co.th, Arirang News
ຮູບພາບຈາກ: allnews.ge