ໃນວັນທີ 11 ທັນວາ 2018 ຜ່ານມາ ເຈົ້າໜ້າທີ່ສິງກະໂປຕັ້ງຂໍ້ຫາກັບພະນັກງານຂັບລົດທີ່ເປັນແຮງງານຊາວຈີນ 2 ຄົນຊື່ ທ້າວ ເຊີນ ຈື້ ຫຼຽງ ອາຍຸ 47 ປີ ແລະ ທ້າວ ຈ້າວ ຫຍູຄຸນ ອາຍຸ 43 ປີ ໃນກໍລະນີເອີ້ນຮັບເງິນຈາກຄົນຂັບລົດທຸກເທື່ອໆລະ 1 ໂດລາສິງກະໂປ ເທົ່າກັບ 6.354 ກີບ ແລກກັບການຍົກສິນຄ້າຂຶ້ນລົງຈາກລົດ ໂດຍບໍ່ຫຼ້າຊ້າທີ່ທ່າເຮືອເກັບຕູ້ຄອນເທັນເນີຫຼາຍເທື່ອ ແຕ່ເຈົ້າໜ້າທີ່ຍັງບໍ່ລະບຸຈໍານວນເງິນໄດ້ຊັດເຈນ ທັງສອງຄົນອາດຈະຖືກຕິດຄຸກເຖິງ 5 ປີ ປັບໃໝ 100.000 ໂດລາສິງກະໂປ.
ສໍານັກງານສອບສວນການກະທໍາຜິດກົດໝາຍສໍ້ລາດບັງຫຼວງຂອງ ສິງກະໂປ ຖະແຫລງວ່າ: ຂຶ້ນຊື່ວ່າກິນສິນບົນເຖິງຈະ 1 ໂດລາກໍຕາມແມ່ນຖືວ່າຜິດ! ຕ້ອງສອບສວນ! ການກິນສິນບົນບໍ່ວ່າຈະເປັນເງິນເທົ່າໃດກໍຍອມຮັບບໍ່ໄດ້. ຄະດີດັ່ງກ່າວ, ສະທ້ອນໃຫ້ເຫັນຊື່ສຽງຂອງສິງກະໂປໃນຖະນາເປັນປະເທດຕໍ່ຕ້ານການສໍ້ລາດບັງຫຼວງ ຂະນະທີ່ລັດຖະມົນຕີສິງກະໂປໄດ້ຊີ້ວ່າ: ເປັນນັກການເມືອງທີ່ມີເງິນທີ່ສຸດໃນໂລກ ເລີ່ມຕົ້ນທີ 1.1 ລ້ານໂດລາສິງກະໂປ ເທົ່າກັບ 67.628 ລ້ານກີບ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນຈາກ: thairath.co.th, khaosod.co.th
ຮູບພາບຈາກ: sbr.com.sg